Markus 8:34 - Dadiya NT

³⁴ Nǝngɔ a jo nǝbɔ mʊrkaɨ jǝbɔ bɛtɔ mɛlalɨ gǝnɔ, a sʊwa ji gɔ, “Nʊ nɨ swɨ lɛ a bwang mɨɨ, bɛ ga kɔ dul gǝnɔ, ga do tɨya kʊʊtǝm gǝnɔ, ga bwang mɨ.

Markus 8:34 交叉引用

Matta 10:38

Nʊ nɨ a do bɔ tɨya kʊʊtǝm gǝnɔ a bwang mɨɨ, a la bɔ a yǝlam a mɨ.

Yohana 10:27

Kwamɨtɨn mɨɨ bwangtǝn jʊ nɨ lɛ mǝ sʊwa lɛɨ. N nyǝm ji, jǝ bwang mɨ lɛ tag.

Galatiya 5:24

Nǝb nɨ na a Kiristi Yesui, ja kwɛl ja kʊʊ kʊʊɨ bʊʊlalɨ bwɨlagɔ jǝbɔ kanjǝl bwɨlantɨn nɨ jǝ swɨ lɛ ja maaɨ.

Galatiya 2:20

Ja kʊʊ ɨ dakini nǝbɔ Kiristi. Kǝngkɔ ke bɔ mǝ nǝn kʊlɨɨ, n kʊlɨ Kiristii a mʊgɔ mɨɨ. Kʊlɨ nɨ mǝ nǝn a mʊgɔ bʊtɔɨ, n kʊlɨ a gola nǝtǝm bɨlǝngkɛl a daa bʊla Kwaamaɨ woi, wʊnɨ a swɨ ɨ, a bʊla a kɛl dul mɨɨ.

1 Yohana 3:16

Wʊnɨ n kanga bǝ nyǝm swɨtǝmɔ lɛɨ, a nǝtǝm kʊlɨ gǝnɔ a nǝ a kɛl dul bǝnɨ. Bǝn tǝbǝn bɛ bǝ nǝ kʊlɨ bǝnɔ a kɛl dul kɛtǝlam bǝnɨ.

Matta 16:24

Nǝngɔ Yesu a sʊwa bɛtɔ mɛlalɨ gǝnɨ gɔ, “Na nʊ nɨ swɨ lɛ a bwang mɨɨ, bɛ ga kɔ dul gǝnɔ, ga do tɨya kʊʊtǝm gǝnɔ, ga bwang mɨ.

Filibii 3:10

Swɨtǝm mǝndɨ nǝn gɔ n nyǝm Kiristi, n nyǝm kwaan guntǝm gǝnɔ a bwaaɨ, n nya mʊrkatǝm nǝbɔ gɔ a nɔɔtǝm gaalan gǝnɔ gǝm, n yǝlam na gɔ a bwaa gǝnɔ gǝm,

Roma 8:17

Na bǝ bɛtɔ lɔ Kwaamaɨ, bǝ yǝlam nǝb jatǝm kʊla. Bǝn nǝb jatǝm kʊla Kwaamaɨ jǝbɔ fatǝm jatǝm kʊla bǝnɔ Kiristi. Yǝlam nyɔ na bǝ nɔɔ gaalan bǝnɔ Kiristii, dɨsɔ ja dʊʊl nǝn nǝbɔ gɔ.

Luka 9:23

Nǝngɔ a sʊwa gɔ, “Na nǝl swɨ lɛ a bwang mɨɨ, bɛ ga kɔ dul gǝnɔ. Ga do tɨya kʊʊtǝm gǝnɔ kum jǝbɔ kum. Ga bwang mɨ.

Kolosii 3:5

Gǝ na nyɔ bɛ jǝ́ jǝgǝm nǝl jenɔ a wɛl yooligɔ gǝm, bulon, jǝbɔ maajɨ kalalɨ, jǝbɔ wɛl bwɨla, jǝbɔ bwɨlang nǝlǝn, jǝbɔ konatǝm nu wʊnɨ tǝgǝn n bwangtǝm shomi.

Filibii 3:7

Gwam jʊ nɨ na jeltǝmɨ, n do gǝn a yǝlam yalatǝm a kɛl dul Kiristii.

1 Bitrus 4:1

Kanga Kiristi a nɔɔ gaalan a bʊtɔɨ, jen tʌjen bɛ jǝ́ fɛka sǝ jǝ́ maa nyɔ, jʊ a bwɨɨ nʊ nɨ a nɔɔ gaalan a bʊtɔɨ, a bǝla maatǝm bwɨlangkɛlɔ.

Galatiya 6:14

Mɨsɔ mǝ maa sʊtɔ lɛ wo, na ke bɔ a dul kʊʊtǝm Tɛlalɔ bǝn Yesu Kiristii, wʊnɨ a dul bwaa gǝn a tɨya kʊʊtǝm mǝ tǝlam kanjǝl yooli nɨɨ, yooli nɨ a tǝlam kanjǝl mǝndɨ.

1 Korinti 15:31

Mǝ sʊwa jen nɛ kambɔ, n kɛl lɨyal nɨ mǝ maa lɛ nǝn jen a mʊgɔ Kiristi Yesui, Tɛlalɔ bǝn, kwangkwang mǝ miyo kʊlɨ mɨ lɛ a bwaaɨ.

Roma 6:6

Bǝ nyǝm ja kʊʊ kʊʊɨ bʊtɔ galɨ bǝnɔ jǝbɔ gɔ a dʌbʌl tɨya, sǝ a kǝl kwaan bwɨlangkɛlɔ a bʊtɔ bǝnɨ sǝ kǝngkɔ bǝ yǝlam bɔ jwaalɛb bwɨlangkɛlɨ.

Luka 14:33

Gǝ na nyɔ tʌjen, na nʊ nɨ a bǝla bɔ kanjǝl nɨ gǝ nǝn gwamɨ, mɨsɔ yǝlam bwɛ mɛlalɨ mɨ lɛ.

2 Bitrus 1:14

N kwɛl n nyǝm kumtɨn mǝndɨ ya dɨ lɛ a yooli nɨɨ, kanga Tɛlalɔ bǝn Yesu Kiristi a nʊng ɨ.

1 Bitrus 4:13

Na jǝ́ nɔɔ gaalan na Kiristii, bɛ jǝ́ maa fulotǝm nǝl, sǝ na nǝn kwama a yǝla a bɛ a mʊgɔ dʊʊlǝn gǝnɨ, jǝ́ maa maa fulotǝm nǝl tag.

Titus 2:12

Wʊnɨ mɛla bǝm lɛ gɔ bǝ bǝla gola nɨ ke bɔ a bwangtǝm Kwaamaɨ, jǝbɔ dǝlatǝm nu a kanjǝl yooli nɨ. A mɛla bǝm tag gɔ bǝ yɨ yɨm bǝnɔ a yooli nɨ bǝ ta dul bǝnɔ, bǝ yǝlam nǝb yɨm dǝngdǝng, bǝ maa bʊʊlalɨ nɨ lɛ na a Kwaamaɨ.

Kolosii 1:24

Kambɔ mǝ nyʊwa fulotǝm nǝl lɛ nǝn gaalan nɨ mǝ nɔɔ lɛ a kɛl dul jeni. A bʊtɔ mɨ mǝ yii tangǝn jʊ nɨ lɛ a taam a gaalan Kiristii, wʊnɨ ja ya mɨ a kɛl bʊtɔ gǝnɨ, wʊnɨ n mʊrkalɨ nǝb bwangtǝm Kwaamaɨ.

Maajɨ Bɛtɔ Twamagɨɨ 14:22

Jǝ kwam nǝb bwangtǝm Kwaamaɨ gǝm nǝl lɛ gɔ ja tɨ a nǝtǝm bɨlǝngkɛl. Jǝ sʊwa lɛ gɔ, “Nǝn nɔɔtǝm gaalanɔ a lada bǝ dɔ fɔlɔn lɔ Kwaamaɨ lɛɨ.”

Luka 18:22

Kwama Yesu a nyʊwa kɛl nɨɨ, nǝngɔ a gar gǝm gɔ, “Jʊ win swar a taam mʊnɨ. Miyo kanjǝlɔ gwam mʊ nǝngǝnɨ, tǝga nǝb bʊnǝnɔ, mʊ nya nya shilo a dʌbʌl. Sǝ ń bɛ ba ń bwang mɨ.”

Luka 13:24

“Jǝ́ maa kwaan bʊtɔ jǝ́ dɔ a nyanga kan nɨ a gwag gwagɨ. Mǝ sʊwa jen nɛ nǝbɔ a lada swɨ dɔtǝm lɛ. Mɨsɔ jǝ dwal lɛ.

Matta 27:32

Jǝ shu lɛɨ, nǝngɔ ja tǝga kaa bwɛ Kuranei dunɔ nǝn Saminu, nǝngɔ ja sɨna gǝm a do tɨya kʊʊtǝm Yesui.

Dʊgam Nyangnyang 2:10

Bɛ ka ń nyʊwa lɛ taal gaalan nɨ bɛ mʊn nɛɨ. N wɔ Mammɔ maa fɛkalɨ lɛ sǝ a tʊng kaam jenɔ a mʊgɔ lɔsomi sǝ a tɛl jen. Mʊ nyʊwa nyʊwa gaalan na kumɔ kʊb. Bɛ ń ta swatǝm yaa na jǝ jʌ ń jʌ ńi. Mǝ nǝ ń nǝ ń dwang dul kʊlɨ.

Ibranii 13:13

A dul kɛl nɨ, bɛ bǝ jel tǝbǝn ya bǝ nya gǝn a gulen, sǝ bǝ nɔɔ gaalanɔ ja nǝ gǝnɨ.

2 Tasalonikaɨ 3:11

Jʊ a bwɨ nǝn nǝ diil nɨ nǝn nyʊwa fulonɔ gɔ, kaamɨ jenɔ n nǝb sʊla. Mɨ ji nǝn jǝ maatǝm. Jǝ nǝb dǝgatǝm nyiyo.

1 Korinti 9:19

Mǝ ke bɔ bwɛ jwaalɛ kaa nǝlɨ sul, n dǝg dul mǝndɨ n yǝlam bwɛ jwaalɛ nǝbɨɨ gwam, sǝ n gʊ nǝbɔ a lada a daa Kiristi woi.

1 Korinti 8:13

Gǝ na nyɔ, na jatǝm jǝjalǝnɔ dǝg dǝg kɨla mɨ fǝtǝm naaɨ, mɨsɔ mǝ ja jǝjalǝn nɛ tag, kage n dǝg kɨla mɨ fǝtǝm naa.

Yohana 19:17

Nǝngɔ sʊwajaamtɨnɔ a shu nǝn Yesui. Yesu a jel a mʊgɔ tuulɔ. A do tɨya kʊʊtǝm gǝnɔ nǝn kang gǝn. A yɔ nǝn a kaa daa nɨ ja jo lɛ gɔ Kwasɨ duli. Nǝn nyiyo Yahudawagɨɨ jǝ jo gɔ Golgota.

Luka 20:45

A sʊwa bɛtɔ mɛlalɨ gǝnɔ a kǝga nǝbɨɨ gwam gɔ,

Markus 10:21

Yesu a dʌng gǝn nǝn dʌngtǝm swɨtǝm, nǝngɔ a sʊwa gǝn gɔ, “Jʊ win na a taam mʊnɨ, yɔ ya miyo jʊ gwam mʊ nǝnɨ tǝga nǝb bʊnǝnɔ, mʊ nya nya shilo a dʌbʌl. Sǝla ba ń bwang mɨ.”

Markus 7:14

Yesu a jo nǝbɔ a bɛ a daa gǝ woi tag, nǝngɔ a sʊwa ji gɔ, “Jǝ́ nyʊwa ɨ gwam jenɔ, sǝ jǝ́ nyǝm jʊ mǝ sʊwa lɛɨ.