35 Nǝngɔ ja nyʊwa kaa diil a mʊgɔ luli gɔ, “Nʊ nɨ nǝn Bʊla mɨ mǝ jǝgǝmɨ. Jǝ́ nyʊwa gǝn.”
Yʊwa Kwaamaɨ a gǝla a dul gǝnɔ gǝm nǝn kaa jelkalǝng na kumfiyo. Nǝngɔ ja nyʊwa diilɔ a dʌbʌl gɔ, “Mʊ nǝn Bʊla mɨ nɨ mǝ swɨ lɛɨ. Mǝ nyʊwa lǝma lɛ nǝn mɔ dangǝn.”
Nǝngɔ kaa diil a jel a dʌbʌl kwama sʊwa lɛ gɔ, “Bwɛ nɨ nǝn Bʊla mɨ, wʊnɨ mǝ swɨ gǝn nɛɨ. Nǝl mǝndɨ nyʊwa lǝma gǝnɔ lɛ dangǝn.”
A yii dǝngdǝngɨ, nǝngɔ a yǝlam jʌng bʊʊlɨ nɨ mɨ dɨltǝm woi, a nǝb nɨ gwam maa gǝm shigtǝm dul lɛɨ.
Kanga ja sʊwa gɔ, “Dwiyen na jǝ́ nyʊwa diil gǝnɨ, ka jǝ́ maa lɛ bǝngɨ lɔl, kanga jǝ́ maam nǝn kwama jǝ́ kɔm bwangtǝm diil Kwaamaɨ.”
La bǝ bʊʊ mwɛlɔ nyǝn, na bǝ swa bɔ lɔl a bʊʊlɨ dʊʊn nɨɨ? Tɛlalɔ nǝn kang gǝn nǝn gɔ a tǝl sʊwatǝmɨ, nǝb nɨ ja nyʊwa gǝnɨ ja sʊwa bǝn gɔ, n dǝngdǝng.
Kwaama a swɨ yooli nɨ dangǝn, nǝngɔ a nǝ Bʊla gɔ nɨ win swarɨ, dɨsɔ na nʊ nɨ a nǝ bɨlǝngkɛl a daa gǝ woi, mɨsɔ bʊla lɛ, nya nya kʊlɨ nɨ mɨ dɨtǝm woi.
“Bwɛ jwaalɛ mǝndɨ n wɔ, wʊnɨ mǝ jǝgǝmɨ, nʊ mǝ swɨ lɛɨ, mǝ nyʊwa fulotǝm nǝl lɛ nǝn gǝ dangǝnɨ. Mǝ dǝg gǝm dǝg Yʊwa mǝndɨɨ, nǝn gɔ ba sʊwa Bʌtʌbɔ gɔ n mwatɨ borangɔ dǝngdǝngɨ.
Nǝngɔ ja nyʊwa diilɔ a dʌbʌl kwama sʊwa lɛ gɔ, “Mʊ nǝn Bʊla mɨ nɨ mǝ swɨ lɛɨ. Mǝ nyʊwa lǝma lɛ nǝn mɔ dangǝn.”
Sʊwa lɛ nyɨɨ, nǝngɔ lulɔ a gǝla a sum jii. Lul nɨ a sum jii, nǝngɔ taalɔ a ta jii.
Tɛtɛ, dʊʊl dun mʊnɔ.” Nǝngɔ kaa diilɔ a jel a dʌbʌl sʊwa lɛ gɔ, “N kwɛl n dʊʊl gǝn dʊʊlɨ, mǝ sʊtǝn sʊ dʊʊltǝm gǝnɔ tag.”
