25 Na tɛlalɔngɔ a gun a nʊng nyanga kanɨ, jǝ́ tɨ a yooli, jǝ́ ga nyanga kanɔ lɛ. Jǝ́ sʊwa lɛ jengɔ, ‘Tɛlalɔ, wum nǝm nyanga kanɔ!’ Jǝla jen gɔ, ‘Mǝ nyǝm jen bɔ. Mǝ nyǝm bɔ daagɔ jǝ́ jelʌmi.’
“Jǝla jen gɔ, ‘Mǝ nyǝm jen bɔ! Mǝ nyǝm bɔ daagɔ jǝ́ jelʌmi! Jǝ́ kʌlʌm mɨ, jǝ́ nǝb maajɨ bwɨlan gwam!’
“N wɛ a bwɨ jǝ́ jo i lɛ gɔ ‘Tɛlalɔ, Tɛlalɔɨ,’ mɨ jǝ́ maa kanjǝlɔ lɛ mǝ sʊwa jen mǝʊ jǝ́ maaɨ?
“Bwangtǝn nɛɨ, sʊwa nǝb nɨ a kang fɔlɔng gǝnɔ gǝmɨ gɔ, ‘Jǝ́ kʌlʌm fɔ, nǝb nɨ ja lag jen lagɨ, jǝ́ dɔ mʊgɔ kǝla nɨ mɨsɔ dumo lɛ woi, wʊnɨ ja fɛ Mammɔ gǝm jǝbɔ bɛtɔ twama gǝnɨ.
Jǝ́ nyǝm, nǝn gul a swɨ sǝ gǝ ja kʊla bwili nɨɨ, nǝngɔ ja kɔ gǝnɨ, jʊ a bwɨɨ, a nya bɔ gola a yǝla a bǝla bwɨlangkɛl gǝnɔ. A tɨtǝn saatǝm gǝnɔ nǝn mwɛ num sul, a nya bɔ.
Jʊ a bwɨɨ Kwaama a sʊwa gɔ, “N nyʊwa ń nǝn kwama nɨ mǝ swɨɨ. N tɨka ń nǝn kɔkɔ bʊʊtǝm.” N wɔ kǝngkɔ nǝn gɔ kwamagɔ mǝ swɨɨ! Dwiyen nǝn gɔ kɔkɔ bʊʊtǝmɨ!
Jǝ́ maa maajɨ nɨ nʊng lɛ gɔ jǝ́ yǝla jǝ́ bǝla bwɨlangkɛl jeni. Bɛ ka jǝ́ bʊʊla lɛ jengɔ, ‘Ibrahim nǝn gɔ nǝn tɛtɛ bǝnɨ.’ Mǝ sʊwa jen nɛ, Kwaama a mʊgɔ kwaan gǝn gung gung Ibrahim gǝm bɛtɔ dwalǝn a mʊgɔ tatǝn nɨ.
