Galatiya 6:1 - Dadiya NT

¹ Kambɔ, na jǝ́ nya kaa nǝl a mʊgɔ bwɨlangkɛlɨ, jen nɨ jǝ́ yii nǝn Yʊwa Kwaamaɨ, bɛ jǝ́ yǝla jǝ́ bɛ nǝn gɔ a mʊgɔ gola nya nǝn yʌbtǝm dul. Bɛ jen tʌjen jǝ́ dʌng dul jenɔ, kage jǝ́ nya tɛltǝm a maatǝm bwɨlangkɛl.

Galatiya 6:1 交叉引用

Roma 15:1

Bǝn nɨ bǝ kwam a nǝtǝm bɨlǝngkɛlɨ, bɛ bǝ do tuulogɔ, bǝ tɨka nǝb nɨ a kwam bɔ a nǝtǝm bɨlǝngkɛlɨ. Bǝ maa nyɔ sǝ bǝ fulo jim nǝl, ke bɔ dul bǝn.

2 Tasalonikaɨ 3:15

Bɛ ka jǝ́ do gǝn nɛ na fwalɨ kii. Bɛ jǝ́ gʊ gǝm lɔl, na kɨla jen.

2 Timoti 2:25

jǝbɔ nʊ nɨ dǝg nǝb kɔtǝm mɛlalɨ gǝnɔ lɛ a golaɨ. Kɛna Kwaama nǝ ji gola lɛ ja yǝla ja bǝla bwɨlangkɛl jinɔ, ja nyǝm bɨlǝngkɛlɨ.

1 Yohana 5:16

Na nǝl a kuwo kɨla gɔ maa bwɨlangkɛl nɨ lɛ a la bɔ bwaaɨ, bɛ ga maa gǝm keli. A kɛl dul nǝ keli nɨ, Kwaama nǝ nǝ kʊlɨ a nǝb nɨ maa bwɨlangkɛl nɨ lɛ a la bɔ bwaaɨ. Kaa bwɨlangkɛlɔ wo nɨ a la na bwaaɨ. Mǝ sʊwa bɔ mǝʊ jǝ́ maa keli a dul gǝn.

2 Korinti 2:7

Kǝngkɔ a bʊm nyɔ jǝ́ kǝlǝm gǝm, jǝ́ yʌb gǝm nǝl, kage fitǝm nǝl bwɨla a nɔɔ dul gǝnɔ.

Ibranii 12:13

“Jǝ́ fɛ golagɔ sɨn,” kage nʊ nɨ kenta lɛ kentaɨ a nya komʌn. Bɛ a nya gungtǝm.

1 Bitrus 3:15

A mʊgɔ nǝl jen, jǝ́ nǝ Kiristi dʊʊn na Tɛlalɔ. Kwangkwang jǝ́ yɨ nǝn fɛkalɨ, jǝ́ sʊwa nǝb nɨ gwam a bʌ jen yatǝm nǝlɔ jǝ́ nǝnɨ. Bɛ jǝ́ sʊwa ji nǝn yʌbtǝm dul jǝbɔ nǝtǝm dʊʊn.

Roma 14:1

A dul nʊ nɨ nǝtǝm bɨlǝngkɛl gǝnɔ a kwam bɨɨ, bɛ jǝ́ yo gǝn kangɔ yo yo. Ka jǝ́ gʊbka lɛ a dul jʊ nɨ nǝl gǝnɔ swɨ lɛɨ.

1 Korinti 10:12

Na gǝ na nyɨɨ, nʊ nɨ kuwo lɛ gɔ gǝ tɨɨ, bɛ ga nyǝm, kage ga yala.

1 Korinti 4:21

N wɛ jǝ́ jǝgǝmɨ? N bɛ jem nǝn dwam ka? N bɛ jem nǝn kǝga swɨkan jǝbɔ yʌbtǝm dul ka?

Yakubu 3:2

Pʌd bǝnɔ bǝ maa bwɨlangkɛl. Na kaa nǝl a maa bɔ bwɨlangkɛl a sʊwatǝm kɛlɨ, gɔ n nʊ nɨ dǝngdǝngɨ, dwal dwal a tɔɔ bʊtɔ gǝnɔ gwam.

2 Korinti 10:1

Mǝ Bulus nǝn kang mɨ mǝ kel jen nɛ nǝn shigtǝm dul jǝbɔ nǝl yʌbi a Kiristii. Nǝbɔ sʊwala lɛ gɔ mǝ nǝ taal na mǝ a kʊm jeni. Mǝ nǝ sʊwatǝm kɛl nǝn kwaan na n bǝla jeni.

Matta 9:13

Ya jǝ́ mɛla n wɛ jʊ nɨ nʊng lɛɨ, ‘A mǝndɨ n jitǝm bʊnǝn nǝbɨɨ mǝ saa lɛ a daa jen woi, n ke bɔ twɨtǝm yulʌn.’ N ke bɔ jotǝm nǝb dǝngdǝng mǝ bɛɨ, mǝ bɛ jotǝm nǝb bwɨlangkɛl.”

1 Korinti 14:37

Na kaa nǝl do dul gǝnɔ lɛ gɔ gǝ nǝkuwotǝmkǝgaɨ, na gǝ na nǝn nǝtǝm lǝma Yʊwaɨ, bɛ ga nyǝm, jʊ nɨ mǝ mʊla jem lɛɨ n diil a daagɔ Tɛlalɔ woi.

1 Korinti 7:5

Ka kaa win ya kɔ a wini lɛ, na ke bɔ nyɨɨ, bɛ a yǝlam nǝn jǝlatǝm a kʊm jen, ka kʊta lɛ, sǝ jǝ́ ja kǝga a mʊgɔ keli. Sǝ jǝ́ yǝla jǝ́ mʊrka, kage Mammɔ a tɛl jen a gola nɨ mɨsɔ bɛ lɛ nǝn tatǝm duli.

1 Korinti 2:15

Nʊ nɨ nǝn Yʊwaɨ, gǝ tɛl tɛl kanjǝlɔ gwam nǝn dʌmʌn. Gǝ nǝn kang gǝn mɨ nʊ nɨ gǝ tɛl gǝn nɛɨ.

Roma 8:6

Nǝl nɨ gǝ na a kanjǝl bʊtɔɨ, gǝ bɛ bɛ nǝn bwaa. Nǝl nɨ gǝ na a kanjǝl Yʊwaɨ, gǝ bɛ bɛ nǝn kʊlɨ jǝbɔ yɨm kwamɨgǝn.

Matta 11:29

Jǝ́ do maajɨ mǝndɨ kanga nɛɛgɔ a do tɨya kwɨlɔ sǝ a maa maajɨɨ. Jǝ́ mɛla a daa mǝ woi. Mǝ nǝ shig shig, mɨ mǝ nǝn gungtǝm dul, jǝ́ nya nya fǝbtǝm a nǝl jen.

Yakubu 3:13

Nʊ nɨ nǝn yʊlan jǝbɔ nyǝmtǝm a kʊm jeni, bɛ ga nʊng a gola yɨm nyan jǝbɔ maajɨ nyan. Bɛ ga maa nǝn yʌbtǝm dul, wʊnɨ jǝ nya lɛ a mʊgɔ yʊlanɨ.

Ibranii 13:3

Ya jǝ́ maa bʊʊlalɨ lɛ nǝn nǝb nɨ a lɔsomii, maamɔ ja bwa jen dakini jǝbɔ ji. Ya jǝ́ maa bʊʊlalɨ lɛ nǝn nǝb nɨ jǝ nǝ ji gaalan nɛɨ maamɔ nǝjen jǝ́ gʌ lɛɨ.

Galatiya 5:23

jǝbɔ shigtǝm dul, jǝbɔ tatǝm dul. Mɨ diil wo a maatǝm kanjǝl nɨɨ.

1 Korinti 3:1

Kambɔ, mɨsɔ maa lɛ n sʊwa jen kɛl na nǝb nɨ a mʊgɔ Yʊwaɨ. Mǝ sʊwa jen na nǝb nɨ nǝn bʊʊlalɨ nǝfitʌmi, na bɛtɔ fetʌn a bwangtǝm Kiristii.

Matta 26:75

Nǝngɔ Bitrus a bʊʊla nǝn kɛlɔ Yesu a sʊwa gǝn gɔ, “Mʊ kana kana nyǝmtǝm mǝndɨ naagɔ taal sǝla kwalɨ jangagɔ a ma kamɨ.” Nǝngɔ Bitrus a jel a yooli ya ji wigɔ nǝn bʊr nyɨɨ.

Matta 26:69

Nǝn kwama gɔ Bitrus yǝm a mʊgɔ talɨ lɔngɔ gǝm, nǝngɔ kaa bwɛnɔɔlɨ nɨ maa maajɨ lɛ a lɔgɨɨ, a bɛ a daa gǝ woi a sʊwa gǝn gɔ, “Mʊ tǝmʊn, mʊ na jǝbɔ Yesu, bwɛ Galilii nɨ!”

Galatiya 6:18

Kambɔ, bɛ lǝma Yesu Kiristii Tɛlalɔ bǝn, a kɨla kʊlɨ jenɔ. A daa nyɔ.

1 Tasalonikaɨ 4:1

A dɨltǝmɔ gǝmɨ kambɔ, nǝn kela jen nɛ, nǝn ga jem diil lɛ a kɛl Tɛlalɔ Yesui sʊwa lɛ gɔ, jǝ́ yɨ yɨm nɨ yɔ lɛ dǝngdǝng, jǝ́ fulo Kwaama gǝm nǝl, kanga jǝ́ mɛla a daa nǝn woi. Kanga jǝ́ maam lɛ kǝngkɨɨ, bɛ jǝ́ sʊtǝn maatǝmɔ nyɔ nǝn bɨlǝngǝn.

2 Korinti 2:8

Gǝ na nyɔ mǝ kela jen nɛ jǝ́ nʊng gǝn swɨtǝm jenɔ.