Matta 22:4 - Dadiya NT

⁴ “Nǝngɔ a twam kaam jwaalɛbɔ gɔ, ‘Jǝ́ sʊwa nǝbɔ jengɔ, “N wɔ n fɛka jǝjalǝnɔ, n beta nɛɛtɨnɔ jǝbɔ nɛɛtɨn nɨ mǝ tuum tuumi a dʊʊla nǝn lʊglʊg nyɨɨ, wʊnɨ mǝ fɛka a kɛl kangwaal nɨɨ, n fɛka kanjǝlɔ gwam. Jǝ́ bɛ kangwaalɔ!” ’

Matta 22:4 交叉引用

Maajɨ Bɛtɔ Twamagɨɨ 13:46

Bulus jǝbɔ Barnaba ja sʊwa kɛl nɨ mɨ taal wo gɔ, “Jen jǝ́ Yahudawagɔ a bʊm nǝn tǝl sʊwatǝm jenɔ kɛl Kwaamaɨ. Nǝngɔ jǝ́ kɔ gǝnɨ, jǝ́ nʊng jǝ́ la bɔ jǝ́ nya kʊlɨ nɨ mɨ dɨtǝm woi. A kɛl dul jʊ nɨ, nǝn yi a daagɔ Bʌtʌbɔ woi.

Matta 21:36

Nǝngɔ a twam kaam jwaalɛbɨɨ, ja lada ja laa na tɨkǝgagɔ. Nǝb nɨ ga nǝ ji twam ywatǝmɨ ja maa nǝb nɨ gǝm jʊ ja maa nǝb tɨkǝgamɔ gǝmɨ.

Roma 8:32

Kwaama a kɔ bɔ nǝtǝm bǝn bʊla gɨɨ, a nǝ bǝn pʌd bǝnɔ. Kwaama nɨ a kwɛl a nǝ bǝn Bʊla gɨɨ, mɨsɔ nǝ bǝn kanjǝlɔ lɛ gwam tag ka?

Maajɨ Bɛtɔ Twamagɨɨ 1:8

Jǝ́ nya nya kwaan na Yʊwa Kwaamaɨ a gǝla jemi. Jǝ́ yǝlam yǝlam nǝb nǝtǝm nyiyo a dul mɨ a Urushalima, jǝbɔ mʊgɔ Yahudiyagɔ gwam, jǝbɔ Samariyagɔ, jǝbɔ daagɔ tǝmɔ a dɨlǝm gwamɨ.”

Luka 14:17

Nǝn kwamagɔ kangwaalɔ a bɨɨ, nǝngɔ a twam bwɛ jwaalɛ gǝnɔ gɔ ya sʊwa nǝbɔ ga twam jimi ja bɛ, kangwaalɔ a bɨɨ.

Matta 22:8

“Nǝngɔ a sʊwa jwaalɛb gǝnɔ gɔ, ‘Ja dɨ fɛkalɨ kangwaalɔ, nǝbɔ mǝ joi ja daa bɔ tʌgo a kangwaalɔ gǝm.

Matta 22:5

“Ja swa bɔ lɔl, ja shu. Kaa a shu a twam gǝn. Kaa a shu a gamdʌbo.