Matta 24:3 - Dadiya NT

³ Kwama Yesu yǝm a dʌbʌl Yem Zaituni, nǝngɔ bɛtɔ mɛlalɨ gǝnɔ ba nya gǝn kwaaji gɔ, “Sʊwa nǝn, kanjǝl nɨ bwɨ fɨyang? N wɛ nʊng bɛtǝm mʊnɔ lɛɨ, jǝbɔ dɨltǝm yooli nɨ?”

Matta 24:3 交叉引用

Maajɨ Bɛtɔ Twamagɨɨ 1:7

Nǝngɔ Yesu a sʊwa ji gɔ, “Nyǝmtǝm kwamatɨnɔ jǝbɔ joltɨnɔ, Tɛtɛ a dǝg a mʊgɔ fɔlɔn gǝn, ke bɔ a jen, na a gɔ.

Matta 24:37

Kanga ja maam nǝn jol Nuhui, jǝ maa nyɔ a bɛtǝm Bʊla Nǝlɨ.

Matta 13:49

Yǝlam nyɔ a dɨltǝm yooligɔ gǝm. Bɛtɔ twama Kwaamaɨ ba jǝ bel bel sǝ ja jǝgam nǝb bwɨlamɔ a mʊgɔ nǝb dǝngdǝngɔ gǝm.

Luka 21:7

Nǝngɔ ja bʌ gǝn gɔ, “Feyi, jʊ nɨ bwɨ fɨyang? N wɛ nǝ kuwo lɛɨ sǝ nǝ nyǝm kanjǝl nɨ bwɨ bwɨɨ?”

Matta 21:1

Nǝn kwama Yesu jǝbɔ bɛtɔ mɛlalɨ gǝnɔ ba ja dwama Urushalimagɨɨ, ja bɛ a Betafaji a Yem Zaituni, nǝngɔ a twam bɛtɔ mɛlalɨ gǝnɔ yoi.

Matta 24:39

Nǝn kwama la ja nyǝmǝm jʊ nɨ bwɨ lɛɨ, mwɛ nɨ a fʌl tǝmɔ gwamɨ, a ba wɔɔ ji gwam. Yǝlam nyɔ nǝn bɛtǝm Bʊla Nǝlɨ.

Matta 24:27

Kanga kwamagɔ gǝ beta lɛ a twal a yɔ nǝn a diyengi, bɛtǝm Bʊla Nǝlɨ yǝlam nyɔ.

Ibranii 9:26

Na na Kiristi gǝ nǝ dul gǝnɔ a joli, na nɔɔ nɔɔ gaalan kwangkwang dangǝn a tǝltǝm yooligɔ gǝm ba la nǝn a kǝngkɨɨ. Kǝngkɔ a nʊng dul gǝnɔ naa win swar a dɨltǝm yooligɔ gǝm sǝ a dem bwɨlangkɛlɔ a gola nǝtǝm dul gǝn a twɨtǝm yulʌn.

Matta 28:20

Jǝ́ mɛla jim ja bwangtǝn kanjǝl nɨ gwam mǝ sʊwa jeni. Jǝ́ nyǝm mǝ na dakini nǝbɔ jen kwangkwang a yɔ nǝn a dɨltǝm yooli.”

Matta 17:19

Nǝngɔ bɛtɔ mɛlalɨgɔ a bɛ a daa Yesu woi kwama jǝ kwaajii, nǝngɔ ja bʌ gǝn gɔ, “N wɛ a bwɨ nǝn dwal bɔ nǝn jǝg bwɛlaa nɨɨ?”

Matta 24:43

Bɛ jǝ́ nyǝm, na nǝ lɔngɔ a nyǝm kwama nɨ nǝkuugɔ bɛm lɛ nǝn kumi, na mɨsɔ daa dum lɛ, na mɨsɔ jǝla lɛ ja dɔ gǝm lɔ.

Matta 15:12

Nǝngɔ bɛtɔ mɛlalɨ gǝnɔ a bɛ a daa gǝ woi ja bʌ gǝn gɔ, “Mʊ nyǝm bɔ nǝbɔ Farisaɨ a maa nabwɨl nǝn kwama ja nyʊwa kɛl nɨɨ ka?”

Matta 13:36

Nǝngɔ Yesu a bǝla mʊrkalɨ nǝbɨɨ, a dɔ lɔngɨɨ. Bɛtɔ mɛlalɨ gǝnɔ ba nya gǝnɨ, ja bʌ gǝn gɔ, “Sʊwa nǝn, mʊsǝn kɛl nɨ a dul yǝla nɨ a tɔtwamɨ, gǝ nʊng wɛ?”

Matta 16:27

Bʊla Nǝlɨ bɛ bɛ nǝn dʊʊlǝn Tɛtɛ gɨɨ jǝbɔ bɛtɔ twama gǝnɔ. Ywa ywa nǝbɔ win win a jʊ ja maaɨ.

Matta 16:28

Bɨlǝngkɛl mǝ sʊwa jen nɛɨ, kaam nǝb nɨ tɨlam fǝɨ, mɨsɔ jǝ bʊla lɛ, na ja kuwo bɔ Bʊla Nǝlɨ bɛ lɛ a mʊgɔ fɔlɔn gǝnɔ gǝmɨ.”

Matta 24:30

A kwama gɔ jǝ kuwo kuwo kaa jǝ nʊngtǝm a dʌbʌl kwama, na Bʊla Nǝlɨ a nʊng dul gǝnɨ. Nǝbɔ a yooli nɨɨ ji ji wi bwaa, na ja kuwo Bʊla Nǝlɨ bɛ lɛ a mʊgɔ luli, nǝn kwaan jǝbɔ gʌleng dʊʊlǝn gǝnɔ.