Luka 6:42 - Dadiya NT

⁴² Maa nyǝn mʊ sʊwa kɨla mɔ lɛ mɔʊ, ‘Kɛgɔ, mǝ yaa lɛ n dem mʊn kǝlɨ bɛ yǝlagɔ a nu mʊnɨ,’ mʊ kuwo bɔ gʌleng nyiyotɨya nɨ a nu mʊnɨ? Nǝ fento nǝn kwan! Tǝl jǝgǝm gʌleng nyiyotɨya nɨ a nu mʊnɨ dɨn sǝla ń kuwo kanga mʊ jǝgǝm bɛ yǝlagɔ lɛ a nu kɨla mʊɨ.

Luka 6:42 交叉引用

2 Bitrus 1:9

Gwam nʊ nɨ a lɛ kanjǝl nɨ a nǝl gǝnɨ, n kuli, wibo lɛ wiboi. A twabǝm gɔ Kwaama a kǝlǝm gǝm bwɨlangkɛltɨn gǝnɔ galɨgǝnɨ.

2 Timoti 2:21

Nʊ nɨ a saalǝm dul gǝnɔ a kanjǝl nɨ kal gǝn nɛɨ, yǝlam yǝlam nǝ maajɨ nyan, nǝ sagsag, nʊ nɨ Tɛlalɔ maa maajɨ lɛ nǝn gɨɨ, a fɛka sǝ a maa maajɨ nyan gwamɨ.

2 Korinti 5:18

Jʊ nɨ gwam n maatǝm Kwaamaɨ, nʊ nɨ a dɔ kʊm bǝnɔ nǝn kang gǝn a gola Kiristii, a nǝ nǝn maajɨ dɔtǝm kʊm nǝbɨɨ jǝbɔ Kwaama.

Roma 2:1

A dul kɛl nɨɨ, mɨ mʊ nǝn tabatǝm fɨɨ mʊ nǝfili, mʊ nɨ mʊ maa nǝl gǝm borang lɛɨ. Kwama mʊ maa nǝl gǝm borang lɛɨ, mʊ tǝmʊn ń mwatɨ dul mʊnɔ gǝm borang, jʊ a bwɨɨ mʊ nɨ mʊ maa borang lɛɨ mʊ maa nyɔ tǝmʊn.

Maajɨ Bɛtɔ Twamagɨɨ 13:10

A sʊwa gɔ, “Mɔ nǝn bʊla Mammɨ! Nʊ nɨ maa kii lɛ jǝbɔ jʊ nɨ dǝngdǝngɨ! Swagtǝmɔ a yii nǝl mʊnɔ, jǝbɔ jǝ bwɨla. Mɨsɔ mʊ bǝla kaltǝm golantɨn Tɛlalɔɨ lɛ sɨnɨ ka?

Maajɨ Bɛtɔ Twamagɨɨ 8:21

Mɨ mwɛ mʊn wo a jʊ nɨ gǝm, jʊ a bwɨɨ, nǝl mʊnɔ mɨ dǝngdǝng a kǝga Kwaamaɨ.

Maajɨ Bɛtɔ Twamagɨɨ 2:38

Nǝngɔ Bitrus a sʊwa ji gɔ, “Jǝ́ yǝla jǝ́ bǝla bwɨlangkɛl jenɔ, jǝ́ nya yʊtǝm mwɛ sagsag gwam jenɔ a mʊgɔ dun Yesu Kiristii, sǝ ja kǝlǝm jem bwɨlangkɛl jenɔ. Jǝ́ nya nya lǝma Yʊwa Kwaamaɨ.

Luka 22:32

N maa mʊn keli Bitrus, kage nǝtǝm bɨlǝngkɛl mʊnɔ yal. Na ń yǝla ń bɛɨ, bɛ ń kʊʊ kɛtǝlam mʊnɔ gǝm nǝl.”

Luka 13:15

Nǝngɔ Tɛlalɔ a jǝla gǝn gɔ, “Nǝb fento nǝn kwan! Nuwo a kʊm jen mɨsɔ kwɨ nɛɛ gǝnɔ lɛ, mɨsɔ kwɨ lungsong gǝnɔ lɛ a daa kwatǝm, a yɔ nǝn ya nǝ gǝn mwɛ nǝn Kum Fǝbtǝmɨ?

Matta 26:75

Nǝngɔ Bitrus a bʊʊla nǝn kɛlɔ Yesu a sʊwa gǝn gɔ, “Mʊ kana kana nyǝmtǝm mǝndɨ naagɔ taal sǝla kwalɨ jangagɔ a ma kamɨ.” Nǝngɔ Bitrus a jel a yooli ya ji wigɔ nǝn bʊr nyɨɨ.

Matta 7:3

“N wɛ a bwɨ mʊ dʌng bɛ yǝlagɔ lɛ a nu kɨla mʊɨ, mʊ kuwo bɔ nyiyotɨyagɔ a nu mʊnɨ?

Matta 7:4

N wɛ a bwɨ mʊ sʊwa kɨla mɔ, mɔʊ, ‘Yǝla, n dem mʊn kǝlɨ bɛ yǝlagɔ a mʊgɔ nu mʊnɨ,’ mʊ kuwo bɔ gʌleng nyiyotɨya nɨ a nu mʊnɨ?

Luka 6:41

“N wɛ a bwɨ mʊ dʌng bɛ yǝlagɔ lɛ a nu kɨla mʊɨ, mʊ kuwo bɔ nyiyotɨyagɔ a nu mʊnɨ?

Luka 6:43

“Tɨya nyagɔ mɨ gǝ tʊʊ tʊʊl bwɨla lɛ. Tɨya bwɨlagɔ tǝgǝn mɨ gǝ tʊʊ tʊʊl nya lɛ.