Luka 5:17 - Dadiya NT

¹⁷ Kaa di Yesu mɛla nǝbɔ gǝm kɛl Kwaamaɨ lɛ. Nǝngɔ kaam nǝbɔ Farisaɨ jǝbɔ nǝb mɛlalɨ diilɔ, wʊnɨ a jela a bɛlɨ tuulɔ Galilii gwamɨ, jǝbɔ Yahudiyaɨ, jǝbɔ tuulɔ Urushalimaɨ, jǝ yǝm a daagɔ gǝm. Kwaan Tɛlalɔɨ yɔm jǝbɔ gɔ. Gung nǝb nɨ lɛ mɨ kwamɨgǝnɨ.

Luka 5:17 交叉引用

Luka 6:19

Kwaan nɨ jel lɛ a bʊtɔ gǝnɨ gung nǝb twɨlamɔ lɛ, n jʊ a bwɨ nǝbɔ swɨ lɛ a ke gǝnɨ.

Luka 8:46

Nǝngɔ Yesu a sʊwa gǝn gɔ, “Kaa nǝl a ke i. N nyʊwa kwaan gungtǝm nǝbɨɨ a jel a daa mǝ woi.”

Maajɨ Bɛtɔ Twamagɨɨ 19:11

Kwaama a maa kaam daltɔ kanjǝl laatǝm kang a gola Bulusi,

Matta 11:5

Kululʌmɔ kuwo daagɔ lɛ, nǝbɔ bʊtɔgɔ a swam swamɨ, yɔ yɔm lɛ, nǝbɔ a mwata mwataɨ a nya lǝma, nǝb nɨ mɨ jǝ nyʊwa lɔl lɛɨ, jǝ nyʊwa kɛlɔ lɛ, nǝbɔ a bʊlaɨ, ja gun, ja kiyo nǝb bʊnǝnɔ gǝm fulon kɛl lǝmɨgɔ.

Maajɨ Bɛtɔ Twamagɨɨ 4:30

Nʊng kwaan dʊʊn mʊnɔ a gungtǝm, jǝbɔ kanjǝl laatǝm kang, jǝbɔ kanjǝl nʊngtǝm, a dun bwɛ jwaalɛ sagsag mʊnɔ Yesui.”

Markus 7:1

Kaam nǝbɔ Farisaɨ jǝbɔ kaam nǝb mɛlalɨ diil Musaɨ, ja jel a Urushalima nǝngɔ ba ja mʊrka a daagɔ Yesu woi.

Markus 5:30

Tʌgo a kang Yesu a nyʊwa kwaan gungtǝm nǝbɨɨ a jel a daa gǝ woi. Nǝngɔ a yǝla a dʌng kʊm nǝbɨɨ, a sʊwa gɔ, “Nuwo a ke dʊʊl mǝndɨɨ?”

Matta 15:1

Nǝngɔ kaam nǝbɔ Farisaɨ jǝbɔ nǝb mɛlalɨ diilɔ a jel a Urushalima ja bɛ a daa Yesu woi, ja bʌ gǝn gɔ,

Yohana 3:21

Nǝb nɨ maa jʊ nɨ lɛ dǝngdǝngɨ, jǝ bɛ lɛ a daagɔ nyalǝmɔ woi, sǝ nyalǝmɔ a nʊng maajɨ nɨ ja maaɨ ja bwangtǝn diil Kwaamaɨ.”

Luka 2:46

A kum na taalɔ ja nya gǝn a mʊgɔ talɨ Kan Kwaaman, yǝm a kʊm nǝb mɛlalɨgɨɨ, nyʊwa ji lɛ, bʌbo ji kɛlɔ lɛ.

Luka 15:2

Nǝngɔ nǝbɔ Farisaɨ, jǝbɔ nǝb mɛlalɨ diilɔ ja tǝl kʊngatǝmɔ jǝ sʊwa lɛ gɔ, “Dʌng balɨ nɨ a jǝla a ja fwalɨ jǝbɔ nǝb bwɨlangkɛlɔ, jǝ ja jǝjalǝnɔ lɛ dakini.”

Luka 7:30

Nǝngɔ nǝbɔ Farisaɨ jǝbɔ nǝb mɛlalɨ diilɔ ja bwangtǝn bɔ jʊ nɨ Kwaama swɨ lɛ a nǝ jii, ja jǝla bɔ Yohana a yʊ ji mwɛ sagsag.

Luka 5:30

Nǝbɔ Farisaɨ jǝbɔ nǝb mɛlalɨ diilɔ ja tǝl kʊngatǝm kɛlɔ jǝ sʊwa bɛtɔ mɛlalɨ Yesui lɛ gɔ, “N wɛ a bwɨ jǝ́ ja lɛ, jǝ́ nɔɔ lɛ jǝbɔ nǝb yotǝm kemʌn tǝmɔ jǝbɔ nǝb bwɨlangkɛlɨ?”

Luka 5:21

Nǝbɔ Farisaɨ jǝbɔ nǝb mɛlalɨ diilɔ jǝ bʌbko lɛ a bʊtɔ jin gɔ, “Nʊ nɨ nuwo kal dun Kwaamaɨ lɛɨ? Nǝn Kwaama kwaagɔ win kǝlǝm bwɨlangkɛl lɛɨ.”

Markus 16:18

Jǝ do do sɔɔ nǝn kang jin. Na ja nɔɔ twalǝmɨ, mɨsɔ maa jim kaa jǝl lɛ. Jǝ ya ya nǝb nɨ mɨ kwamɨgǝnɨ gǝm kang gǝ ja gun, jǝ gun gun.”

Markus 3:22

Nǝb mɛlalɨ diil nɨ a jel a Urushalimaɨ ja sʊwa gɔ, “Nǝn Baalzabul fɔlɔ nǝblaamɨ a dɔ bʊtɔ gǝnɨ! Gǝ jǝg nǝblaamɔ nǝn kwaan Baalzabuli.”

Markus 1:45

Nʊ nɨ a maa bɔ kanga ja sʊwa gǝnɨ, a jel nǝngɔ sʊwa nǝbɔ fulon kɛl nɨ lɛ a daatɨnɔ gǝm gwamɨ. Jʊ nɨ ga maaɨ, a dǝg Yesu a dɔ bɔ kaa tuulɔ, gǝ yɨ a daa nɨ mɨ nǝb woi. Maatǝmɔ nyɨɨ, nǝbɔ a daatɨnɔ gǝm gwam bɛ lɛ a daa gǝ woi.

Yohana 3:10

Nǝngɔ Yesu a jǝla gǝn gɔ, “Mʊ gʌleng dʊʊ nǝ mɛlalɨ a mʊgɔ Israila, la mɔ nyǝm bɔ jʊ nɨ ka?

Maajɨ Bɛtɔ Twamagɨɨ 5:34

Kaa bwɛ Farisa wo dunɔ nǝn Gamaliyal. N nǝ mɛlalɨ diil. N nʊ nǝbɔ gwam nǝ gǝn dʊʊn nɛɨ. Nǝngɔ a gun a tɨ a kǝga nǝb dʊʊm koteregɨɨ, a sʊwa ji gɔ jǝ jǝg nǝb nɨ a yooli dɨn.