20 Nǝngɔ Yesu a sʊwa ji gɔ, “Jʊ a bwɨɨ nǝtǝm bɨlǝngkɛl jenɔ nǝn dǝm nyɔ. N bɨlǝngǝn mǝ sʊwa jen nɛɨ, na jǝ́ nǝngǝn nǝtǝm bɨlǝngkɛl nǝn dǝm nyɔ na nu mastadɨ, jǝ́ sʊwa sʊwa yem nɨ jengɔ a bǝla daa nɨ, a bǝla. Mɨ jʊ nɨ wo laa kwaan jenɔ lɛɨ.” [
Tɛlalɔ a sʊwa ji gɔ, “Na jen nǝn nǝtǝm bɨlǝngkɛl nǝn dǝm nyɔ na nu mastadɨ, jǝ́ sʊwa sʊwa tɨya kʊmalo nɨ jengɔ ku fɔ a daa nɨ ya ń ywɔ a wɨma, bwangtǝn bwang jʊ jǝ́ sʊwa gǝn gɔ a maaɨ.”
N bɨlǝngkɛl mǝ sʊwa jen nɛɨ, na nǝl a nǝ bɨlǝngkɛl a daa Kwaama woi, jǝ́ sʊwa sʊwa yem nɨ jengɔ, ‘Gun ya ń tɨ a mʊgɔ wɨma,’ na ga kɨɨ bɔ nǝl a jʊ nɨ ga sʊwaɨ, na ga nǝ bɨlǝngkɛl gɔ maa maaɨ, jǝ maa gǝm maa.
Yesu a jǝla ji gɔ, “N bɨlǝngǝn mǝ sʊwa jen nɛɨ, na jen nǝn nǝtǝm bɨlǝngkɛl jǝ́ kǝma bɨɨ, ke bɔ jʊ mǝ maa tɨya dʌfengɔ gǝm kwaagɔ jǝ́ maa lɛɨ, jǝ́ maa maa a laa nyɔ. Jǝ́ sʊwa sʊwa yem nɨ jengɔ, ‘Gun ya ń tɨ a mʊgɔ wɨma,’ maa maa nyɔ.
Na mǝ maa maa kuwotǝmkǝgaɨ, na n nyǝm jʊ nɨ ja yʊ yʊɨ, jǝbɔ nyǝmtǝmɔ gwamɨ, na mǝ nǝn nǝtǝm bɨlǝngkɛl dangǝnɨ, wʊnɨ mǝ sʊwa tuligɔ lɛ mǝʊ a bǝla daa tɨm gǝnɨ, na mɨ mǝ nǝn swɨkanɨ, mǝ ke bɔ kaa jǝl.
Nǝngɔ a sʊwa ji gɔ, “Jǝ́ nǝb nǝtǝm bɨlǝngkɛl nǝn dǝm nyɔ! Wɛ a bwɨ jǝ́ nyʊwa taal lɛɨ?” Nǝngɔ a gun a ga yʊwa mwɛmɔ jǝbɔ mwɛmɔ mʊla lɛɨ gǝm wulongi, yʊwagɔ jǝbɔ mwɛ nɨ mʊla lɛɨ, a tɨ.
