Luka 6:35 - Dadiya NT

³⁵ Jǝ́ swɨ nǝb kiim jenɔ, jǝ́ maa jim jǝ nya. Jǝ́ nǝ nǝbɔ naan ka jǝ́ bʊʊla lɛ ywatǝmɔ. Maatǝmɔ nyɨɨ jǝ́ nya nya bwili nɨ a ladaɨ a dʌbʌl. Jǝ́ yǝlam yǝlam bɛtɔ lɔ nʊ nɨ a Laa Dʊʊlǝnɨ. Nǝn gɔ maa jǝ nya lɛ a nǝb nɨ mɨ buu kang lɛɨ jǝbɔ nǝb bwɨlamɨ.

Luka 6:35 交叉引用

Yohana 13:35

Na jǝ́ maa swɨkatǝm lɛɨ, n daagɔ nǝbɔ gwam nyǝm lɛ gɔ jǝ́ bɛtɔ mɛlalɨ mɨɨ.”

2 Korinti 8:9

Jǝ́ nyǝm lǝma Tɛlalɔ bǝn Yesu Kiristii. N nǝ nyatǝm sul, a yǝlam nǝ bʊnǝn a kɛl dul jen, dɨsɔ jǝ́ yǝlam nǝb nyatǝm a gola bʊnǝn gǝn.

Yohana 15:8

Jǝ́ maa maajɨtɨn nɨ Kwaama swɨ lɛɨ, sǝ a nʊng jǝ́ bɛtɔ mɛlalɨ mɨ. Jʊ nɨ nǝn gɔ bɛ lɛ nǝn dʊʊlǝn Tɛtɛ mɨɨ.

Maajɨ Bɛtɔ Twamagɨɨ 14:17

A gǝnɔ a ja kǝga nǝn maatǝm kanjǝlɔ, sǝ a nʊng gɔ gǝ wo. A maa jǝ nyan a gola nǝtǝm jen mwɛ kwama jǝbɔ shena nɨ dǝg bwili kʌsotǝmɔ lɛɨ. Nǝn gɔ nǝ jen jǝjalǝn nɛɨ. Nǝn gɔ dǝg jen fulotǝm nǝl lɛɨ.”

Luka 1:32

Yǝlam gʌleng nǝlɨ, jǝ jo gǝn gɔ Bʊla nʊ nɨ a Laa Dʊʊlǝnɨ. Tɛlalɔ Kwaama nǝ gǝn nǝ kotere fɔlɔn tʊga gǝ Daudaɨ.

Markus 5:7

A ga kwaalɨ nǝn diil gɔ, “Wɛ a mʊrka ɨ jǝbɔ mʊɨ Yesu Bʊla Kwaamaɨ, Nǝ Dʊʊ? N mʊrka ń jǝbɔ Kwaama ka ń nɨ ɨ lɛ gaalan.”

Matta 5:9

Bwiligɔ na a nǝb nɨ mʊrka yɨm kwamɨgǝn nɛɨ, jʊ a bwɨɨ jǝ jo ji gɔ bɛtɔ lɔ Kwaamaɨ.

Luka 6:36

Ya jǝ́ ji bʊnǝn nǝfitʌmi lɛ kanga Tɨya jen ji bʊnǝn nǝbɨɨ lɛɨ.

2 Timoti 3:2

Nǝbɔ yǝlam yǝlam nǝb swɨtǝm dul, jǝbɔ nǝb swɨtǝm kemʌn, jǝbɔ nǝb gungtǝm dul, jǝbɔ nǝb dʊʊlan dul, jǝbɔ nǝb tuwol, jǝbɔ nǝbɔ mɨ nyʊwa tɛtǝlam jinɔ lɛɨ. Jǝ yǝlam nǝbɔ mɨ buu kang lɛɨ, jǝbɔ nǝb nɨ mɨ sagsagɨɨ,