Dʊgam Nyangnyang 4:1 - Dadiya NT

¹ A gul jʊ nɨ mǝ yǝla mǝ dʌngi, nǝngɔ mǝ kuwo kaa nyanga kan a wumo wumoi a dʌbʌl kwamaɨ. Diil nɨ mǝ nyʊwa nǝn tɨkǝga wʊnɨ a maa na guutǝm jumi a sʊwa ɨ gɔ, “Gwi fɔ, sǝ n nʊng ń jʊ nɨ bwɨ lɛ a gul nɨ gǝmɨ.”

Dʊgam Nyangnyang 4:1 交叉引用

Dʊgam Nyangnyang 11:12

Nǝngɔ nǝbkuwotǝmkǝga nɨ yoi ja nyʊwa kaa diil nǝn kwaan a dʌbʌl kwama sʊwa ji lɛ gɔ, “Jǝ́ gwi fɔ!” Nǝngɔ ja shu a dʌbʌl kwama a mʊgɔ luli. Nǝb kiim jinɔ kuwo ji lɛ.

Dʊgam Nyangnyang 1:19

“Bɛ ń mʊla kanjǝl nɨ mʊ kuwoi, jǝbɔ kanjǝl nɨ wo kǝngkɨɨ, jǝbɔ kanjǝl nɨ bɛ lɛ a kǝgaɨ.

Dʊgam Nyangnyang 1:10

Nǝn di kɔkɔ bǝlátǝm Tɛlalɔɨ, mǝ na a mʊgɔ Yʊwa. Nǝngɔ mǝ nyʊwa kaa diil nǝn kwaan na guutǝm jum a gul mɨɨ.

Markus 1:10

Kwama nɨ Yesu jelʌm lɛ a mʊgɔ mwɛɨ, nǝngɔ a kuwo kwamagɔ a wumoi, a kuwo Yʊwa Kwaamaɨ gǝla lɛ na kumfiyo a dul gǝnɨ.

Dʊgam Nyangnyang 22:6

Nǝngɔ bwɛ twama Kwaamaɨ a sʊwa ɨ gɔ, “Kɛltɨn nɨ mʊ nyʊwaɨ, n bɨlǝngǝn, bɛ ń ya nǝl wo. Tɛlalɔ, Kwaama wʊnɨ a nǝ nǝbkuwotǝmkǝgagɔ Yʊwa gǝnɨ, a twam bwɛ twama gǝnɔ sǝ a nʊng bɛtɔ jwaalɛn gǝnɔ gɔ kanjǝl nɨ mɨ nyǝmatǝm wo bwɨ bwɨ mɨsɔ kʊta lɛ.”

Dʊgam Nyangnyang 16:17

Nǝngɔ bwɛ twama Kwaamaɨ na nʌbʌlɔ a sʊtam jʊ nɨ a mʊgɔ taasa gǝnɨ a dʌbʌl kwamaɨ. Nǝngɔ ja nyʊwa kaa diil nǝn kwaan jel lɛ a daagɔ kotere fɔlɔnɔ woi a mʊgɔ Kan Kwaaman sʊwa lɛ gɔ, “A dɨɨ!”

Maajɨ Bɛtɔ Twamagɨɨ 7:56

Nǝngɔ Istifanus gɔ, “Dʌng, n kuwo dʌbʌlɔ a wumo, jǝbɔ Bʊla Nǝlɨ tɨm a kang jajǝng Kwaamaɨ.”

Yohana 16:13

Nǝn kwama Yʊwa bɨlǝngkɛl nɨ bɛm lɛɨ, wʊnɨ nʊng jen bɨlǝngkɛl lɛ a dul Kwaamaɨ, bwangtǝn bwang nǝn jen a dul bɨlǝngkɛlɔ gǝm gwam. Ke bɔ nǝn fɔlɔn gǝn sʊwa kɛl lɛɨ, sʊwa jen kanjǝl nɨ a nyʊwaɨ, jǝbɔ kanjǝl nɨ bwɨ lɛɨ.

Luka 3:21

Kwama nɨ ja yʊm nǝbɔ mwɛ sagsagɔ gwamɨ, nǝngɔ la ja yʊ Yesu tǝgǝnɨ. Maa keligɔ lɛɨ, nǝngɔ dʌbʌlɔ a wumoi.

Maajɨ Bɛtɔ Twamagɨɨ 10:11

A kuwo dʌbʌlɔ a wumo, kaa jǝl gǝla lɛ na dalɨ dwang kwabtǝm, jǝ shig lɛ a tǝm, kanǝnɔ naal.

Matta 3:16

Kwama Yohana a yʊm Yesu mwɛ sagsagɨɨ, kanga gǝ jel lɛ a mʊgɔ mwɛmɔ gǝmɨ, nǝngɔ dʌbʌl kwamagɔ a wumoi, nǝngɔ a kuwo Yʊwa Kwaamaɨ gǝla lɛ a dul gǝn na kumfiyoi, a gǝla a yɨ a dul gǝnɨ.

Dʊgam Nyangnyang 1:12

Mǝ yǝla sǝ n kuwo diil nɨ sʊwa ɨ kɛl lɛɨ, yǝlatǝm mǝndɨ nǝngɔ mǝ kuwo daatɨn swatǝm fitila mʊntɨnɔ nʌbʌli.

Dʊgam Nyangnyang 11:19

Nǝngɔ ja wum Kan Kwaaman Kwaamaɨ wʊnɨ a dʌbʌl kwamaɨ. Ja kuwo kwaati swatǝm yaa gǝnɔ a mʊgɔ Kan Kwaamanɨ. Kwamagɔ beta lɛ, kunnyiyogɔ ga lɛ, diilɔ mwɛla lɛ, tǝmɔ mǝga lɛ, daltɔ tɛl kwamanɔ tǝla lɛ.

Dʊgam Nyangnyang 19:11

Nǝngɔ mǝ kuwo dʌbʌlɔ a wumoi. Mǝ kuwo kaa tʊwa fuloi! Nǝ gwitǝm gǝnɔ jǝ jo gǝn gɔ Nǝ yiitǝm swatǝm yaa jǝbɔ Nǝ bɨlǝngkɛl. Gǝ biyo borang gǝnɔ dǝngdǝng, ta kun nyan nɛ.