Filibii 1:7 - Dadiya NT

⁷ N dǝngdǝng a daa mɨ woi ya n bʊʊla lɛ nǝn jen nyɔ gwam, jʊ a bwɨɨ n ya jen a nǝl mɨ. Na mǝ na a bwatǝmɨ, na mǝ na a kʌshitǝm fulon kɛl lǝmɨ nɨɨ, wʊnɨ mǝ nʊng jen nɛ n dǝngdǝngɨ, jǝ́ tǝga lǝma maajɨ Kwaamaɨ jǝbɔ mǝ.

Filibii 1:7 交叉引用

2 Korinti 7:3

Mǝ sʊwa bɔ jʊ nɨ sǝ n kal jen. N kwɛl n sʊwa jen sʊwaɨ mǝʊ, nǝn ya jen a nǝl nǝn, na n bwaaɨ, na n yɨm nǝn kʊlɨɨ mɨsɔ wʊlaka bǝn nɛ.

Filibii 1:5

Mǝ buu kang lɛ a yɔmɔ jǝ́ yɔ lɛ dakini jǝbɔ mǝ a watǝm fulon kɛl lǝmɨ nɨ, a tǝltǝm, a bɛ nǝn a dwiyeni.

2 Timoti 2:9

wʊnɨ mǝ nɔɔ gaalan nɛ a kɛl dul gǝnɨ. N jʊ a bwɨ ja bwa ɨ nǝn golman na nʊ nɨ maa bwɨlang kanjǝl lɛɨ, kɛl Kwaamaɨ a bwa bɔ bwaɨ.

Kolosii 4:18

Mǝ Bulus, nǝmǝ mǝ mʊla yaltǝm nɨ lɛ nǝn kang mɨɨ. Ka jǝ́ twab lɛ, ja bwa ɨ a lɔsomi. Bɛ lǝma Kwaamaɨ a yɨ jǝbɔ jen.

Filibii 4:14

Tɨkalɨgɔ jǝ́ maa mɨ nǝn kwama mǝ a mʊgɔ gaalanɨ, a bʊmbʊr.

Afisa 6:20

N dul fulon kɛl lǝmɨ nɨ mǝ do nyiyo gǝnɔ a mʊgɔ golmanɨ. Jǝ́ maa mɨ keli n kiyo fulon kɛl lǝmɨ nɨ mɨ nyʊwatǝm taal wo, kanga a bʊm na mǝ sʊwa lɛɨ.

Afisa 3:1

A dul kɛl nɨ, mǝ Bulus, mǝ bwɛ lɔsomi a kɛl dul Kiristi Yesui, sǝ n tɨka jen jǝ́ Bʌtʌbɔ.

Maajɨ Bɛtɔ Twamagɨɨ 20:23

N nyǝm Yʊwa Kwaamaɨ sʊwa ɨ lɛ a tuulɔtɨnɔ gǝm gwam gɔ, kubʌltǝmɔ wo a lɔsomi jǝbɔ nɔɔtǝm gaalan bwɨlagɔ yam ɨ lɛ.

1 Yohana 3:14

A bǝnɔ bǝ nyǝm bǝ kwɛl bǝ bʊʊ bwaagɔ gǝm, bǝ nya kʊlɨgɔ, jʊ a bwɨɨ bǝ swɨ kɛtǝlam bǝnɔ lɛ. Nʊ nɨ mɨ maa yɨm swɨkan nɛɨ, n yɨm bwaa yɨmɨ.

2 Bitrus 1:13

A kuwotǝm mɨ n dǝngdǝng na mǝ nǝn kʊlɨ a mʊgɔ bʊtɔ nɨɨ, ya mǝ nʊng jen nʊng a bʊʊlalɨ jen.

1 Bitrus 4:13

Na jǝ́ nɔɔ gaalan na Kiristii, bɛ jǝ́ maa fulotǝm nǝl, sǝ na nǝn kwama a yǝla a bɛ a mʊgɔ dʊʊlǝn gǝnɨ, jǝ́ maa maa fulotǝm nǝl tag.

Ibranii 3:1

A dul kɛl nɨ, kɛtǝlam sagsag, jen nɨ jǝ́ mʊrka dul jǝbɔ mǝ a jotǝm Kwaamaɨ, jǝ́ ya bʊʊlalɨ jenɔ win a daa Yesu woi, bwɛ twama jǝbɔ dalɨ nǝkǝla na nǝtǝm bɨlǝngkɛl nɨ bǝ yoi.

2 Timoti 1:8

A dul kɛl nɨɨ, ka ń nyʊwa lɛ gunidul nǝtǝm nyiyo a dul Tɛlalɔ bǝnɨ. Ka ń nyʊwa lɛ gunidul mǝndɨ, mǝ nɨ ja bwa ɨ bwa ɨɨ a lɔsomi a kɛl dul gǝnɨ. Bɛ ń mʊrka dul jǝbɔ mǝ a nɔɔtǝm gaalan a dul fulon kɛl lǝmɨ nɨ, a gola kwaan Kwaamaɨ.

1 Tasalonikaɨ 5:5

Jʊ a bwɨɨ, gwam jenɔ jǝ́ bɛtɔ lɔ nyalǝmɨ, jǝbɔ bɛtɔ lɔ kɔkɔgɨɨ. Bǝ ke bɔ a kum jǝbɔ kumtojili.

Kolosii 4:3

Jǝ́ kela Kwaama a wum nǝm gola nǝn sʊwa kɛl nɨ ja yʊ yʊɨ a dul Kiristii, wʊnɨ n kɛl dul gǝn ja bwa ɨɨ.

Afisa 4:1

Na bwɛ lɔsomi a dul Tɛlalɔɨ, mǝ kel jen nɛ jǝ́ yɨ yɨm nɨ yɔ lɛ dǝngdǝng kanga Kwaama a jom jeni.

Galatiya 5:6

Na bǝ na a daagɔ Yesu Kiristi woi, biyotǝm mwɛn jǝbɔ mɨ biyotǝm mwɛn wo, mɨ a nyiyo kaa jǝl. Nǝtǝm bɨlǝngkɛl jenɔ nɨ maa maajɨ swɨkan nɛɨ, nǝn gɔ a laa jǝlɨ.

2 Korinti 3:2

Jen nǝn dul jen nǝjen jǝ́ langǝn bwangǝn wanatǝm nǝnɨ, wʊnɨ ja mʊla a nǝl nǝnɨ, sǝ nǝbɔ gwam a nyǝm, ja kiyo.

1 Korinti 13:7

Swɨkanɔ gǝ dǝg dǝg bwatǝm nǝl kwangkwang, jǝbɔ jǝlakatǝm kwangkwang. Nǝngǝn nǝn yatǝm nǝl a kanjǝlɔ gǝm gwam kwangkwang, jǝbɔ kʊtǝm nǝl a kanjǝlɔ gǝm kwangkwang.

1 Korinti 9:23

Mǝ maa nyɔ gwam a dul fulon kɛl lǝmɨ nɨ sǝ n nya a mǝndɨ lǝmagɔ a mʊgɔ bwiligɔ gǝm.

Maajɨ Bɛtɔ Twamagɨɨ 21:33

Nǝngɔ dalɨ dʊʊ sʊwajaamɔ a ta Bulus a dǝg ja bwa gǝn nǝn golmanɔ yoi. Nǝngɔ a bʌ gɔ, “Nʊ nɨ nuwo? N wɛ a maaɨ?”

1 Bitrus 5:1

Mǝ kel jen nɛ jǝ́ nǝb dʊʊm bwangtǝmɔ a kʊm jeni, mǝ nɨ mǝ nǝ dʊʊ bwangtǝm na jeni, nǝ kuwotǝm nɔɔtǝm gaalan Kiristii, nʊ nɨ mʊrka dul gǝnɔ lɛ a dʊʊlǝn nɨ Kwaama nǝ bǝn nɛɨ. Mǝ nǝn jʊ nɨ mǝ sʊwa jen nɛɨ.

Filibii 1:12

Kambɔ, mǝ swɨ lɛ jǝ́ nyǝm, kanjǝl nɨ a bwɨ nǝn mɨɨ, nǝn gɔ a bɛ nǝn watǝm fulon kɛl lǝmɨgɨɨ.

Filibii 1:13

A dul jʊ nɨ, a yǝlam jǝ nʊngtǝm a daagɔ nǝb tɔɔtǝm lɔ fɔlɔgɔ woi jǝbɔ tangǝn nǝbɔ gwam, gɔ bwatǝm mǝndɨ n kɛl dul Kiristii.

Filibii 1:14

A kɛl dul bwatǝmɔ ja maa mɨɨ, kɔrɔ nǝb bwangtǝm wʊnɨ n kɛtǝlam mɨ a mʊgɔ Tɛlalɔɨ, ja jel nyangnyang jǝ sʊwa kɛl Kwaamaɨ lɛ mɨ taal wo.

Filibii 2:22

Jen jǝ́ nyǝm yɨm Timotii kanga nǝn maa maajɨ fulon kɛl lǝmɨ Kwaamaɨ dakinii, maamɔ n tɛ bwɛ jǝbɔ bʊla gɔ.

Filibii 4:3

Mʊ fwalɨ maajɨ mɨ, mǝ kela ń nɛ, bɛ ń tɨka nɔɔtǝm nɨ ja maa maajɨ jǝbɔ mǝ jǝbɔ Kilemas jǝbɔ tangǝn fatǝm maajɨ mǝndɨ a dul fulon kɛl lǝmɨ. Duntɨn jinɔ a mʊgɔ langǝn bwangǝn kʊlɨ.

Filibii 4:15

Jǝ́ nǝbɔ Filibii jǝ́ kwɛl jǝ́ nyǝm nǝn kang jen nǝn kwama mǝ tǝlǝm kiyotǝm fulon kɛl lǝmɨ nɨ a Makidoniyaɨ, nǝn kwama mǝ bǝlam daa gɨɨ, mɨ nǝn kaa mʊrkalɨ nǝb bwangtǝm Kwaamaɨ nɨ a maa mɨ tɨkalɨɨ, na ke bɔ jeni.

Filimon 1:13

Na mǝ swɨ swɨ n ta gǝn a daa mɨ woi, sǝ a do nyiyo mʊnɔ a mʊgɔ tɨkalɨ mǝndɨ, nǝn kwama ja bwa ɨ a mʊgɔ lɔsomi a dul fulon kɛl lǝmɨɨ.