23 Nǝngɔ a sʊwa ji gɔ, “N nyǝm nyɔ, jǝ́ mwɨ mwɨ jǝ́ tɨ, jǝ́ nɔɔ gaalanɔ na mǝ. Mǝ sʊwa jen nɛ, kɛl yɨm a kang jajǝng jǝbɔ kang fɔlɔng mɨ, mɨ mǝ nǝn fɔlɔn nɨ mǝ nǝ jen nɛɨ. Tɛtɛ mɨ nɨ a kwamaɨ a fɛm nǝbɔ ga jǝgamɨ daatɨnɔ.”
Nǝmǝ mǝ Yohana kɨla jen, fwalɨ yɨm jǝbɔ jen a mʊgɔ gaalan jǝbɔ fɔlɔn jǝbɔ kʊtǝm nǝl, a mʊgɔ Yesui. Mǝ na fʌlen a tɨbǝl tǝm nɨ a mʊgɔ wɨma nɨ jǝ jo lɛ gɔ Batamusaɨ. Mǝ na fʌlen a dul kɛl Kwaamaɨ jǝbɔ nǝtǝm nyiyo a kɛl dul Yesui.
Jǝ ya nǝl lɛ a kaa tǝm nɨ a laa bʊmǝnɨ. Nǝn gɔ nʊ nɨ a dʌbʌl kwamaɨ. A dul kɛl nɨ, Kwaama mɨ nyʊwa gunidul lɛ ja jo gǝn gɔ Kwaama jin, jʊ a bwɨɨ, a fɛka jim tuulɔ.
Kambɔ mǝ nyʊwa fulotǝm nǝl lɛ nǝn gaalan nɨ mǝ nɔɔ lɛ a kɛl dul jeni. A bʊtɔ mɨ mǝ yii tangǝn jʊ nɨ lɛ a taam a gaalan Kiristii, wʊnɨ ja ya mɨ a kɛl bʊtɔ gǝnɨ, wʊnɨ n mʊrkalɨ nǝb bwangtǝm Kwaamaɨ.
Yatǝm nǝl nǝnɔ a daa jen woi, a kwam, jʊ a bwɨɨ nǝn nyǝm kanga jǝ́ mʊrka dul jǝbɔ nǝn a mʊgɔ nɔɔtǝm gaalanɨ, yǝlam nyɔ jǝ́ mʊrka mʊrka dul jǝbɔ nǝn a mʊgɔ yʌbtǝm nǝl.