Kolosii 3:11 - Dadiya NT

¹¹ A daa nɨ gǝm, mɨ gola nʊngkatǝm wo nǝn dʌmʌn a kʊm bwɛ Bʌl jǝbɔ bwɛ Yahuda, nʊ nɨ a biyo mwɛnɨ jǝbɔ nʊ nɨ a biyo bɔ mwɛnɨ, nǝ saatǝm kutʌm jǝbɔ nʊ nɨ a swɛla swɛlaɨ, bwɛ lɔɨ jǝbɔ bwɛ jwaalɛ. Kiristi nǝn gɔ a laa jǝlɨ, nǝn gɔ a mʊgɔ bǝn gwamɨ.

Kolosii 3:11 交叉引用

1 Korinti 12:13

Yʊwagɔ win a yʊ bǝn mwɛ sagsagɔ gwamɨ, bǝ yǝlam bʊtɔgɔ win, Yahudawagɔ jǝbɔ nǝbɔ Girikaɨ, jwaalɛb jǝbɔ bɛtɨ. Gwam bǝnɔ Kwaama a nǝ bǝn Yʊwagɔ win wʊnɨ a mʊgɔ bǝnɨ.

Roma 10:12

Mɨ nʊngtǝm wo nǝn dʌmʌn a kʊm Yahudawagɨɨ jǝbɔ Bʌtʌbɔ. Tɛlalɔ nǝn gɔ Tɛlalɔ nɨ win gwamɨ, nǝn gɔ nǝ bwili lɛ a ladaɨ a nǝb nɨ a yɔ nǝn keli jinɔ a daa gǝ woi.

Afisa 3:6

Jʊ nɨ ja yʊ yʊɨ gǝ nʊng gɔ Bʌtʌbɔ fatǝm jatǝm kʊla jǝbɔ Yahudawagɔ. Jǝ jinʌn bʊtɔgɔ win. Jǝ fatǝm mʊrkalɨ tag a swatǝm yaa nɨ a mʊgɔ Kiristi Yesui a gola fulon kɛl lǝmɨ nɨɨ.

Afisa 1:23

Mʊrkalɨ nǝb bwangtǝm Kwaamaɨ nǝn gɔ n bʊtɔ Kiristii, a yii nǝn Kiristii, Kiristi a yiilo kanjǝlɔ gwamɨ.

Roma 3:29

Kwaamagɔ n Kwaama Yahudawagɨɨ kwaaji ka? Ke bɔ a Bʌtʌbi tʌji ka? N bɨlǝngǝn na a Bʌtʌbi tʌji.

Galatiya 5:6

Na bǝ na a daagɔ Yesu Kiristi woi, biyotǝm mwɛn jǝbɔ mɨ biyotǝm mwɛn wo, mɨ a nyiyo kaa jǝl. Nǝtǝm bɨlǝngkɛl jenɔ nɨ maa maajɨ swɨkan nɛɨ, nǝn gɔ a laa jǝlɨ.

Yohana 17:23

Mǝ yɨ yɨ a mʊgɔ jin, mɔ tǝmʊn a mʊgɔ mɨ, sǝ ja yǝlam win nyangǝn, sǝ yooligɔ a nyǝm gɔ nǝmɔ mʊ twam ɨɨ, sǝ ja nyǝm mʊ swɨ ji lɛ kanga mʊ swɨ ɨ lɛɨ.

Galatiya 2:20

Ja kʊʊ ɨ dakini nǝbɔ Kiristi. Kǝngkɔ ke bɔ mǝ nǝn kʊlɨɨ, n kʊlɨ Kiristii a mʊgɔ mɨɨ. Kʊlɨ nɨ mǝ nǝn a mʊgɔ bʊtɔɨ, n kʊlɨ a gola nǝtǝm bɨlǝngkɛl a daa bʊla Kwaamaɨ woi, wʊnɨ a swɨ ɨ, a bʊla a kɛl dul mɨɨ.

1 Korinti 7:19

Nǝ biyotǝm mwɛnɔ, jǝbɔ nʊ nɨ a biyo bɨɨ, mɨsɔ sʊ kaa jǝl lɛ. Jʊ a laa jǝlɨ, n kɨlatǝm diil Kwaamaɨ.

Maajɨ Bɛtɔ Twamagɨɨ 15:17

Mǝ maa maa jʊ nɨ sǝ kaam nǝbɔ a saa ɨ, mǝ Tɛlalɔ, n Bʌtʌbɔ mǝ jǝgǝmɨ, sǝ ja yǝlam a mɨ.

Kolosii 2:10

N daa gǝ woi jǝ́ yii dǝngdǝngɨ, wʊnɨ nǝn gɔ n dul a dul fɔlɔn jǝbɔ kwaanɨ.

Roma 1:14

N do tuulo nǝbɔ Girikaɨ jǝbɔ Bʌtʌbɔ, nǝb nyǝmtǝmɔ jǝbɔ nǝb nɨ a nyǝm bɔ jǝlɨ gwam a dul mɨ sǝ n kiyo jim fulon kɛl lǝmɨgɔ.

Yohana 15:5

“Nǝmǝ mǝ tɨya fogfogigɨɨ, nǝjen jǝ́ kang tɨyantɨnɨ. Nʊ nɨ a yɨ a mʊgɔ mɨɨ, mǝ tǝmɨ mǝ a mʊgɔ gǝnɨ, nǝn gɔ tʊʊ tʊʊl lɛ a ladaɨ. Na ke bɔ a mʊgɔ mɨɨ, mɨsɔ jǝ́ dwal lɛ jǝ́ maa kaa jǝl.

Maajɨ Bɛtɔ Twamagɨɨ 28:4

Nǝb nɨ yǝm a tǝm nɨ a tɨbǝl wɨmaɨ a kuwo sɔɔgɔ a sabǝl tʌgo a kang Bulusi, nǝngɔ ja sʊwaka a bʊtɔ jin gɔ, “Bɨlǝngǝn, balɨ nɨ n nǝ jʌtǝm dul. Jǝ́ kuwo a bʊʊ a wɨmaɨ, kʊlɨ nǝbɨɨ bwang gǝm lɛ, bʊla bʊla.”

Maajɨ Bɛtɔ Twamagɨɨ 28:2

Nǝbɔ a tǝm gɨɨ, ja maa nǝm jǝ nya dangǝn nǝn bɨlǝngǝn. Ja yo nǝn gwam, ja mʊʊ nǝm kǝlagɔ, jʊ a bwɨɨ mwɛmɔ swiyo lɛ, juulɔ maa lɛ.

Yohana 14:23

Nǝngɔ Yesu a jǝla gǝn gɔ, “Gwam nʊ nɨ swɨ ɨ lɛɨ, kɨla kɨla kɛl mǝndɨ. Tɛtɛ mɨ tǝgǝn swɨ gǝn swɨ. Mǝ nǝbɔ Tɛtɛ mɨ nǝn bɛ bɛ a daa gǝ woi, sǝ nǝn yɨ dakini nǝbɔ gɔ.

2 Yohana 1:9

Nʊ nɨ a tɨ bɔ a mɛlalɨ Kiristii, a sʊtǝn kaa jǝl woi, Kwaama mɨ dakini jǝbɔ gɔ. Nʊ nɨ a tɨ a mɛlalɨ nɨɨ, nǝngǝn nǝn Tɛ bwɛɨ jǝbɔ Bwɛ.

1 Yohana 5:20

Bǝ nyǝm Bʊla Kwaamaɨ a bɛ nǝngɔ a nǝ bǝn nyǝmtǝmɨ, sǝ bǝ nyǝm nʊ nɨ nǝn bɨlǝngkɛlɨ. Bǝn bǝ na a mʊgɔ gǝn, gǝ nɨ n nǝ bɨlǝngkɛlɨ, nǝn gɔ nǝn Bʊla gɔ Yesu Kiristii. Nǝn gɔ nǝn Kwaama nǝ bɨlǝngkɛlɨ, jǝbɔ kʊlɨ nɨ mɨ dɨtǝm woi.

Afisa 6:8

Jǝ́ nyǝm Tɛlalɔ nǝ nǝ bwili a nʊ nɨ pʌd a maa jǝ nyaɨ, na gǝ bwɛɨ, na gǝ bwɛ jwaalɛɨ.

Afisa 3:17

sǝ Kiristi a yɨ a mʊgɔ nǝl jen a gola nǝtǝm bɨlǝngkɛl. Mǝ maa keli lɛ tag bɛ swɨkanɔ a yǝlam jʊ nɨ jǝ́ ywɔ jʌng jenɔ woi, n daagɔ jǝ́ swa fʌlʌm jenɔ woi.

1 Korinti 14:11

Na mǝ nyʊwa bɔ nyiyo nǝlɨ, n yǝlam faabɨ a daa nʊ nɨ sʊwa ɨ kɛl lɛɨ. Nʊ nɨ sʊwa ɨ kɛl lɛɨ, a yǝlam faabɨ a daa mǝ woi.

Roma 3:22

Dǝngdǝng nɨ na a Kwaamaɨ, wʊnɨ nyatǝm gǝnɔ n gola nǝtǝm bɨlǝngkɛl a daa Yesu Kiristi woi a nǝb nɨ gwam a nǝ bɨlǝngkɛlɨ, mɨ nʊngtǝm wo nǝn dʌmʌn.

Afisa 2:14

Jʊ a bwɨɨ, Kiristi nǝn gɔ yɨm kwamɨgǝn bǝnɨ, nʊ nɨ a mʊr Yahudawagɔ jǝbɔ Bʌtʌbɔ wini, a kʌbʌm kwalɨ kii nɨ a wʊlaka jii.

Afisa 2:15

A kalǝm diil Musaɨ jǝbɔ borang gǝnɔ a gola nǝtǝm bʊtɔ gǝn. A maa nyɔ sǝ a mʊr dʊʊm nɨ yoi, Yahudawagɔ jǝbɔ Bʌtʌbɔ a daa gǝ woi ja yǝlam win. A maa nyɔ sǝ a bɛ nǝn yɨm kwamɨgǝn a kʊm jin.