Dʊgam Nyangnyang 4:5 - Dadiya NT

⁵ A daa kotere fɔlɔn nɨ kwamagɔ beta lɛ, kunnyiyogɔ ga lɛ, diilɔ mwɛla lɛ. A kǝga kotere fɔlɔn nɨ tag, kʊʊnɨ kǝlagɔ wo nʌbʌl ja lɛ, nǝn gɔ Yʊwatɨn Kwaamaɨ nʌbʌli.

Dʊgam Nyangnyang 4:5 交叉引用

Dʊgam Nyangnyang 11:19

Nǝngɔ ja wum Kan Kwaaman Kwaamaɨ wʊnɨ a dʌbʌl kwamaɨ. Ja kuwo kwaati swatǝm yaa gǝnɔ a mʊgɔ Kan Kwaamanɨ. Kwamagɔ beta lɛ, kunnyiyogɔ ga lɛ, diilɔ mwɛla lɛ, tǝmɔ mǝga lɛ, daltɔ tɛl kwamanɔ tǝla lɛ.

Dʊgam Nyangnyang 8:5

Nǝngɔ bwɛ twama Kwaamaɨ a do taasa nɨɨ, a yii nǝn kǝla a daa twɨtǝm yulʌni. A wa a yooligɔ gǝm gwamɨ, nǝngɔ kunnyiyogɔ ga lɛ, diilɔ mwɛla lɛ, kwamagɔ beta lɛ, tǝmɔ mǝga lɛɨ.

Dʊgam Nyangnyang 1:4

A daagɔ Yohana woi a yɔ nǝn a mʊrkalɨ nǝb bwangtǝm Kwaamaɨ nɨ daatɨnɔ nʌbʌl a tǝm Asiyaɨ. Bɛ lǝmagɔ jǝbɔ yɨm kwamɨgǝnɔ a ta tʌgo gwanggwang a daa jen woi, a daagɔ Kwaama woi, nʊ nɨ wo kǝngkɨɨ, nǝn gɔ galɨgǝnɨ, nǝn gɔ a kǝga nɨ, jǝbɔ daagɔ yʊwatɨnɔ nʌbʌl a kǝga kotere fɔlɔn gǝnɨ,

Dʊgam Nyangnyang 5:6

Nǝngɔ mǝ kuwo kaa Bɛ Gal tɨm a tɨbǝl kotere fɔlɔnɨ. A kang gǝnɨ, n kanjǝl nɨ naal nǝn kʊlɨɨ jǝbɔ daltɔ dʊʊmɔ. Bɛ Gal nɨ maamɔ ja biyo biyo. Nǝngǝn nǝn jumtɨnɔ nʌbʌl jǝbɔ nutɨnɔ nʌbʌl, wʊnɨ Yʊwatɨn Kwaamaɨ nʌbʌl ja twam a yooli nɨ pʌd gwamɨ.

Dʊgam Nyangnyang 3:1

“Bɛ ń mʊla bwɛ twama Kwaamaɨ nɨ a mʊrkalɨ nǝb bwangtǝm Kwaamaɨ nɨ a Sardisui gǝm nyɔ, “Kɛl nɨ nǝn gɔ n twamagɔ a daagɔ nʊ nɨ maa fɔlɔn lɛ nǝn yʊwatɨn Kwaamaɨ nʌbʌli, jǝbɔ nyanyamɨtɨn nɨ nʌbʌli. N nyǝm maajɨ mʊnɔ. Jǝ kuwo ń nɛ gɔ mʊ nǝn kʊlɨ, mɨ nyǝmatǝm wo mʊ na na bʌlʌn.

Maajɨ Bɛtɔ Twamagɨɨ 2:3

Nǝngɔ kaam kanjǝl na ben kǝlatɨn, a gǝla a kwɨya tʌgo a dul jinɔ gǝm win wini.

Matta 3:11

“Mǝ yʊ jen mwɛ sagsagɔ nǝn mwɛ sǝ a nʊng jǝ́ yǝla jǝ́ bǝla bwɨlangkɛl jenɔ. Kaa nǝl bɛ lɛ a gul mɨ, a laa ɨ dʊʊn. Twam gǝnɔ mǝ la bɔ n do. Yʊ jen yʊ mwɛ sagsagɔ nǝn Yʊwa Kwaamaɨ jǝbɔ kǝla.

Matta 25:1

“Fɔlɔn lɔ Kwaamaɨ jǝ mʊrka gǝn na bɛtǝnɔɔtǝn nɨ kʊbɨ, wʊnɨ ja wɔɔ fitila jinɔ gɔ ya jǝ tǝga balɨ nɨ a naa nɔɔlɨɨ.

Dʊgam Nyangnyang 10:3

A jo jangajǝng nǝn diil nǝn kwaan na tulʌm nɨ yʊʊl lɛɨ. A jo jangajǝngɨ, nǝngɔ kunnyiyotɨn nɨ nʌbʌli a bwangtǝnɨ.