11 Na na maajɨ nǝbkǝlamɔ a dʊʊm Lawii gǝ dǝg dǝg nǝbɔ a yii dǝngdǝngɨ, (ji nɨ ja yo diilɔ a kang jini), na la n wɛ bǝ saa lɛ tagɨ, kaa nǝkǝla jelkalǝng Malkisadiki, wʊnɨ jǝ nʊng lɛ a yɔ bɔ dǝngdǝng jǝbɔ dʊʊm Harunaɨ?
Na na swatǝm yaa tɨkǝgagɔ a gɨya bɨɨ, na mɨ kaa gola saatǝm swatǝm yaa na yogɔ wo.
Mǝ kɔ bɔ lǝma Kwaamaɨ. Na na gola bwangtǝm diil nǝbɔ yǝlam nǝb dǝngdǝng lɛ a kǝga Kwaamaɨ, na Kiristi a bʊla nǝn kwan.
A gǝnɔ a yǝlam nǝkǝla nǝn wɛɛlɨ nǝn kwama Kwaama a sʊwa gǝn gɔ, “Tɛlalɔ a wɛɛl mɨsɔ fʌto kɛl gǝnɔ lɛ gɔ, ‘Mʊ n nǝkǝla, mɨ dɨtǝm wo.’ ”
Jʊ nɨ a jel a talɨ nyangnyang, a kwama nɨ kaa nǝkǝla a nʊng dul gǝnɔ na Malkisadiki.
Kanga a kaa daa a sʊwa gɔ, “Mʊ n nǝkǝla mɨ dɨtǝm wo, jelkalǝng Malkisadiki.”
Kǝngkɔ jǝ́ nyǝm Kwaamaɨ, mǝ sʊwa sʊwa mǝʊ Kwaama a nyǝm jen, n wɛ a bwɨ jǝ́ yǝla lɛ a jǝfʊlǝn nɨ mɨsɔ sɔl jem bʊnǝn nɛɨ, jǝ́ swɨ lɛ jǝ́ yǝlam bɛtɔ jwaalɛn jin tag ka?
N daa nɨ a kɛl dul bǝn Yesu a laa bǝn dɔtǝmɨ, a yǝlam dalɨ nǝkǝla nɨ mɨ dɨtǝm woi, jelkalǝng Malkisadiki.
Kwaama a jo gǝn gɔ dalɨ nǝkǝla, jelkalǝng Malkisadiki.
A na nyɔ a daa bǝn woi. Nǝn kwama Kiristi lǝga bɔ a bɛɨ, bǝ na na bɛtɨ, bǝ na a mʊgɔ jwaalɛn a jǝfʊlǝn yooli nɨ gǝm.
Jʊ a bwɨɨ, kwamagɔ Malkisadik a tǝga Ibrahimi, Lawi gǝ na a bʊtɔ Ibrahimi, lǝga bɔ ja bʌ gǝn dɨn, wʊnɨ n dʊʊm Ibrahimi.
Na ja fʌto dʊʊm nǝbkǝlamɨɨ, a yǝlam nyɔ jǝ fʌto fʌto diilɔ tǝgǝn.
Yesu nɨ nǝn sʊwa kɛl lɛ a dul gǝnɨ, gǝ na a kaa dʊʊm, wʊnɨ mɨ nʊ nɨ wo a dʊʊm jin a tǝla twama wo a daa twɨtǝm yulʌni.
Na nǝn kwama ja dɨ fɛkatǝm kanjǝlɔ na nɨɨ, sǝla nǝbkǝlamɔ ya dɔ kan na winɔ lɛ kwangkwang, ya ja maa maajɨ jinɔ lɛ na bǝlátǝm.
