Dʊgam Nyangnyang 4:4 - Dadiya NT

⁴ Kaam kotere fɔlɔntɨnɔ wo fʊltiyo jeli naal jǝbɔ daltɔ dʊʊmɔ fʊltiyo jeli naal yǝmam a dul jin, ja kangǝm kotere fɔlɔn dʊʊnɔ. Ja dʊʊ dwang fulontɨn jǝbɔ dwang dul mʊn a dul jinɔ gǝm.

Dʊgam Nyangnyang 4:4 交叉引用

Dʊgam Nyangnyang 11:16

Nǝngɔ daltɔ dʊʊm nɨ fʊltiyo jeli naal yǝm a dʌbʌl kotere fɔlɔn jinɔ gǝm a kǝga Kwaamaɨ, ja gǝla ja jʊng a kǝga gǝn ja maa Kwaama gǝm bǝlátǝmɨ.

Matta 19:28

Yesu a sʊwa ji gɔ, “N bɨlǝngǝn mǝ sʊwa jen nɛɨ, yooligɔ bɛ lɛ wo, n kwama Bʊla Nǝlɨ yɨm lɛ a kotere fɔlɔn dʊʊn gǝn a maa fɔlɔnɨ, jen nɨ jǝ́ bwang mɨɨ, nǝjen jǝ́ yɨ lɛ a kotere fɔlɔn nǝbɔ Israilaɨ nɨ kʊb jeli yoi. Jǝ́ maa maa fɔlɔn nǝbɔ Israilaɨ nɨ kʊb jeli yoi.

Dʊgam Nyangnyang 4:10

daltɔ dʊʊm nɨ fʊltiyo jeli naalɨ, ja jʊng a kǝga nʊ nɨ yǝm a dʌbʌl kotere fɔlɔnɨ, nʊ nɨ nǝn kʊlɨ mɨ dɨltǝm woi, jǝ maa gǝm bǝlátǝm lɛ. Ja ya dwang dul fɔlɔn jinɔ tag a kǝga kotere fɔlɔn nɨ, jǝ ma nafɨ lɛ jǝ sʊwa lɛ gɔ,

Dʊgam Nyangnyang 7:11

Bɛtɔ twama Kwaamaɨ gwam jǝ tɨlam ja kangǝm kangǝmɨ kotere fɔlɔnɔ, jǝbɔ daltɔ dʊʊmɔ jǝbɔ kanjǝl nɨ naal nǝn kʊlɨɨ. Ja jʊng a kǝga kotere fɔlɔn nɨ ja bǝlá Kwaamagɔ.

Dʊgam Nyangnyang 20:4

Nǝngɔ mǝ kuwo kaam kotere fɔlɔnɔ, jǝbɔ nǝb nɨ ja nǝ ji fɔlɔn biyotǝm borangɨ yǝmam a dul jin. N kuwo kʊlɨ nǝb nɨ ja betam dultɨn jini, a kɛl nǝtǝm nyiyo a dul Yesui jǝbɔ kɛl Kwaamaɨ. Nǝji ja nǝ bɔ yʊwal bwɨla nɨ bǝlátǝm jǝbɔ bawilom gǝnɨ, ja yo bɔ kwatɨ a tɛkǝga jǝbɔ kangtɨn jinɔ. Ja fulo, ja maa fɔlɔn jǝbɔ Kiristi a yɔ nǝn jolɔ fʊlkʊblǝn.

Dʊgam Nyangnyang 5:14

Nǝngɔ kanjǝl nɨ naal nǝn kʊlɨ jǝ sʊwa lɛ gɔ, “A daa nyɔ!” Nǝngɔ daltɔ dʊʊm nɨ a gǝla jʊng ja maa bǝlátǝmɨ.

Dʊgam Nyangnyang 5:8

Nǝn kwama a dem langǝn bwangǝn nɨɨ, kanjǝl nɨ naal nǝn kʊlɨɨ, jǝbɔ daltɔ dʊʊm nɨ fʊltiyo jeli naalɨ, ja jʊng a kǝga Bɛ Gal nɨɨ. Pʌd jinɔ ja ta gǝlǝnggǝlǝngɔ a kang jǝbɔ taasatɨn mʊnɔ a yii nǝn kanjǝl twɨtǝm nɨ nǝn kunʌn lǝmɨɨ, wʊnɨ nǝn gɔ n keli nǝb sagsagɨɨ.

Luka 22:30

sǝ jǝ́ ja, jǝ́ nɔɔ jǝbɔ mǝ a fʌlen a mʊgɔ fɔlɔn lɔ mɨ, jǝ́ yɨ a kotere fɔlɔn, jǝ́ maa fɔlɔn nyatɨnɔ kʊb jeli yoi, a nǝbɔ Israilaɨ.

2 Timoti 4:8

Tangǝnɔ a bǝlaɨ n nyatǝm dwang dul maajɨ dǝngdǝng, wʊnɨ ja fɛka mɨɨ, wʊnɨ Tɛlalɔ, nǝ maatǝm borang dǝngdǝngɔ nɨ ɨ lɛ nǝn kɔkɔ dɨltǝmɨ. Ke bɔ mǝ kwaamɨ, pʌd jǝbɔ nǝb nɨ ya nǝl lɛ a bɛtǝm gǝnɔ gǝmɨ.

Dʊgam Nyangnyang 19:4

Nǝb dʊʊm nɨ fʊltiyo jeli naalɨ jǝbɔ kanjǝl nɨ naal nǝn kʊlɨɨ, ja jʊng jǝ bǝlá Kwaamagɔ lɛ, wʊnɨ yǝm a kotere fɔlɔnɨ. Jǝ sʊwa lɛ gɔ, “A daa nyɔ, Jǝ́ bǝlá Kwaamagɔ!”

Dʊgam Nyangnyang 7:9

A gul jʊ nɨ mǝ dʌngi, n kuwo kaa kʌm mʊrkalɨ nǝbɨɨ, wʊnɨ a shu kwaan kiyotǝmɨ. Ja bɛ a bǝlǝntǝmɔ gǝm gwam, jǝbɔ Bʌtʌbɔ gwam, jǝbɔ nyiyotɨnɔ gwam, jǝbɔ nǝbɔ gwam. Jǝ tɨlam a kǝga kotere fɔlɔn nɨ jǝbɔ kǝga Bɛ Gal nɨ. Jǝ tɨlam nǝn dwang malǝng fulontɨn. Ja ta langǝn kutʌshelʌnɔ a kangtɨn jinɔ gǝm.

Dʊgam Nyangnyang 19:14

Sʊwajaamtɨnɔ a dʌbʌl kwamaɨ bwang gǝm lɛ a dʌbʌl tʊwa fulontɨn. Ja dʊʊ dʊʊl nǝn lilin nyan a fulo nǝn fǝbfǝb nyɔ.

Dʊgam Nyangnyang 6:11

Nǝngɔ ja tǝga ji bɛllɛ fulontɨnɔ gwam jini. Nǝngɔ ja sʊwa ji gɔ ja fǝb dǝm, a yɔ nǝn a kwama nɨ ja yii dǝngdǝng ladatǝm fatǝm nǝb bwangtǝm jini, kɛtǝlam jinɔ, tangǝn nǝbɔ wo jǝ jʌbo lɛɨ kanga ja jʌbo jii.

Dʊgam Nyangnyang 9:7

Swalɨtɨn nɨ a jelka tʊwa tatǝm kunɔ nyɔ ja fɛka tatǝm kuni. A dul jinɔ gǝmɨ, ja dʊʊ kaam kanjǝl maamɔ dwang dul mʊn. Kǝga jinɔ maamɔ kǝga nǝfitʌmi.

Dʊgam Nyangnyang 2:10

Bɛ ka ń nyʊwa lɛ taal gaalan nɨ bɛ mʊn nɛɨ. N wɔ Mammɔ maa fɛkalɨ lɛ sǝ a tʊng kaam jenɔ a mʊgɔ lɔsomi sǝ a tɛl jen. Mʊ nyʊwa nyʊwa gaalan na kumɔ kʊb. Bɛ ń ta swatǝm yaa na jǝ jʌ ń jʌ ńi. Mǝ nǝ ń nǝ ń dwang dul kʊlɨ.

Dʊgam Nyangnyang 3:18

A dul kɛl nɨ mǝ nǝ ń nyiyo lɛ, bɛ ń ten mʊnɔ a daa mɨ woi, wʊnɨ ja saalǝm nǝn kǝlaɨ, sǝ ń yǝlam nǝ shilo. Bɛ ń ten dwang fulontɨnɔ mʊ dʊʊ lɛɨ tag, sǝ ń sɔm kʊnkʊn mʊnɔ nǝn, kage ń nyʊwa gunidul. Bɛ ń ten nwang waatǝmɔ a nu, sǝ ń nya kuwotǝm daa.

Dʊgam Nyangnyang 4:6

A kǝga kotere fɔlɔn nɨ kaa jǝl wo beta lɛ nǝn wʊlǝb wʊlǝb nyɔ na bwaala a kʌng wɨmaɨ. A fulo nǝn fǝbfǝb nyɔ na tɛl kwasɨn. A kangǝm kotere fɔlɔn nɨ, kaam kanjǝl wo naal nǝn kʊlɨ, bʊtɔ jinɔ n nutɨn gwam, kǝga jǝbɔ gul.

Dʊgam Nyangnyang 5:6

Nǝngɔ mǝ kuwo kaa Bɛ Gal tɨm a tɨbǝl kotere fɔlɔnɨ. A kang gǝnɨ, n kanjǝl nɨ naal nǝn kʊlɨɨ jǝbɔ daltɔ dʊʊmɔ. Bɛ Gal nɨ maamɔ ja biyo biyo. Nǝngǝn nǝn jumtɨnɔ nʌbʌl jǝbɔ nutɨnɔ nʌbʌl, wʊnɨ Yʊwatɨn Kwaamaɨ nʌbʌl ja twam a yooli nɨ pʌd gwamɨ.

Dʊgam Nyangnyang 5:11

Nǝngɔ mǝ dʌngi, nǝngɔ mǝ nyʊwa diil bɛtɔ twama Kwaamaɨ a lada nyɨɨ, ladatǝm jinɔ a la fʊlkʊblǝntɨn a yɔ nǝn a fʊlkʊblǝntɨn, fʊlkʊblǝn kʊb naagɔ fʊlkʊblǝn kʊb. Ja kangǝm kotere fɔlɔnɔ jǝbɔ kanjǝl nɨ nǝn kʊlɨɨ jǝbɔ daltɔ dʊʊmɔ.

Dʊgam Nyangnyang 14:3

Jǝ ma kaa nafɨ fɨ lɛ a kǝga kotere fɔlɔnɔ gǝm jǝbɔ kǝga kanjǝl nɨ naal nǝn kʊlɨɨ, jǝbɔ kǝga daltɔ dʊʊm nɨ. Mɨ nǝn nʊ nɨ nyǝm mɛlatǝm nafɨ nɨ lɛɨ na ke bɔ nǝb nɨ fʊlkʊblǝnɔ fʊlkʊb jǝbɔ fʊltǝnaal jeli naalɨ (144,000), wʊnɨ ja ten ji a yooli nɨɨ.