Matta 17:27 - Dadiya NT

²⁷ Bǝ swɨ bɔ ja kal nǝl. Yɔ a wɨma ya ta jʌngigɔ. Jʌngi nɨ mʊ ta nǝn tɨkǝgaɨ, wum nyiyo gǝnɔ mʊ nya nya kemʌn sǝlǝnɔ wo, sǝ ń do ń nɨ nǝb yotǝm kemʌn tǝmɔ, ywa ywa kemʌn tǝm mǝndɨ jǝbɔ a jenɔ.”

Matta 17:27 交叉引用

2 Korinti 6:3

Mɨsɔ nǝn yǝlam kaa nǝl gǝm jǝ fǝtǝm naa lɛ, kage a kal maajɨ nǝnɔ.

2 Korinti 8:9

Jǝ́ nyǝm lǝma Tɛlalɔ bǝn Yesu Kiristii. N nǝ nyatǝm sul, a yǝlam nǝ bʊnǝn a kɛl dul jen, dɨsɔ jǝ́ yǝlam nǝb nyatǝm a gola bʊnǝn gǝn.

1 Korinti 8:9

Bɛ jǝ́ fɛ jǝ́ dʌng, kage nyatǝm dul jenɔ nɨ a yǝlam tɛl fǝtǝm naa a nǝb nɨ nǝl jinɔ a bɨ bɨɨ.

1 Korinti 8:13

Gǝ na nyɔ, na jatǝm jǝjalǝnɔ dǝg dǝg kɨla mɨ fǝtǝm naaɨ, mɨsɔ mǝ ja jǝjalǝn nɛ tag, kage n dǝg kɨla mɨ fǝtǝm naa.

Roma 14:21

A bʊm nyɔ ka ń wo lɛ nam, ka ń nɔɔ lɛ bʊgɛ, ka ń maa lɛ jʊ nɨ gwam dǝg kɨla mɔ lɛ a fǝ naaɨ.

Yakubu 2:5

Jǝ́ nyʊwa, kɛtǝlam mɨ nɨ mǝ swɨ lɛɨ! Ke bɔ nǝb bʊnǝn yooli nɨ Kwaama a jǝgam sǝ a yǝlam nǝb shilo a nǝtǝm bɨlǝngkɛl a daa Yesu woi ka? Ke bɔ ji jǝ wɔɔ kʊla fɔlɔn nɨ lɛ ga maa nǝb nɨ gǝm swɨ gǝn nɛɨ gǝm swatǝm yaaɨ ka?

1 Tasalonikaɨ 5:22

Jǝ́ kɔ jʊ nɨ gwam a yǝlam shili.

Yohana 6:61

Yesu a kwɛl a nyǝm bɛtɔ mɛlalɨ gǝnɔ maa kʊngatǝm lɛ a mɛlalɨ nɨ gǝm. Nǝngɔ a sʊwa ji gɔ, “Mɛlalɨ nɨ a kal jem nǝl ka?

Matta 5:29

Na nu kang jajǝng mʊnɔ dǝg ń dǝg ń ń maa bwɨlangkɛlɨ, kʊʊtam gǝn mam fʌlen. A laa jǝl ń jʊ jinʌn bʊtɔ mʊnɔ win, jǝbɔ a wʊnɨ jǝ mal bʊtɔ mʊnɔ lɛ gwam a mʊgɔ lɔ kǝlaɨ.

Matta 5:30

Na kang jajǝng mʊnɔ dǝg ń dǝg ń maatǝm bwɨlangkɛlɨ, bɛ ń mwatɨm gǝn mam fʌlen. A laa jǝl ń jʊ jinʌn bʊtɔ mʊnɔ win jǝbɔ a wʊnɨ jǝ mal bʊtɔ mʊnɔ lɛ gwam a mʊgɔ lɔ kǝlaɨ.

Matta 17:26

Nǝngɔ Bitrus a jǝla gɔ, “A kang kaamɨ.” Nǝngɔ Yesu a sʊwa gɔ, “A bɛtɔ lɔ jii mɨ jǝ ywa lɛ.

Matta 18:6

Na nʊ nɨ a dǝg kaa win a kʊm bɛtɔ dwalǝn nɨ a nǝ bɨlǝngkɛl a daa mɨ woi a maa bwɨlangkɛlɨ, a laa jǝl ja kwa gǝm nɛl kʊwalɨ a kwɨl, ja mal gǝn a mʊgɔ wɨma tushi, sǝ a bʊla.

Matta 18:8

Na kang mʊnɔ, na naa mʊnɔ dǝg ń dǝg ń maatǝm bwɨlangkɛlɨ, mwatɨm gǝn mam fʌlen. A laa jǝl ń nya kʊlɨ nɨ mɨ dɨtǝm woi nǝn tanglɨ jinʌn, na jǝ mal ń mal ń a kǝla nɨ mɨsɔ dumo lɛ woi, nǝn kangtɨnɔ yo jǝbɔ naatɨnɔ yoi.

Markus 9:42

“Na nʊ nɨ a dǝg kaa win a kʊm bɛtɔ dwalǝn nɨ a nǝ bɨlǝngkɛl a daa mɨ woi a maa bwɨlangkɛlɨ, a laa jǝl ja kwa gǝm nɛl kʊwalɨ a kwɨl, ja mal gǝn a mʊgɔ wɨma.

Markus 9:43

Na kang mʊnɔ dǝg ń dǝg ń maatǝm bwɨlangkɛlɨ, bɛ ń mwatɨm gǝn. A laa jǝl ń dɔ kʊlɨ nɨ mɨsɔ dɨ lɛ woi nǝn kangɔ win, na mʊ dɔ dɔ kǝla nǝn kangɔ yo a lɔ kǝla nɨ mɨsɔ dumo lɛ woi.

Luka 17:2

A laa jǝl ja kwa gǝm nɛl kʊwalɨ a kwɨl, ja mal gǝn a mʊgɔ wɨma, na gǝ dǝg dǝg kaa win a kʊm bɛtɔ dwalǝn nɨ a maa bwɨlangkɛlɨ.