Markus 12:6 - Dadiya NT

⁶ “A bǝla kaa nǝl wo win swar, bʊla gɔ, wʊnɨ gǝ swɨ lɛɨ. N nʊ a twam nǝn gul a daa ji woi gɔ, ‘Jǝ nǝ nǝ bʊla mɨ dʊʊn.’

Markus 12:6 交叉引用

Yohana 1:34

N kuwo kuwoi a bwɨ nyɔ, n sʊwa jen nʊ nɨ nǝn Bʊla Kwaamaɨ.”

Matta 3:17

Nǝngɔ kaa diil a jel a dʌbʌl kwama sʊwa lɛ gɔ, “Bwɛ nɨ nǝn Bʊla mɨ, wʊnɨ mǝ swɨ gǝn nɛɨ. Nǝl mǝndɨ nyʊwa lǝma gǝnɔ lɛ dangǝn.”

1 Yohana 4:9

N gola nɨ Kwaama a nʊng swɨtǝm gǝnɔ a daa bǝn woi: A twam Bʊla gɔ wʊnɨ win swar a yoolii sǝ bǝ nya kʊlɨ nɨ mɨ dɨtǝm woi a gola gǝn.

Ibranii 1:6

Nǝn kwama Kwaama a bɛ nǝn bwɛ tɨkǝga gǝnɔ a yooli nɨɨ, nǝngɔ a sʊwa tag gɔ, “Gwam bɛtɔ twama Kwaamaɨ bɛ ja maa gǝm bǝlátǝm.”

Yohana 5:23

Sǝ nǝbɔ gwam a nǝ Bwɛ dʊʊn, kanga jǝ nǝ Tɛ bwɛ dʊʊn nɛɨ. Nʊ nɨ mɨ nǝ Bwɛ dʊʊn nɛɨ, mɨ nǝ Tɛ bwɛ nɨ lɛ a twam gǝnɨ dʊʊn.

Yohana 3:35

Tɛ bwɛ swɨ Bʊla gɔ lɛ, a nǝ gǝn kanjǝlɔ gwam a mʊgɔ kang gǝn.

Yohana 1:49

Nǝngɔ Nataniyel a sʊwa gǝn gɔ, “Feyi, mʊ nǝn Bʊla Kwaamaɨ! Nǝmɔ mʊ nǝn Fɔlɔ nǝbɔ Israilaɨ.”

Yohana 1:18

Mɨ nǝn nǝfili nɨ a kuwo Kwaama woi, nǝn Bʊla gɔ kwaagɔ win, nǝn gɔ dakini jǝbɔ Tɛ bwɛɨ, nʊng bǝn jelkalǝng Kwaamaɨ lɛɨ.

Yohana 1:14

Kɛl nɨ a yǝlam nǝfili, a yɨɨ jǝbɔ nǝn. Nǝn kuwo dʊʊlǝn gǝnɔ, dʊʊlǝn nɨ ja maa Bwɛ gǝm win swarɨ, a jel a daagɔ Tɛ bwɛ woi, wʊnɨ a yii nǝn lǝma jǝbɔ bɨlǝngkɛlɨ.

Luka 9:35

Nǝngɔ ja nyʊwa kaa diil a mʊgɔ luli gɔ, “Nʊ nɨ nǝn Bʊla mɨ mǝ jǝgǝmɨ. Jǝ́ nyʊwa gǝn.”

Luka 3:22

Yʊwa Kwaamaɨ a gǝla a dul gǝnɔ gǝm nǝn kaa jelkalǝng na kumfiyo. Nǝngɔ ja nyʊwa diilɔ a dʌbʌl gɔ, “Mʊ nǝn Bʊla mɨ nɨ mǝ swɨ lɛɨ. Mǝ nyʊwa lǝma lɛ nǝn mɔ dangǝn.”

Markus 9:7

Nǝngɔ lulɔ ba sum jii, nǝngɔ ja nyʊwa kaa diil a mʊgɔ lul sʊwa lɛ gɔ, “Wʊnɨ nǝn Bʊla mɨ nɨ mǝ swɨ lɛɨ. Jǝ́ nyʊwa gǝn.”

Markus 1:11

Nǝngɔ ja nyʊwa diilɔ a dʌbʌl kwama sʊwa lɛ gɔ, “Mʊ nǝn Bʊla mɨ nɨ mǝ swɨ lɛɨ. Mǝ nyʊwa lǝma lɛ nǝn mɔ dangǝn.”

Matta 26:63

Yesu a gar bɔ kɛl. Nǝngɔ dalɨ nǝkǝla nɨ a bʌ gǝn gɔ, “N mʊrka ń jǝbɔ Kwaama nɨ nǝn kʊlɨɨ, sʊwa nǝn, na mʊ nǝn Kiristi, bʊla Kwaamaɨ.”

Matta 17:5

Nǝn kwama Bitrus sʊwam kɛl nɨ lɛɨ, nǝngɔ kaa lul fulo ba sum jii. Tʌgo a kang, kaa diil a mʊgɔ lul gɔ, “Wʊnɨ nǝn Bʊla mɨ nɨ mǝ swɨ lɛɨ. Wʊnɨ nǝl mǝndɨ nyʊwa fulotǝm nǝl lɛ nǝn gǝ dangǝnɨ. Jǝ́ nyʊwa gǝn!”

Matta 11:27

“Kanjǝlɔ gwam Tɛtɛ mɨ a nɨ ɨ nɨ ɨɨ. Mɨ nǝn nʊ nɨ a nyǝm Bwɛɨ, na ke bɔ Tɛ bwɛɨ. Mɨ nǝn nʊ nɨ a nyǝm Tɛ bwɛɨ, na ke bɔ Bwɛɨ jǝbɔ nʊ nɨ Bwɛ swɨ lɛ a fɛta ji ja nyǝm Tɛ bwɛɨ.

Matta 1:23

“Bwɛnɔɔlɨgɔ do do fʌl, bʌ bʌ bwɛ balɨ, jǝ ja gǝm dunɔ gɔ Immanuwel,” wʊnɨ nʊng lɛ gɔ, “Kwaama jǝbɔ bǝn.”

Markus 12:5

A yǝla a twam kaaɨ, nǝngɔ nǝb nɨ a yo twam ywatǝmɨ a jʌ gǝnɨ. A twam kaamɨ a lada nyɔ, nǝngɔ ja bʊg kaamɨ, ja jʌbo kaamɨ.

Markus 12:7

“Nǝb nɨ a yo twam ywatǝmɨ a sʊwaka a bʊtɔ jin gɔ, ‘Nǝ wɔɔtǝm kʊla twamɔ n wɔ, bǝ jʌm gǝn sǝ kʊlagɔ a yǝlam a bǝn.’

3 Yohana 1:1

Nǝmǝ mǝ Yohana, mǝ nǝ dʊʊ mʊrkalɨ nǝb bwangtǝm Kwaamaɨ, mǝ mʊla Gayus gǝm lɛɨ, nʊ nɨ mǝ swɨ lɛ nǝn bɨlǝngǝnɨ.