Matta 20:21 - Dadiya NT

²¹ Nǝngɔ a bʌ gǝn gɔ, “N wɛ mʊ swɨ lɛɨ?” Nǝngɔ a sʊwa gǝn gɔ, “Dǝg bɛtɔ lɔ mɨɨ nɨ jǝ yoi ja yɨɨ a kang jajǝng jǝbɔ kang fɔlɔng mʊn a mʊgɔ fɔlɔn lɔ mɔ.”

Matta 20:21 交叉引用

Matta 19:28

Yesu a sʊwa ji gɔ, “N bɨlǝngǝn mǝ sʊwa jen nɛɨ, yooligɔ bɛ lɛ wo, n kwama Bʊla Nǝlɨ yɨm lɛ a kotere fɔlɔn dʊʊn gǝn a maa fɔlɔnɨ, jen nɨ jǝ́ bwang mɨɨ, nǝjen jǝ́ yɨ lɛ a kotere fɔlɔn nǝbɔ Israilaɨ nɨ kʊb jeli yoi. Jǝ́ maa maa fɔlɔn nǝbɔ Israilaɨ nɨ kʊb jeli yoi.

Matta 18:1

Nǝn kwama bɛtɔ mɛlalɨ nɨ a bɛ a daa Yesu woi, nǝngɔ ja bʌ gǝn gɔ, “Nuwo nyɨ a laa dʊʊn a fɔlɔn lɔ Kwaamaɨ?”

Maajɨ Bɛtɔ Twamagɨɨ 1:6

Nǝn kwama bɛtɔ twama nɨ a mʊrkaɨ, nǝngɔ ja bʌ Yesu gɔ, “Tɛlalɔ, n kǝngkɔ mʊ yǝla fɔlɔnɔ lɛ ń nǝ nǝbɔ Israilaɨ ka?”

Markus 6:22

Kwama bwɛnɔɔlɨ Hirudiyaɨ a dɔ a ye yegɨɨ, Hiridus jǝbɔ faabǝm gǝnɔ ja nyʊwa lǝma dangǝn. Nǝngɔ fɔlɔgɔ a sʊwa bwɛnɔɔlɨ nɨ gɔ, “Wɛ mʊ swɨ lɛɨ? Jʊ gwam mʊ kela ɨ, mǝ nǝ ń nǝ ń.

Matta 20:32

Nǝngɔ Yesu a tɨ a jo jii, a bʌ ji gɔ, “N wɛ jǝ́ swɨ lɛ n maa jemi?”

Kolosii 3:1

Kwaama a gung jen nǝn kʊlɨ jǝbɔ Kiristi. Na gǝ na nyɨɨ, bɛ jǝ́ saa kanjǝl nɨ a dʌbʌli, a daa nɨ Kiristi yǝm woi, a kang jajǝng Kwaamaɨ.

Roma 12:10

A swɨtǝm kambɨɨ, bɛ jǝ́ swɨka dangǝn. A daa nǝtǝm dʊʊn, bɛ ń laa kɨla mɔ.

Yohana 15:7

Na jǝ́ yɨ a mʊgɔ mɨɨ, kɛl mǝndɨ yǝm a nǝl jeni, jǝ́ kela kela jʊ nɨ pʌd jǝ́ swɨ lɛɨ, Kwaama maa jem maa.

Luka 22:24

Nǝngɔ gʊbkatǝmɔ a gun a kʊm bɛtɔ mɛlalɨ gǝnɨ gɔ nuwo nyɨ yǝlam dʊʊ lɛɨ.

Luka 19:11

Kwama jǝ nyʊwam katɨ nɨ lɛɨ, nǝngɔ jǝ kuwo lɛ maamɔ fɔlɔn lɔ Kwaamaɨ gǝla gǝla tʌgo a kang. N jʊ a bwɨ Yesu a sʊwa ji mʊsǝn kɛl nɨɨ, kwama ba dwama Urushalimagɨɨ.

Luka 18:41

“Wɛ mʊ swɨ lɛ n maa mʊnɨ?” Nǝngɔ kuligɔ a gar gǝm gɔ, “Tɛlalɔ, mǝ swɨ lɛ n kuwo daa.”

Markus 10:51

Yesu a bʌ gǝn gɔ, “N wɛ mʊ swɨ lɛ n maa mʊnɨ?” Kuli nɨ a sʊwa gɔ, “Feyi, mǝ swɨ n nya kuwotǝm daa.”

Roma 8:34

Nuwo a la nyɔ nǝ bǝn bwɨlangkɛl lɛɨ? Mɨ wo! Kiristi Yesu a bʊla, a gun nǝn kʊlɨ, yǝm a daa yɨm dʊʊn a kang jajǝng Kwaamaɨ, kela Kwaama lɛ a kɛl dul bǝn.

Markus 16:19

Kwama Tɛlalɔ Yesu a mal jim nyiyogɨɨ, nǝngɔ Kwaama a do gǝn a shu nǝn gɔ a dʌbʌli, yǝm a kang jajǝng Kwaamaɨ.

Matta 20:22

Nǝngɔ Yesu a jǝla gɔ, “Jǝ́ nyǝm bɔ jʊ jǝ́ kela lɛɨ. Jǝ́ mwɨ mwɨ jǝ́ nɔɔ gaalan nɨ mǝ nɔɔ lɛɨ ka?” Nǝngɔ ja jǝla gǝn gɔ, “Nǝn mwɨ mwɨ.”