Kolosii 1:5 - Dadiya NT

⁵ Nǝtǝm bɨlǝngkɛl nɨ jǝbɔ swɨtǝmɔ, a bɛ a yatǝm nǝl a jʊ nɨ ja ya jem a dʌbʌli. Jǝ́ kwɛl jǝ́ nyʊwa kɛl yatǝm nǝl nɨ a fulon kɛl lǝmɨ, kɛl bɨlǝngkɛlɔ.

Kolosii 1:5 交叉引用

Afisa 1:13

N daa Kiristii, jen tʌjen jǝ́ yǝlam nǝb Kwaamaɨ nǝn kwama jǝ́ nyʊwa kɛl bɨlǝngkɛlɨ, fulon kɛl lǝmɨ nyatǝm bʊʊtǝm jenɔ. Nǝn kwama jǝ́ nǝ bɨlǝngkɛl a daagɔ Kiristi woi, Kwaama a ka jem kwatɨ. Kwatɨ nɨ n Yʊwa Kwaamaɨ wʊnɨ a swa yaa gǝ nǝ bǝn nǝɨ.

2 Timoti 4:8

Tangǝnɔ a bǝlaɨ n nyatǝm dwang dul maajɨ dǝngdǝng, wʊnɨ ja fɛka mɨɨ, wʊnɨ Tɛlalɔ, nǝ maatǝm borang dǝngdǝngɔ nɨ ɨ lɛ nǝn kɔkɔ dɨltǝmɨ. Ke bɔ mǝ kwaamɨ, pʌd jǝbɔ nǝb nɨ ya nǝl lɛ a bɛtǝm gǝnɔ gǝmɨ.

Titus 1:2

N gola nɨ jǝ́ ya nǝl lɛ a kʊlɨ nɨ mɨ dɨtǝm woi, wʊnɨ Kwaama a maa swatǝm yaa galɨgǝnɨ, gǝ nɨ mɨ gabakɛl wo a daa gǝ woi.

Kolosii 1:27

Kwaama a kuwo a bʊm gǝ sʊwa nǝbam gǝnɔ gɔ shilogɔ jǝbɔ dʊʊlǝn Kiristi Yesui na a jen jǝ́ Bʌtʌbɔ. Jǝ yʊtǝm nɨ nǝn Kiristi. Gǝ na a kʊm jen, wʊnɨ nǝn gɔ n yatǝm nǝl jeni gɔ jǝ́ nya nya dʊʊlǝn gǝnɨ.

1 Bitrus 2:2

Kanga bɛtɔ fetʌnɔ swɨ mwɛ yʊl lɛɨ, jen tʌjen bɛ jǝ́ swɨ kɛl Kwaamaɨ nyangǝn, sǝ jǝ́ dʊʊl nǝn, sǝ a yɔ nǝn jen a nyatǝm bʊʊtǝm.

Kolosii 1:23

Yǝlam yǝlam nyɔ na jǝ́ ja kǝga a nǝtǝm bɨlǝngkɛl jenɔ gǝmɨ, na jǝ́ tɨ nǝn kwaan a bɨlǝngkɛl nɨ gǝmɨ, na jǝ́ kʌlʌm bɔ a yatǝm nǝl jenɔ a fulon kɛl lǝmɨ nɨ jǝ́ nyʊwaɨ. Fulon kɛl lǝmɨ nɨ ja kiyo nǝbɔ gǝm gwam a yooli nɨɨ, wʊnɨ mǝ Bulus, mǝ yǝlam nǝ maajɨ gǝnɨ.

1 Korinti 15:19

Na na yatǝm nǝl bǝnɔ a daa Kiristi woi n kɛl kʊlɨ nɨ kwaagɨɨ, na bǝ laa nǝbɔ gwam yǝlamtǝm jǝ bʊnatǝm.

Ibranii 7:19

Diilɔ a yii bɔ kaa jǝl. A kaa gola ja dɔ nǝn yatǝm nǝl nɨ a laa jǝlɨ, n gola daa gǝ woi a gʊ bǝn nǝn dɔɔm a daagɔ Kwaama woi.

1 Tasalonikaɨ 2:13

Nǝn buu Kwaama gǝm kang lɛ kwangkwang jʊ a bwɨɨ, nǝn kwama jǝ́ yem kɛl Kwaamaɨ, wʊnɨ jǝ́ nyʊwa a daa nǝn woi, jǝ́ yo bɔ na kɛl nǝfilii, jǝ́ yo gǝn kanga a namɨ. Kɛl Kwaamaɨ n bɨlǝngǝn, wʊnɨ maa maajɨ lɛ a mʊgɔ nǝl jen jǝ́ nǝb nǝtǝm bɨlǝngkɛlɨ.

1 Yohana 3:3

Gwam nʊ nɨ a ya nǝl a daa gǝ woi, a saalǝm dul gǝnɔ a yǝlam sagsag, kanga gǝ sagsagɨ.

Galatiya 5:5

Bǝ yam lɛ, bǝ ya nǝl lɛ a gola kwaan Yʊwa Kwaamaɨ, Kwaama dǝg bǝn dǝg bǝ yǝlam nǝb dǝngdǝng, a kɛl dul nǝtǝm bɨlǝngkɛl.

2 Korinti 5:19

Jʊ nɨ gǝ nʊng gɔ nǝn Kwaama nǝn kang gǝn gǝ dɔ kʊm yooligɔ lɛ jǝbɔ gɨɨ, a gola Kiristii. Mɨ gǝ kiyo bwɨlangkɛl jinɔ lɛ a dul jin. Nǝn gɔ a nǝ nǝn kɛl dɔtǝm kʊm nǝbɨɨ.

Maajɨ Bɛtɔ Twamagɨɨ 23:6

Bulus a fɛ a dʌngi, kaamɨ n nǝbɔ Sadukiyaɨ, kaamɨ n nǝbɔ Farisaɨ. Nǝngɔ a gung diilɔ a jo nǝb dʊʊm koteregɨɨ a sʊwa gɔ, “Kambɔ, mǝ bwɛ Farisa, tɛtǝlam mǝndɨ nǝbɔ Farisaɨ. Jʊ a bwɨ jǝ maa mɨ borang lɛɨ, n yatǝm nǝlɔ mǝ ya a guntǝm a bwaaɨ.”

1 Bitrus 3:15

A mʊgɔ nǝl jen, jǝ́ nǝ Kiristi dʊʊn na Tɛlalɔ. Kwangkwang jǝ́ yɨ nǝn fɛkalɨ, jǝ́ sʊwa nǝb nɨ gwam a bʌ jen yatǝm nǝlɔ jǝ́ nǝnɨ. Bɛ jǝ́ sʊwa ji nǝn yʌbtǝm dul jǝbɔ nǝtǝm dʊʊn.

1 Korinti 13:13

Kǝngkɔ kanjǝlɔ taal a yɨɨ, nǝtǝm bɨlǝngkɛl, jǝbɔ yatǝm nǝl, jǝbɔ swɨkan. Nʊ a laa ji gwamɨ n swɨkan.

Maajɨ Bɛtɔ Twamagɨɨ 24:15

Mǝ ya nǝl lɛ a daa Kwaama woi kanga nǝb nɨ ja yam tʌji gɔ guntǝm wo a nǝb nɨ a bʊlala bʊlalaɨ, nǝb dǝngdǝngɔ jǝbɔ nǝb bwɨlamɔ.

1 Timoti 1:15

Kɛl bɨlǝngkɛlɔ n wɔ, a la yotǝm wʊnɨ sʊwa lɛ gɔ, “Kiristi Yesu a bɛ a yooli nɨ sǝ a bʊʊ nǝn nǝb bwɨlangkɛlɔ.” A kʊm ji gwam nǝmǝ mǝ laa jii.

2 Tasalonikaɨ 2:16

Bɛ Tɛlalɔ bǝn Yesu Kiristi nǝn dul gǝn, jǝbɔ Kwaama Tɛtɛ bǝn wʊnɨ a swɨ bǝn a gola lǝma gǝnɨ, a kʊʊ bǝm nǝl nɨ mɨ dɨtǝm woi, a nǝ bǝn yatǝm nǝl nyan,

Kolosii 3:16

Bɛ kɛl Kiristii a yɨ a mʊgɔ nǝl jen a lada. Bɛ ya jǝ́ mɛlaka lɛ, bɛ ya jǝ́ mwɛka lɛ nǝn yʊlan a gola matǝm nafɨ Zaburaɨ, jǝbɔ nafɨ bǝlátǝm Kwaamaɨ, jǝbɔ nafɨtɨn nɨ Yʊwagɔ a bɛ nǝnɨ. Jǝ́ ma lɛ nǝn buutǝm kang a mʊgɔ nǝl jenɔ gǝm.

Roma 10:8

N wɛ mʊlalɨ kɛl Kwaamaɨ a sʊwaɨ? A sʊwa gɔ, “Kɛl Kwaamaɨ gǝ na nǝn dɔɔm jǝbɔ mɔ, a nyiyo mʊn jǝbɔ mʊgɔ nǝl mʊn tag.” Kɛl nɨ nǝn gɔ nǝtǝm bɨlǝngkɛlɔ bǝ kiyo nǝbɔ gǝm lɛɨ.

Maajɨ Bɛtɔ Twamagɨɨ 10:36

Jǝ́ nyǝm twamagɔ a twam nǝbɔ Israilaɨ gǝmɨ, jǝ sʊwa ji fulon kɛl lǝmɨ na yɨm kwamɨgǝn nɛ a gola Yesu Kiristii. Nǝn gɔ nǝn Tɛlalɔ bǝn gwamɨ.

Luka 12:33

Jǝ́ miyo kanjǝl jenɔ, jǝ́ nǝ nǝb bʊnǝnɔ kemʌnɔ. Jǝ́ saa dul jenɔ gǝm bǝla kemʌn wʊnɨ mɨsɔ gʌlo lɛ woi, shilogɔ a dʌbʌli mɨsɔ dɨ lɛɨ. Nǝkuu mɨsɔ kuu lɛ wo. Bʊntangɔ mɨsɔ kʊm lɛɨ.

Maajɨ Bɛtɔ Twamagɨɨ 13:26

“Kambɔ, dʊʊm Ibrahimi jǝbɔ jen Bʌtʌbɔ nyʊwa taal Kwaamaɨ lɛɨ, n daagɔ bǝn woi ja twam kɛl bʊʊtǝm nɨɨ.

2 Korinti 6:7

Nǝn sʊwa bɨlǝngkɛl, kwaan Kwaamaɨ maa maajɨ lɛ nǝn nǝn. Maatǝm jǝ dǝngdǝngɔ a maa na kanjǝl tatǝm kun a kang jajǝng jǝbɔ kang fɔlɔng nǝn.

Galatiya 2:5

Nǝn jǝla jim bɔ wo dǝm, sǝ nǝn kʌshi jem bɨlǝngkɛl fulon kɛl lǝmɨ nɨ.

Galatiya 2:14

Nǝn kwama mǝ kuwo jǝ maa jǝ jinɔ lɛ mɨ a mʊgɔ bɨlǝngkɛl fulon kɛl lǝmɨɨ, nǝngɔ mǝ sʊwa Bitrus a kǝga nǝbɨɨ gwam mǝʊ, “Mʊ nɨ mʊ bwɛ Yahudaɨ, mʊ bwangtǝn jǝfʊlǝn Bʌtʌbi lɛ. Kǝngkɔ mʊ dǝg Bʌtʌbɔ nǝn kwaan sǝ ja bwangtǝn jǝfʊlǝn Yahudawagɨɨ ka?”

Afisa 4:21

Bɨlǝngǝn, jǝ́ nyʊwa fulon kɛl nɨ a dul Kiristi Yesui, jǝ́ mɛla kɛl bɨlǝngkɛlɔ a dul gǝn.

2 Bitrus 1:12

Jǝ́ kwɛl jǝ́ nyǝm kanjǝl nɨ sul, jǝ́ kwɛl jǝ́ kwam a mʊgɔ bɨlǝngkɛl nɨ jǝ́ nǝngǝnɨ, mɨsɔ dǝg ɨ lɛ n bǝla bʊʊlatǝmɔ nǝn jen a dul jin.