Dʊgam Nyangnyang 8:2 - Dadiya NT

² Nǝngɔ la mǝ kuwo bɛtɔ twama Kwaamaɨ nɨ nʌbʌli jǝ tɨm a kǝga Kwaamaɨ, ja nǝ ji jumtɨnɔ nʌbʌl.

Dʊgam Nyangnyang 8:2 交叉引用

Dʊgam Nyangnyang 11:15

Nǝngɔ bwɛ twama Kwaamaɨ na nʌbʌlɔ a guu jum gǝnɨ. Nǝngɔ ja nyʊwa kaam diiltɨn nǝn kwaan a dʌbʌl kwama sʊwa lɛ gɔ, “Fɔlɔn yooli nɨ a yǝlam fɔlɔn Tɛlalɔ bǝnɨ jǝbɔ a Kiristi gǝnɨ, nǝn gɔ maa fɔlɔn nɛ mɨ dɨltǝm woi.”

Luka 1:19

Nǝngɔ bwɛ twama Kwaamaɨ a jǝla gǝn gɔ, “Nǝmǝ mǝ Jibrailu! Mǝ tɨ a kǝga Kwaamaɨ, nǝngɔ a twam ɨ gɔ ba n sʊwa ń fulon kɛl lǝmɨ nɨɨ.

Dʊgam Nyangnyang 8:6

Nǝngɔ la bɛtɔ twama Kwaamaɨ nɨ nʌbʌli, nǝb nɨ nǝn jumtɨnɔ nʌbʌli, ja fɛka guutǝm jum jini.

Matta 18:10

“Bɛ jǝ́ nyǝm, ka jǝ́ soga lɛ kaa win a mʊgɔ bɛtɔ dwalǝn nɨ, jʊ a bwɨ mǝ sʊwa jen jʊ nɨ lɛɨ, bɛtɔ twama jinɔ a dʌbʌl kwamaɨ, kwangkwang jǝ dʌng kǝga Tɛtɛ mɨɨ nɨ lɛ a dʌbʌl kwamaɨ. [

Dʊgam Nyangnyang 16:1

Nǝngɔ mǝ nyʊwa kaa diil nǝn kwaan a mʊgɔ Kan Kwaamanɨ, sʊwa bɛtɔ twama Kwaamaɨ nɨ lɛ nʌbʌli gɔ, “Jǝ́ yɔ jǝ́ sʊtam taasatɨn nɨ nʌbʌl na nabwɨl Kwaamaɨ a yooli.”

Dʊgam Nyangnyang 15:1

Nǝngɔ mǝ kuwo kaa jǝ nʊngtǝm a dʌbʌl kwamaɨ. A tɛɛna nyɔ. N jǝ tatǝm kang a nyiyo. Kanjǝl nɨ mǝ kuwoi n bɛtɔ twama Kwaamaɨ nɨ nʌbʌli, nǝn gaalan bwɨlantɨnɔ nʌbʌli. N gaalan bwɨlantɨnɔ a dɨltǝmɔ gǝmɨ, jʊ a bwɨɨ nabwɨl Kwaamaɨ a dɨl nǝn ji.

Matta 24:31

Twam twam bɛtɔ twama gǝnɔ sǝ ja guu jum nɨ nǝn diil dʊʊn, sǝ ja mʊr nǝb nɨ ja jǝgamɨ, jʊ a tǝl a twal a bɛ nǝn a diyengi, jǝbɔ gǝlalǝng a bɛ nǝn a gwilʌngi, jʊ a tǝl a dʌbʌl kwama a yɔ nǝn a kaa gwanga a dʌbʌl kwamaɨ.

Luka 21:36

Jǝ́ yɨ nǝn fɛkalɨ. Jǝ́ kela Kwaamagɔ lɛ kwangkwang, sǝ jǝ́ nya kwaan bʊʊtǝm a kanjǝl nɨ bwɨ lɛ a kǝgaɨ, sǝ jǝ́ tɨ nǝn fulotǝm nǝl a kǝga Bʊla Nǝlɨ.”

1 Korinti 15:52

Bwɨ bwɨ nyɔ tʌgo a kang, na kʊmtǝm nu, a nyʊwatǝm guutǝm jum na gulɔ. Jǝ guu guu jumɔ, Kwaama gung gung nǝbɔ a bʊlalaɨ nǝn bʊtɔ nɨ mɨsɔ bʊta lɛ woi. Kwaama fʌto fʌto bʊtɔ bǝnɔ.

1 Tasalonikaɨ 4:16

Jʊ a bwɨɨ Tɛlalɔ nǝn dul gǝn gǝla gǝla a dʌbʌl kwama nǝn jotǝm jangajǝng nǝn kwaan, jǝbɔ diil dalɨ bwɛ twama Kwaamaɨ jǝbɔ guutǝm jum Kwaamaɨ. Nǝb nɨ a bʊla a mʊgɔ Kiristii, nǝji jǝ tǝl guntǝmɔ lɛɨ.

Dʊgam Nyangnyang 1:4

A daagɔ Yohana woi a yɔ nǝn a mʊrkalɨ nǝb bwangtǝm Kwaamaɨ nɨ daatɨnɔ nʌbʌl a tǝm Asiyaɨ. Bɛ lǝmagɔ jǝbɔ yɨm kwamɨgǝnɔ a ta tʌgo gwanggwang a daa jen woi, a daagɔ Kwaama woi, nʊ nɨ wo kǝngkɨɨ, nǝn gɔ galɨgǝnɨ, nǝn gɔ a kǝga nɨ, jǝbɔ daagɔ yʊwatɨnɔ nʌbʌl a kǝga kotere fɔlɔn gǝnɨ,

Dʊgam Nyangnyang 8:13

Nǝngɔ mǝ dʌngi, n nyʊwa kaa gʌtʌb shu lɛ a dʌbʌl kwama sʊwa lɛ nǝn diil dʊʊn gɔ, “N mwɛ jen! N mwɛ jen! N mwɛ jen jǝ́ nǝb yɨm yooli nɨɨ, nǝn jʊ bwɨ lɛɨ, na bɛtɔ twama Kwaamaɨ nɨ taalɨ, a guu jum jini.”

Dʊgam Nyangnyang 9:1

Bwɛ twama Kwaamaɨ na nʊgɔ a guu jum gǝnɨ, nǝngɔ mǝ kuwo kaa nyanyamɨ a dʌbʌl a gǝla a yal a tǝmɨ. Ja nǝ nyanyamɨ nɨ jǝ wumtǝm bʊwa nɨ mɨ dɨltǝm woi.