Ibranii 9:15 - Dadiya NT

¹⁵ Kiristi a bʊla sǝ a jǝg ji a bwɨlangkɛl nɨ ja maa a swatǝm yaa tɨkǝgagɔ gǝmɨ. A dul bwaa gǝnɔ gǝm, nǝn gɔ a tɨbǝl swatǝm yaa fɨgɔ gǝmɨ, sǝ nǝb nɨ ja jo jii, ja yo kʊla nɨ mɨ dɨltǝm woi, wʊnɨ ja swam jim yaaɨ.

Ibranii 9:15 交叉引用

Roma 8:30

Nǝb nɨ Kwaama a jǝgamɨ, nǝji ga joi. Nǝb nɨ ga joi, nǝji ga dǝg ji ja yǝlam nǝb dǝngdǝngɨ. Nǝb nɨ ga dǝg ji ja yǝlam dǝngdǝngɨ, nǝji gǝ dʊʊl ji lɛɨ.

Roma 8:28

Bǝ nyǝm a mʊgɔ kanjǝlɔ gǝm gwam Kwaama maa maa jʊ nɨ a bʊmɨ a nǝb nɨ swɨ gǝn nɛɨ, a nǝb nɨ ga jo a fɛkalɨ gǝnɨ.

Ibranii 9:12

Kiristi a dɔ Daa nɨ a Laa Sagsagɨɨ naa win swar, mɨ sʊtǝm wo. Ke bɔ a gola tʊʊm bɨntɨn jǝbɔ bɛl nɛɛ a dɔɨ. A dɔ a gola tʊʊm gǝn. A maa bǝm jǝgtǝm nɨ mɨ dɨltǝm woi.

Ibranii 10:36

Jǝ́ kʊ nǝl, sǝ na jǝ́ maa jʊ Kwaama swɨ lɛɨ, jǝ́ nya nya jʊ nɨ a maa jem swatǝm yaaɨ.

1 Timoti 2:5

Kwaama win, nʊ a tɨbǝl bǝn jǝbɔ Kwaamaɨ win. Nǝfili nɨ nǝn Kiristi Yesu,

Ibranii 12:24

Jǝ́ la daagɔ Yesu woi, nʊ nɨ a tɨbǝl swatǝm yaa fɨɨ. Jǝ́ la daa tǝlatǝm tʊʊm nɨ sʊwa kɛl bʊmǝn nɛɨ, wʊnɨ a laa tʊʊm Habilaɨ.

Ibranii 7:22

N gola wɛɛlɨ nɨ Yesu a do tuulo swatǝm yaa nyan nɨ a tɨbǝl bǝn jǝbɔ Kwaamaɨ.

1 Bitrus 3:18

A Kiristii a bʊla naa win swar, mɨ sʊtǝm wo, sǝ a tʊngǝm bwɨlangkɛltɨn bǝnɔ. Nǝ dǝngdǝngɔ a bʊla a kɛl dul nǝb nɨ ke bɔ nǝb dǝngdǝngɨ, sǝ a yɔ nǝn bǝn a daagɔ Kwaama woi. Ja jʌ gǝn a bʊtɔ, a gung gǝn a Yʊwa.

Ibranii 13:20

Bɛ Kwaama nɨ nǝ yɨm kwamɨgǝn nɛɨ, wʊnɨ a gung Tɛlalɔ bǝn Yesu a bwaaɨ, gʌleng nǝ tɔɔtǝm kwamɨ nɨ a gola tʊʊm nɨ nʊng swatǝm yaa nɨ lɛ mɨ dɨtǝm woi,

Roma 5:6

A dǝngdǝng kwama nɨ, kwama lǝga bɔ bǝ kwamɨ, Kiristi a bʊla a kɛl dul nǝb nɨ a nyǝm bɔ Kwaamaɨ.

Ibranii 9:28

A na nyɔ Kiristi tǝgǝn ja nǝ a twɨtǝm yulʌn naagɔ win swar, sǝ a dem bwɨlangkɛl nǝbɨɨ a lada. Yǝla bɛ bɛ, bɛtǝm na yogɔ, ke bɔ a dul demtǝm bwɨlangkɛl, bɛ sǝ ba bʊʊ nǝn nǝb nɨ yam bɛtǝm gǝnɔ lɛɨ.

Ibranii 6:13

Nǝn kwama Kwaama a maa Ibrahim gǝm swatǝm yaaɨ, mɨ kaa nʊ nɨ wo a laa gǝn dʊʊn gǝ wɛɛl lɛ nǝnɨ, nǝngɔ a wɛɛl nǝn dun gǝnɨ.

Ibranii 3:1

A dul kɛl nɨ, kɛtǝlam sagsag, jen nɨ jǝ́ mʊrka dul jǝbɔ mǝ a jotǝm Kwaamaɨ, jǝ́ ya bʊʊlalɨ jenɔ win a daa Yesu woi, bwɛ twama jǝbɔ dalɨ nǝkǝla na nǝtǝm bɨlǝngkɛl nɨ bǝ yoi.

Ibranii 2:14

Na nɨ bɛtɨ gwam nǝn nam jǝbɔ tʊʊmɨ, gǝ tǝgǝn a do jelkalǝng nyɔ, sǝ a gola bwaa gǝnɔ gǝm a kǝl kwaan nʊ nɨ a ta kwaan bwaagɨɨ, nǝn gɔ nǝn mammɨ.

Dʊgam Nyangnyang 5:9

Jǝ ma nafɨ fɨgɔ lɛ jǝ sʊwa lɛ gɔ: “Ń la nyɔ ń do langǝn bwangǝn nɨ, ń gwalam mɛltɨn nɨ ja bʊltɨ tʌgoi, jʊ a bwɨɨ galɨgǝn ja jʌ ń, nǝmɔ tag mʊ ten Kwaama gǝm nǝbɔ a gola tʊʊm mʊnɨ. Mʊ ten Kwaama gǝm nǝbɔ a daagɔ nyiyotɨnɔ woi pʌd jǝbɔ bǝlǝntǝmɔ gwam.

Ibranii 8:13

Nǝn kwama a sʊwa kɛl a dul swatǝm yaa fɨɨ, a nʊng na tɨkǝgagɔ a yǝlam a galɨ dangǝn, jʊ nɨ gʌlo lɛɨ, sʊ gʌlonɔ lɛ. Ya la dɨltǝm lɛ dangǝn.

Titus 3:7

A maa nyɔ sǝ a jǝg bǝn nǝn lǝma gǝnɔ sǝ bǝ yǝlam nǝb jatǝm kʊla, nǝb yatǝm nǝl a kʊlɨ nɨ mɨ dɨtǝm woi.

Titus 1:2

N gola nɨ jǝ́ ya nǝl lɛ a kʊlɨ nɨ mɨ dɨtǝm woi, wʊnɨ Kwaama a maa swatǝm yaa galɨgǝnɨ, gǝ nɨ mɨ gabakɛl wo a daa gǝ woi.

2 Timoti 2:10

A dul kɛl nɨ mǝ kʊ nǝl lɛ a kanjǝlɔ gǝm gwam a kɛl dul nǝb nɨ ja jǝgamɨ sǝ ji tʌji ja nya bʊʊtǝm a mʊgɔ Kiristi Yesui, sǝ ja nya dɔtǝm dʊʊlǝn nɨ mɨ dɨtǝm woi.

Yohana 10:28

Mǝ nǝ ji kʊlɨ nɨ lɛ mɨ dɨtǝm woi. Mɨsɔ jǝ bʊla lɛ wo tag. Mɨ nʊ nɨ wo dwal lɛ a yem ji a kang mɨɨ.

Matta 19:29

Gwam nʊ nɨ a bǝla lɔ gǝnɨ, a bǝla kɛtǝlam gǝnɔ batǝn jǝbɔ a nɔɔtǝn, bǝ tɛtɛ gɔ jǝbɔ nɛnɛ gɔ, bɛtɨ jǝbɔ twamtɨn gǝnɔ, a kɛl dun mɨɨ, nya nya naagɔ fʊlkʊb, jǝbɔ nyatǝm kʊlɨ nɨ mɨ dɨtǝm woi.

1 Yohana 2:25

Jʊ nɨ nǝn gɔ n swatǝm yaagɔ a maa bǝmɨ, n kʊlɨ nɨ mɨ dɨtǝm woi.

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

Yakubu 1:12

Bwiligɔ na a nʊ nɨ a kʊ nǝl a mʊgɔ gaalan gǝnɔ gǝmɨ, jʊ a bwɨɨ, yo yo lǝma kʊlɨ nɨ mɨ dɨtǝm woi, wʊnɨ Kwaama a maa swatǝm yaa gɔ gǝ nǝ nǝ nǝb nɨ gwam swɨ gǝn nɛɨ.

Ibranii 11:13

Nǝb nɨ gwam a bʊla a mʊgɔ nǝtǝm bɨlǝngkɛl jin. Ja nya bɔ kanjǝl nɨ ja maa jim swatǝm yaaɨ. Ja kuwo a daa kʊtangɨ, nǝngɔ ja maa fulotǝm nǝl nǝn kuwotǝm jini. Ja jǝla gɔ jǝ faabǝm, jǝ Bʌtʌb a yooli.

2 Tasalonikaɨ 2:14

N kɛl dul jʊ nɨ a jo jeni, a gola fulon kɛl lǝmɨ nɨ nǝn sʊwa jeni, sǝ jǝ́ nya dʊʊlǝn Tɛlalɔ bǝn Yesu Kiristii.

Roma 6:23

Ywatǝm bwɨlangkɛlɔ n bwaa. Nǝtǝm lǝma Kwaamaɨ n kʊlɨ nɨ mɨ dɨtǝm wo a mʊgɔ Kiristi Yesui, Tɛlalɔ bǝn.

Ibranii 9:16

Na kaa nǝl a sʊwa nʊ nɨ ja kʊla gǝnɔ lɛɨ, bɛ ja nyǝm nʊ gɔ a bʊla dɨn.

2 Korinti 3:6

Nǝn gɔ a nǝ nǝn kwaan nǝn yǝlam nǝb maajɨ swatǝm yaa fɨgɨɨ, wʊnɨ a bɛ a daagɔ Yʊwa Kwaamaɨ woi, ke bɔ a mʊlalɨ diil. Jʊ a bwɨɨ mʊlalɨ diilɔ gǝ bɛ nǝn jʌtǝm. Yʊwagɔ gǝ bɛ nǝn kʊlɨ.

Roma 9:24

Bǝ nǝb nɨ ga joi, ke bɔ a kʊm Yahudawagɨɨ kwaaji, a jo nǝb nɨ n Bʌtʌbi tʌji.

Roma 5:10

Na a kwamagɔ bǝ nǝb kiim Kwaamaɨ, ja dɔ kʊm bǝnɔ ja fɛka bǝn a gola bwaa Bʊla gɨɨ, la na nyǝn, na ja dɔ kʊm bǝnɔ ja fɛka bǝnɨ, bǝ bʊʊ bʊʊ a gola kʊlɨ gǝnɔ gǝm!

Roma 5:8

Kwaama a nʊng bǝn swɨtǝmɔ gǝ maa bǝm lɛɨ, nǝn kwama bǝ nǝb bwɨlangkɛlɨ, Kiristi a bʊla a kɛl dul bǝn.

Luka 18:18

Kaa nǝ dʊʊ nǝbɨɨ, a bʌ gǝn gɔ, “Feyi nyan, n wɛ mǝ maa lɛ sǝ n nya kʊlɨ nɨ mɨ dɨltǝm woi?”

Markus 10:17

Yesu a gun sǝ gǝ bǝla daa gɨɨ, nǝngɔ kaa balɨ a bɛ nǝn sʊgɔl ba jʊng a kǝga gǝnɨ, a bʌ gǝn gɔ, “Feyi nyan, n wɛ mǝ maa lɛ sǝ n nya kʊlɨ nɨ mɨ dɨtǝm woi?”

Matta 25:36

Nǝn kwama gɔ mǝ sǝlɨgǝn, jǝ́ dʊʊ mɨ dwang a bʊtɔ. Nǝn kwama gɔ mɨ mǝ kwamɨgǝn, jǝ́ tɔɔ ɨ. Nǝn kwama gɔ ja mal ɨ a lɔsomi, jǝ́ kǝsa ɨ.’

Matta 25:34

“Fɔlɔgɔ sʊwa sʊwa nǝb nɨ a kang jajǝng gǝnɨ gɔ, ‘Jǝ́ bɛ, nǝb nɨ Tɛtɛ mɨ a nǝ jen bwilii. Jǝ́ yo kʊla fɔlɔn lɔ nɨ ja fɛka jem nǝn tǝltǝm yooligɨɨ.

Afisa 1:7

N gola gǝn bǝ nya jǝgtǝm a dul tʊʊm gǝnɨ, bǝ nya kǝlǝmtǝm bwɨlangkɛltɨn a gola lǝma Kwaamaɨ a ladaɨ,

Matta 22:3

A twam jwaalɛb gǝnɔ gɔ ya ja jo nǝbɔ ga sʊwa ji kɛl kangwaalɔ ga swɨɨ ja bɛ. Ja kɔ bɛtǝmɔ.

Luka 22:20

A gul jatǝm jǝjalǝnɔ gǝm, nǝngɔ a do kʌshigɔ a sʊwa gɔ, “N swatǝm yaa tʊʊm mǝndɨ wʊnɨ ja tǝla a kɛl dul jeni.

Maajɨ Bɛtɔ Twamagɨɨ 20:32

“Kǝngkɔ n ya jen a kang Kwaamaɨ jǝbɔ kɛl lǝma gǝnɔ, wʊnɨ nǝn gɔ dwal lɛ a gung jeni, sǝ a nǝ jen kʊla jǝbɔ nǝb sagsagɔ gwam.

Galatiya 3:20

Nʊ nɨ a tɨbǝlɨ, gǝ nʊng a shu nǝl win. Kwaamagɔ win.

Ibranii 6:15

A dul kɛl nɨ, Ibrahim a kʊ nǝlɨ, nǝngɔ a yo yiitǝm swatǝm yaagɨɨ.

Ibranii 10:34

Jʊ a bwɨɨ, jǝ́ ji bʊnǝn nǝb nɨ a lɔsomii. Jǝ́ jǝla nǝn swɨtǝm nǝl jen nǝn kanjǝlɔ ja yem jemi, jʊ a bwɨɨ jǝ́ nyǝm jen nǝn kʊlagɔ a lada, wʊnɨ mɨ yemtǝm woi.