Matta 16:24 - Dadiya NT

²⁴ Nǝngɔ Yesu a sʊwa bɛtɔ mɛlalɨ gǝnɨ gɔ, “Na nʊ nɨ swɨ lɛ a bwang mɨɨ, bɛ ga kɔ dul gǝnɔ, ga do tɨya kʊʊtǝm gǝnɔ, ga bwang mɨ.

Matta 16:24 交叉引用

Matta 10:38

Nʊ nɨ a do bɔ tɨya kʊʊtǝm gǝnɔ a bwang mɨɨ, a la bɔ a yǝlam a mɨ.

Luka 14:27

Na nʊ nɨ a do bɔ tɨya kʊʊtǝm gǝnɔ a bwang mɨɨ, mɨsɔ dwal lɛ a yǝlam bwɛ mɛlalɨ mɨ.

Markus 10:21

Yesu a dʌng gǝn nǝn dʌngtǝm swɨtǝm, nǝngɔ a sʊwa gǝn gɔ, “Jʊ win na a taam mʊnɨ, yɔ ya miyo jʊ gwam mʊ nǝnɨ tǝga nǝb bʊnǝnɔ, mʊ nya nya shilo a dʌbʌl. Sǝla ba ń bwang mɨ.”

2 Timoti 3:12

A na nyɔ, gwam nǝb nɨ swɨ lɛ a yɨ nǝn kʊlɨ a mʊgɔ Kiristi Yesui, jǝ nɔɔ nɔɔ gaalan.

Markus 8:34

Nǝngɔ a jo nǝbɔ mʊrkaɨ jǝbɔ bɛtɔ mɛlalɨ gǝnɔ, a sʊwa ji gɔ, “Nʊ nɨ swɨ lɛ a bwang mɨɨ, bɛ ga kɔ dul gǝnɔ, ga do tɨya kʊʊtǝm gǝnɔ, ga bwang mɨ.

Maajɨ Bɛtɔ Twamagɨɨ 14:22

Jǝ kwam nǝb bwangtǝm Kwaamaɨ gǝm nǝl lɛ gɔ ja tɨ a nǝtǝm bɨlǝngkɛl. Jǝ sʊwa lɛ gɔ, “Nǝn nɔɔtǝm gaalanɔ a lada bǝ dɔ fɔlɔn lɔ Kwaamaɨ lɛɨ.”

Kolosii 1:24

Kambɔ mǝ nyʊwa fulotǝm nǝl lɛ nǝn gaalan nɨ mǝ nɔɔ lɛ a kɛl dul jeni. A bʊtɔ mɨ mǝ yii tangǝn jʊ nɨ lɛ a taam a gaalan Kiristii, wʊnɨ ja ya mɨ a kɛl bʊtɔ gǝnɨ, wʊnɨ n mʊrkalɨ nǝb bwangtǝm Kwaamaɨ.

Yohana 19:17

Nǝngɔ sʊwajaamtɨnɔ a shu nǝn Yesui. Yesu a jel a mʊgɔ tuulɔ. A do tɨya kʊʊtǝm gǝnɔ nǝn kang gǝn. A yɔ nǝn a kaa daa nɨ ja jo lɛ gɔ Kwasɨ duli. Nǝn nyiyo Yahudawagɨɨ jǝ jo gɔ Golgota.

1 Tasalonikaɨ 3:3

Nǝn twam gǝn kage kaa nǝl a nya komtǝm a mʊgɔ gaalan nɨɨ. Jen nǝn kang jen jǝ́ nyǝm n jʊ ja ya nǝmɨ.

Matta 27:32

Jǝ shu lɛɨ, nǝngɔ ja tǝga kaa bwɛ Kuranei dunɔ nǝn Saminu, nǝngɔ ja sɨna gǝm a do tɨya kʊʊtǝm Yesui.

Markus 15:21

Nǝngɔ kaa nǝl shu lɛɨ, dunɔ nǝn Saminu bwɛ Kuranei, tɨya Iskandarii jǝbɔ Rufas, a jel a bɛ tuulɔ. Nǝngɔ ja dǝg gǝn a do tɨya kʊʊtǝm Yesui.

Luka 23:26

Kwama jǝ shum lɛ nǝn Yesui, ja ta kaa balɨ wʊnɨ jǝ jo lɛ gɔ Saminui, n bwɛ Kuranei, wʊnɨ a jel a kuul bɛ lɛ a tuulɔɨ. Nǝngɔ ja ya gǝm tɨya nɨ jǝ kʊʊm Yesu lɛɨ gɔ a doi.

Yohana 21:19

(Yesu a sʊwa kɛl nɨ nyɔ, sǝ a nʊng bwaa nɨ Bitrus bʊla lɛɨ, wʊnɨ nʊng dʊʊlǝn Kwaamaɨ lɛɨ.) Nǝn kwama Yesu a sʊwa Bitrus kɛl nɨɨ, nǝngɔ a sʊwa gǝn gɔ, “Bwang mɨ.”

Yohana 21:22

Nǝngɔ Yesu a sʊwa gǝn gɔ, “Na n jǝla nʊ nɨ a yɨ nǝn kʊlɨ ba la nǝn kwama mǝ bɛm lɛɨ, n wɛ a dǝg ń woi? Mɔ, bɛ ń bwang mɨ!”

1 Bitrus 2:21

Kwaama a jo jen sǝ jǝ́ nɔɔ gaalan, jʊ a bwɨɨ Kiristi a nɔɔ gaalan a kɛl dul jen. A bǝla jem mɛlalɨ nɨ sǝ jǝ́ bwangtǝn.