Kolosii 1:4 - Dadiya NT

⁴ Nǝn maa nyɔ jʊ a bwɨɨ nǝn nyʊwa fulon nǝtǝm bɨlǝngkɛl jenɔ a mʊgɔ Kiristi Yesui, jǝbɔ swɨtǝmɔ jǝ́ maa nǝb sagsagɔ gǝm lɛ gwamɨ.

Kolosii 1:4 交叉引用

Afisa 1:15

A dul kɛl nɨɨ, n kwɛl n nyʊwa nyʊwaɨ nǝtǝm bɨlǝngkɛl jenɔ a daa Yesu Tɛlalɔ woi, jǝbɔ swɨtǝm jenɔ tag a dul nǝb nɨ pʌd sagsagɨɨ,

2 Tasalonikaɨ 1:3

A yǝlam nyɔ kwangkwang nǝn buu Kwaama gǝm kang a kɛl dul jen gwam kambɔ, a bʊm nyɔ, jʊ a bwɨɨ nǝtǝm bɨlǝngkɛl jenɔ sʊ lɛ sʊɨ nǝn bɨlǝngǝn, jʊ a bwɨɨ swɨkatǝmɔ a kʊm jeni sʊ lɛ sʊɨ.

1 Tasalonikaɨ 1:3

Nǝn bʊʊla lɛ nǝn jen a keli nǝnɔ gǝm a kǝga Kwaama Tɛtɛ bǝnɨ a maajɨ nɨ jǝ́ maa lɛ a gola nǝtǝm bɨlǝngkɛlɨ, jǝbɔ gaalan maajɨgɔ jǝ́ nɔɔ lɛ a gola swɨtǝmɨ, jǝbɔ bwatǝm nǝlɔ jǝ́ maa lɛ nǝn yatǝm nǝl a mʊgɔ Tɛlalɔ bǝn Yesu Kiristii.

Ibranii 6:10

Kwaama n ke bɔ nʊ nɨ mɨ dǝngdǝngɨ, wʊnɨ kɔ dʌngtǝm maajɨ jenɔ lɛɨ, jǝbɔ swɨtǝm gǝnɔ nɨ jǝ́ nʊng lɛɨ, kanga jǝ́ tɨka nǝbam gǝnɔ lɛ ba la nǝn a di dwiyeni.

1 Yohana 4:16

Bǝ nyǝm, bǝ nǝ bɨlǝngkɛl a swɨtǝmɔ Kwaama maa bǝm lɛɨ. Kwaama n nǝ swɨtǝm. Nʊ nɨ nʊng swɨtǝm lɛɨ, yǝm a mʊgɔ Kwaamaɨ, Kwaama tǝgǝn a mʊgɔ gǝn.

Filimon 1:5

jʊ a bwɨɨ, n nyʊwa kɛl nǝtǝm bɨlǝngkɛl mʊnɔ a mʊgɔ Tɛlalɔ Yesui jǝbɔ swɨtǝm mʊnɔ mʊ maa nǝb sagsagɔ gǝm lɛɨ.

1 Yohana 3:14

A bǝnɔ bǝ nyǝm bǝ kwɛl bǝ bʊʊ bwaagɔ gǝm, bǝ nya kʊlɨgɔ, jʊ a bwɨɨ bǝ swɨ kɛtǝlam bǝnɔ lɛ. Nʊ nɨ mɨ maa yɨm swɨkan nɛɨ, n yɨm bwaa yɨmɨ.

Galatiya 5:6

Na bǝ na a daagɔ Yesu Kiristi woi, biyotǝm mwɛn jǝbɔ mɨ biyotǝm mwɛn wo, mɨ a nyiyo kaa jǝl. Nǝtǝm bɨlǝngkɛl jenɔ nɨ maa maajɨ swɨkan nɛɨ, nǝn gɔ a laa jǝlɨ.

1 Yohana 3:23

Diil gǝnɔ gɔ, bǝ nǝ bɨlǝngkɛl a mʊgɔ dun bʊla gɔ Yesu Kiristii, bǝ swɨka kanga a sʊwa bǝnɨ.

1 Tasalonikaɨ 3:6

N wɔ, kǝngkɔ, Timoti a yǝla a bɛ a daa jen woi. A bɛ nǝm nǝn fulon kɛl lǝmɨ a dul nǝtǝm bɨlǝngkɛl jenɔ gǝm jǝbɔ swɨtǝm jenɔ. A sʊwa nǝn kanga kwangkwang jǝ́ bʊʊla lɛ nǝn nǝnɨ, nǝn bʊʊlalɨ nyanɨ, jǝ́ ya nǝl lɛ dangǝn jǝ́ kuwo nǝn, kanga nǝn tǝnǝn nǝn ya nǝl lɛ nǝn kuwo jeni.

Kolosii 1:9

N jʊ a bwɨ nǝn di nɨ nǝn nyʊwa fuloni, nǝn bǝla jem bɔ maatǝm keligɔ, nǝn kela Kwaama lɛ sǝ a nǝ jen nyǝmtǝm jʊ nɨ swɨ lɛ jǝ́ maaɨ jǝbɔ yʊlan a dul kanjǝl Yʊwa.

2 Korinti 7:7

Ke bɔ bɛtǝm Titusi kwaagɔ. Nǝ nya kʊʊtǝm nǝl a kʊʊtǝm nǝl nɨ a nya a daa jen woi. Kanga a sʊwa nǝn gɔ jǝ́ swɨ kuwotǝm mǝndɨ lɛɨ, kanga jǝ́ maa fitǝm nǝl nǝn jʊ nɨ a bwɨɨ, jǝ́ maa jǝlatǝm lɛ jǝbɔ bwatǝm guu nɨ jǝ́ maa mɨ lɛɨ, n sʊtǝn fulotǝm nǝl dangǝn.

Galatiya 3:26

Jʊ a bwɨɨ gwam jǝ́ bɛtɔ lɔ Kwaamaɨ a gola nǝtǝm bɨlǝngkɛl a daa Kiristi Yesu woi.

Galatiya 3:28

Mɨ nʊngtǝm dʌmʌn wo a nǝb nɨ n Yahudawaɨ jǝbɔ Bʌtʌbɔ, nʊ nɨ bwɛ jwaalɛ jǝbɔ nʊ nɨ ke bɔ bwɛ jwaalɛɨ, nɔɔlɨ jǝbɔ balɨ. Jǝ́ yǝlam win a daagɔ Yesu Kiristi woi.

Afisa 6:18

Bɛ ya jǝ́ maa keli lɛ kwangkwang a mʊgɔ kwaan Yʊwa. Jǝ́ maa kelitɨnɔ nǝn dʌmʌn. A dul kanjǝl nɨ, jǝ́ yɨ nǝn fɛkalɨ, ya jǝ́ maa keli lɛ kwangkwang a dul nǝb sagsagɨɨ.