5 Kwaama a nǝ jen Yʊwa gǝnɔ, a maatǝm kanjǝl laatǝm kang a kʊm jen. Jǝ́ kuwo lɛ a maa nyɔ a gola diilɔ jǝ́ bwangtǝn nɛɨ ka? N ke bɔ a gola nǝtǝm bɨlǝngkɛl a jʊ jǝ́ nyʊwaɨ ka?
Na jǝ́ swɨ lɛ jǝ́ nyǝm jengɔ n kwaan Kiristii mǝ sʊwa kɛl nɨ lɛ nǝnɨ, bɨlǝngkɛlɔ n wɔ. Kiristi a gɨya bɔ gɨyaɨ a daagɔ jen woi, a nʊng kwaan gǝnɔ a mʊgɔ jen.
A dul kɛl nɨ Bulus jǝbɔ Barnaba ja yɨ wo a kʊta dangǝn. Jǝ kiyo kɛl Tɛlalɔɨ lɛ nǝn kwaan. Kwaama a nʊng gɔ kɛl nɨ ja sʊwa a kɛl dul lǝma gǝnɨ n bɨlǝngkɛl a gola nǝtǝm ji kwaan nʊngtǝm kanjǝl jǝbɔ maatǝm kanjǝl laatǝm kang.
Kwaama a maa daltɔ jǝ tatǝm kang a nyiyo jǝbɔ jǝ nʊngtǝm a mʊgɔ jen a gola mɨ. Mǝ maa kanjǝl nɨ nǝn bɨtǝm nǝl. Kanjǝl laatǝm kang nɨ a nʊng mǝ bwɛ twama nǝn bɨlǝngǝn.
Yʊwa Kwaamaɨ a nɨ ɨ kwaan maatǝm kanjǝl nʊngtǝm jǝbɔ kanjǝl tatǝm kang a nyiyo. Jʊ a ta a Urushalima a yɔ nǝn a Ilirikuni, n dɨɨ kiyotǝm fulon kɛl lǝmɨ Kiristii a daatɨn gɔ gǝm gwam.
A wini a nǝ gǝn lǝma na maatǝm jǝ laatǝm kang. A wini a nǝ gǝn lǝma na kuwotǝmkǝga. A wini a nǝ gǝn lǝma na nyǝmtǝm yʊwa nǝn dʌmʌn. A wini a nǝ gǝn lǝma na sʊwatǝm nyiyo nǝn dʌmʌn. A wini a nǝ gǝn lǝma na fɛtatǝm nyiyotɨn.
