Dʊgam Nyangnyang 3:1 - Dadiya NT

¹ “Bɛ ń mʊla bwɛ twama Kwaamaɨ nɨ a mʊrkalɨ nǝb bwangtǝm Kwaamaɨ nɨ a Sardisui gǝm nyɔ, “Kɛl nɨ nǝn gɔ n twamagɔ a daagɔ nʊ nɨ maa fɔlɔn lɛ nǝn yʊwatɨn Kwaamaɨ nʌbʌli, jǝbɔ nyanyamɨtɨn nɨ nʌbʌli. N nyǝm maajɨ mʊnɔ. Jǝ kuwo ń nɛ gɔ mʊ nǝn kʊlɨ, mɨ nyǝmatǝm wo mʊ na na bʌlʌn.

Dʊgam Nyangnyang 3:1 交叉引用

1 Timoti 5:6

Nɔɔkʊla nɨ nyʊwa lǝma yɨm dul gǝn nɛɨ, win jǝbɔ nʊ nɨ a bʊla bʊlaɨ.

Yakubu 2:26

Kanga bʊtɔ nǝlɨ mɨ nǝn kʊlɨ n bʌlʌni, nǝtǝm bɨlǝngkɛl nɨ mɨ nǝn maajɨ nyantɨnɨ, gǝ na na bʌlʌn.

Dʊgam Nyangnyang 1:4

A daagɔ Yohana woi a yɔ nǝn a mʊrkalɨ nǝb bwangtǝm Kwaamaɨ nɨ daatɨnɔ nʌbʌl a tǝm Asiyaɨ. Bɛ lǝmagɔ jǝbɔ yɨm kwamɨgǝnɔ a ta tʌgo gwanggwang a daa jen woi, a daagɔ Kwaama woi, nʊ nɨ wo kǝngkɨɨ, nǝn gɔ galɨgǝnɨ, nǝn gɔ a kǝga nɨ, jǝbɔ daagɔ yʊwatɨnɔ nʌbʌl a kǝga kotere fɔlɔn gǝnɨ,

Kolosii 2:13

Jǝ́ bʌlʌn, jʊ a bwɨɨ jǝ́ nǝb bwɨlangkɛl. Jǝ́ bʌlʌn, jʊ a bwɨɨ ja dem jem bɔ bʊtɔ bwɨlangkɛl jenɔ. Kwaama a fɛ jen nǝn kʊlɨ jǝbɔ Kiristi. A kǝlǝm bǝm bwɨlangkɛl bǝnɔ gwam.

Yahuza 1:12

Nǝb nɨ a maa na jǝ bwɨla a kʊm mʊrkalɨ jen, jen nɨ jǝ́ ja jǝjalǝn nɛ dakinii. Jǝ ja lɛ, jǝ nɔɔ lɛ dakini jǝbɔ jen mɨ taal wo, mɨ gunidul wo. Jǝ dʌng dul jin kwaaji. Jǝ mwɛ nɨ a fii, a swiyo bɔ, yʊwagɔ a kwɨmɨ. Ja maa na tɨya nɨ mɨ tʊʊ tʊʊl lɛ nǝn kwama tʊʊl jini. Ja bʊlam nǝn pʌd mǝ ja kubom ji kubom.

Dʊgam Nyangnyang 2:19

N nyǝm maajɨ mʊnɔ, jǝbɔ swɨkan mʊnɔ, jǝbɔ nǝtǝm bɨlǝngkɛl mʊnɔ, jǝbɔ tɨkalɨ nǝbɨɨ, jǝbɔ kʊtǝm nǝl mʊnɔ. N nyǝm maajɨ mʊnɔ tag kǝngkɨɨ, a laa na tɨkǝgagɔ.

Luka 15:24

Bʊla mɨ nɨ a bʊla, a yǝla a fulo. A lɛla, ja nya gǝn.’ Nǝngɔ ja tǝl gaanɨ.

Dʊgam Nyangnyang 1:16

A ta nyanyamɨtɨnɔ nʌbʌl a kang jajǝng gǝnɔ gǝm. A mʊgɔ nyiyo gǝn tag gulʌnɔ jel lɛ wo. Gulʌn nɨ nyiyo jalǝngɔ yo. Kǝga gǝnɔ beta lɛ na nu kwama a bwayǝlǝn gǝnɔ gǝm.

Afisa 2:5

A kwama nɨ bǝ bʌlʌntɨn a mʊgɔ bwɨlangkɛl bǝnɔ gǝmɨ, nǝn gɔ a nǝ bǝn kʊlɨ jǝbɔ Kiristii. (N gola lǝma Kwaamaɨ a bʊʊ nǝn bǝnɨ!)

Luka 15:32

A la nyɔ bǝ maa bǝlátǝm jǝbɔ fulotǝm nǝl, jʊ a bwɨɨ kɨla mɔ nɨ a bʊlaɨ, a yǝla a fulo tag. A lɛla, ja nya gǝn.’ ”

Afisa 2:1

Galɨgǝn, jǝ́ bʌlʌntɨn a kɛl dul bwɨlantɨn jenɔ jǝbɔ bwɨlangkɛltɨn jenɔ.

Dʊgam Nyangnyang 2:13

N nyǝm daagɔ mʊ yǝm woi, n daagɔ Mammɔ maam fɔlɔn nɛɨ sul, ń nǝ bɨlǝngkɛl a dun mɨ gǝm. Mʊ bǝla bɔ nǝtǝm bɨlǝngkɛl a daa mɨ woi, a joltɨn Antibasɨ nǝ tatǝm swatǝm yaa, nǝ nǝtǝm nyiyo a kɛl dul mɨ. Wʊnɨ ja jʌ a kʊm jeni, a daagɔ Mammɔ yǝm woi.

Dʊgam Nyangnyang 1:20

Kɛl nɨ ja yʊ na nyanyamɨtɨn nɨ nʌbʌl mʊ kuwo a mʊgɔ kang jajǝng mǝndɨ jǝbɔ daatɨn swatǝm fitila nɨ nʌbʌl na mʊntɨnɨ gǝ nʊng: Nyanyamɨtɨn nɨ nʌbʌli n bɛtɔ twama Kwaamaɨ nʌbʌl a mʊrkalɨ nǝb bwangtǝm Kwaamaɨ nɨ daatɨnɔ nʌbʌli. Daatɨn swatǝm fitila nɨ nʌbʌli n mʊrkalɨ nǝb bwangtǝm Kwaamaɨ nɨ daatɨnɔ nʌbʌli.”

Dʊgam Nyangnyang 4:5

A daa kotere fɔlɔn nɨ kwamagɔ beta lɛ, kunnyiyogɔ ga lɛ, diilɔ mwɛla lɛ. A kǝga kotere fɔlɔn nɨ tag, kʊʊnɨ kǝlagɔ wo nʌbʌl ja lɛ, nǝn gɔ Yʊwatɨn Kwaamaɨ nʌbʌli.

Dʊgam Nyangnyang 1:11

Sʊwa lɛ gɔ, “Mʊla jʊ mʊ kuwo a mʊgɔ langǝn bwangǝnɨ, sǝ ń twam mʊrkalɨ nǝb bwangtǝm Kwaamaɨ nɨ gǝm daatɨnɔ nʌbʌli, bǝ Afisa jǝbɔ Simirna jǝbɔ Birgamas jǝbɔ Tayatira jǝbɔ Sardisu jǝbɔ Filadalfiya jǝbɔ Lawudikiya.”

Yohana 1:33

A kwama gɔ mǝ nyǝm bɔ mǝʊ nǝn gɔ. Kwaama nɨ a twam mɨ gɔ n yʊ nǝbɔ mwɛ sagsagɨɨ, nǝngɔ a sʊwa ɨ gɔ, ‘Nʊ nɨ mʊ kuwo Yʊwa Kwaamaɨ a gǝla a yɨ a dul gǝnɨ, nǝn gɔ yʊ nǝbɔ mwɛ lɛ nǝn Yʊwa Kwaamaɨ.’

Yohana 1:16

A nǝ bǝn lǝma pʌd a dul lǝma jʊ a bwɨɨ n gʌleng swɨtǝm gǝnɔ a ladaɨ.

Dʊgam Nyangnyang 5:6

Nǝngɔ mǝ kuwo kaa Bɛ Gal tɨm a tɨbǝl kotere fɔlɔnɨ. A kang gǝnɨ, n kanjǝl nɨ naal nǝn kʊlɨɨ jǝbɔ daltɔ dʊʊmɔ. Bɛ Gal nɨ maamɔ ja biyo biyo. Nǝngǝn nǝn jumtɨnɔ nʌbʌl jǝbɔ nutɨnɔ nʌbʌl, wʊnɨ Yʊwatɨn Kwaamaɨ nʌbʌl ja twam a yooli nɨ pʌd gwamɨ.

1 Bitrus 1:11

Jǝ fɨɨ lɛ kɛna n di wɛ, jǝbɔ kɔkɔ won tag jʊ nɨ bwɨm lɛɨ. Nǝn gɔ kwamagɔ Yʊwa Kiristi Yesui a nǝl jin sʊwa lɛɨ, nǝn kwamagɔ a sʊwa gaalanɔ Kiristi nɔɔ lɛɨ, jǝbɔ dʊʊlǝnɔ bwangtǝn nɛɨ.

Maajɨ Bɛtɔ Twamagɨɨ 2:33

Kwaama a gun gǝn sǝ a yɔ ya yɨ a kang jajǝng gǝn, nǝngɔ a nya Yʊwa Kwaamaɨ wʊnɨ Tɛtɛ a maa swatǝm yaaɨ. Nǝngɔ a bɛ nǝn jʊ nɨ jǝ́ kuwo lɛ, jǝ́ nyʊwa lɛ dwiyeni.

Yohana 20:22

A sʊwa nyɨɨ, nǝngɔ a fǝ jim fǝbǝm gǝnɨ, a sʊwa ji gɔ, “Jǝ́ yo Yʊwa Kwaamaɨ.

Yohana 3:34

Nʊ nɨ Kwaama a twamɨ, gǝ sʊwa kɛl Kwaamaɨ, jʊ a bwɨɨ nǝn Kwaama a nǝ gǝn Yʊwa gǝnɔ mɨ dɨtǝm woi.

Dʊgam Nyangnyang 2:9

N nyǝm nyǝmɨ gaalanɔ mʊ nɔɔ lɛɨ, jǝbɔ bʊnǝn mʊnɔ, (a mʊnɔ n bɨlǝngǝn, mʊ nǝ shilo). N nyǝm kaamɨ kal dun mʊnɔ lɛ. Jǝ sʊwa lɛ gɔ jǝ Yahudawa, wʊnɨ jǝ ke bɔ Yahudawaɨ, n nǝbam Mammɨ.

Dʊgam Nyangnyang 2:2

N nyǝm kanjǝlɔ mʊ maaɨ, maajɨ mʊnɔ jǝbɔ kʊtǝm nǝl mʊnɔ. N nyǝm mɨ mʊ kʊ nǝl lɛ nǝn nǝb bwɨlamɔ. Mʊ tɛl tɛl nǝb nɨ do dul jinɔ lɛ gɔ jǝ bɛtɔ twamaɨ, wʊnɨ mɨ nyɨɨ. Mʊ nya jǝ nǝb gabakɛl.

Dʊgam Nyangnyang 3:2

Gun guni a daatǝm dum mʊnɔ gǝm. Ń sʊtǝn kwaan a jʊ nɨ a bǝlaɨ. Gǝ na a nyiyo bwaaɨ, jʊ a bwɨɨ mǝ kuwo bɔ maajɨ mʊnɔ a yii sǝgǝr a kǝga Kwaamaɨ.

Dʊgam Nyangnyang 3:8

N nyǝm maajɨtɨn mʊnɔ. N bǝla mʊn nyanga kanɔ a wumo wumoi, wʊnɨ mɨ nʊ nɨ wo nǝn kwaan nʊng lɛɨ. N nyǝm kwaan mʊnɔ dǝm sul, ń kɨla kɛl mǝndɨ, mʊ kana bɔ nyǝmtǝm dun mǝndɨ.

Dʊgam Nyangnyang 3:15

N kwɛl n nyǝm nyǝmɨ maajɨtɨn mʊnɔ. Mʊ yʌb bɔ yʌbi, mʊ shilo bɔ shiloi. Na ń yʌb yʌbi, na mɨ nyɨɨ ń shilo shiloi.