Dʊgam Nyangnyang 2:9 - Dadiya NT

⁹ N nyǝm nyǝmɨ gaalanɔ mʊ nɔɔ lɛɨ, jǝbɔ bʊnǝn mʊnɔ, (a mʊnɔ n bɨlǝngǝn, mʊ nǝ shilo). N nyǝm kaamɨ kal dun mʊnɔ lɛ. Jǝ sʊwa lɛ gɔ jǝ Yahudawa, wʊnɨ jǝ ke bɔ Yahudawaɨ, n nǝbam Mammɨ.

Dʊgam Nyangnyang 2:9 交叉引用

Dʊgam Nyangnyang 3:9

Mǝ dǝg dǝg nǝb nɨ a mʊgɔ kang Mammɨ, nǝbɔ sʊwa lɛ gɔ jǝ Yahudawagɔ jǝ ke bɔ, n gabakɛl jǝ maa lɛɨ, mǝ dǝg ji dǝg ba ja jʊng a kǝga mʊn, sǝ ja nyǝm mǝ swɨ ń nɛ.

2 Korinti 8:9

Jǝ́ nyǝm lǝma Tɛlalɔ bǝn Yesu Kiristii. N nǝ nyatǝm sul, a yǝlam nǝ bʊnǝn a kɛl dul jen, dɨsɔ jǝ́ yǝlam nǝb nyatǝm a gola bʊnǝn gǝn.

Roma 9:6

Ke bɔ gɔ kɛl Kwaamaɨ a yal nǝn kwan a dul nǝbam gǝnɨ. Jʊ a bwɨɨ ke bɔ pʌd nǝb nɨ a jel a dʊʊm Israilaɨ, n nǝbɔ Israilaɨ dangǝnɨ.

2 Korinti 6:10

Maamɔ nǝn na a fitǝm nǝl, kwangkwang nǝ na a mʊgɔ fulotǝm nǝl. Maamɔ nǝn nǝb bʊnǝn, nǝn shi nǝn nǝbɔ a lada. Maamɔ mɨ nǝn nǝn kaa jǝl, kanjǝlɔ gwam na a nǝn.

1 Timoti 6:18

Bɛ ń sʊwa ji ja maa jǝ nya, ja sʊtǝn maatǝm maajɨ nyan, bɛ ya ja maa lǝma lɛ, ya ja tɨka kaam nǝbɔ lɛ.

Luka 4:18

“Yʊwa Kwaamaɨ gǝ na jǝbɔ mǝ, nǝn gɔ a jǝg ɨ gɔ ba n kiyo nǝb bʊnǝnɔ gǝm fulon kɛl lǝmɨɨ. Nǝn gɔ a twam ɨ sǝ n ga wulong jǝgtǝm nǝbɔ a golmanɨ, sǝ n wum kululʌmɔ gǝm nu, sǝ n jǝg nǝb nɨ jǝ bǝm ji lɛɨ,

Dʊgam Nyangnyang 2:2

N nyǝm kanjǝlɔ mʊ maaɨ, maajɨ mʊnɔ jǝbɔ kʊtǝm nǝl mʊnɔ. N nyǝm mɨ mʊ kʊ nǝl lɛ nǝn nǝb bwɨlamɔ. Mʊ tɛl tɛl nǝb nɨ do dul jinɔ lɛ gɔ jǝ bɛtɔ twamaɨ, wʊnɨ mɨ nyɨɨ. Mʊ nya jǝ nǝb gabakɛl.

Luka 6:20

Yesu a dʌng bɛtɔ mɛlalɨ gǝnɨ, nǝngɔ a sʊwa ji gɔ, “Bwiligɔ na a jen, jen nɨ jǝ́ yǝm a mʊgɔ bʊnǝnɨ, jʊ a bwɨɨ fɔlɔn lɔ Kwaamaɨ na a jen.

Roma 12:12

Bɛ yatǝm nǝl jenɔ a dǝg jen fulotǝm nǝl. Jǝ́ bwa nǝl jenɔ a kwama gaalan. Jǝ́ ja kǝga nǝn maatǝm keligɔ.

Roma 5:3

A sʊtǝnɨ, bǝ maa lɨyal lɛ nǝn nɔɔtǝm gaalan bǝnɔ. Bǝ nyǝm nɔɔtǝm gaalanɔ nǝn gɔ gǝ bɛ lɛ nǝn bwatǝm nǝlɨ.

1 Timoti 1:13

Galɨgǝn mǝ kal dun Kwaamaɨ lɛ, mǝ nǝ nǝbam gǝnɔ gaalan nɛ, mǝ nyʊwa jim lɛ sul, a ji bʊnǝn mǝndɨ, jʊ a bwɨɨ mǝ maa a mʊgɔ fʌmʌn, mǝ nǝ bɔ bɨlǝngkɛl.

1 Tasalonikaɨ 3:4

Nǝn kwama nǝnɔ jeni nǝn sʊwa jen nɛ nǝn gɔ, bǝ nɔɔ nɔɔ gaalan. A ba yǝlam nyɔ kanga jǝ́ nyǝmɨ.

2 Korinti 8:2

Ji nɨ ja tɛl ji nǝn gaalan bwɨlaɨ, jǝ na a mʊgɔ bʊnǝn bwɨla tag, pʌd fulotǝm nǝl jinɔ a dǝg ji nǝtǝm nǝn nǝlɔ win.

Roma 8:35

N wɛ dwal lɛ a wʊlaka bǝn jǝbɔ swɨtǝm nɨ Kiristi maa bǝm lɛɨ? N gaalan ka? N gʌtǝm ka? N nɔɔtǝm gaalan ka? N jʊwan ka? N bʊnǝn ka? N jʌbotǝm bʊtɔ jǝbɔ bwaa ka?

Dʊgam Nyangnyang 7:14

Nǝngɔ mǝ jǝla gǝn mǝʊ, “Nǝ dʊʊ, ń nyǝm nyǝmɨ.” Nǝngɔ a sʊwa ɨ gɔ, “N nǝb nɨ a jel a gaalan bwɨlaɨ, ja galam dwang malǝng jinɔ a yǝla fulola nǝn fǝbfǝb nyɨɨ, nǝn tʊʊm Bɛ Gal nɨ.

Luka 22:65

Jǝ sʊwala gǝn bwɨlang katɨ lɛ, jǝ tuwola gǝn nɛ.

Luka 12:21

“Nʊ nɨ a mʊr dul gǝnɔ gǝm shilo tǝm nɨ a twabǝm nǝn Kwaamaɨ, gǝ na na nʊ nɨ mǝ sʊwa kɛl gǝnɔ a mʊsǝn kɛl nɨ.”

Roma 2:17

Na ń sʊwa mɔʊ, mʊ bwɛ Yahudaɨ, na mʊ ya nǝl a diili, mʊ maa lɨyal lɛ nǝn Kwaamaɨ,

Maajɨ Bɛtɔ Twamagɨɨ 26:11

Mǝ bwangtǝn kantɨn mɛlalɨgɔ lɛ, mǝ bʊg ji lɛ. Mǝ maa gola lɛ sǝ n dǝg ji ja soga dun Yesui. N maa nabwɨl jǝbɔ ji dangǝn, mǝ bwang jim lɛ a kaam tuulɔtɨn nǝbɨɨ, sǝ n nǝ ji gaalan.

Maajɨ Bɛtɔ Twamagɨɨ 14:22

Jǝ kwam nǝb bwangtǝm Kwaamaɨ gǝm nǝl lɛ gɔ ja tɨ a nǝtǝm bɨlǝngkɛl. Jǝ sʊwa lɛ gɔ, “Nǝn nɔɔtǝm gaalanɔ a lada bǝ dɔ fɔlɔn lɔ Kwaamaɨ lɛɨ.”

Yohana 16:33

“Mǝ sʊwa jen kanjǝl nɨ lɛ, sǝ jǝ́ nya lǝma a daa mɨ woi. A mʊgɔ yooli nɨ jǝ́ nyʊwa gaalan nɛ. Bɛ jǝ́ yɨ nǝn kwamǝn nǝl. N ku jelʌn a dul yooligɔ gǝm.”

Matta 4:10

Nǝngɔ Yesu a sʊwa gǝn gɔ, “Kʌlʌm shu fɔ a kǝga mɨ Mamm! A mʊla mʊlaɨ gɔ, ‘Maa Tɛlalɔ Kwaama mʊnɔ gǝm bǝlátǝm. Nǝn gɔ kwaagɔ mʊ nǝ gǝn dʊʊn nɛɨ.’ ”

Dʊgam Nyangnyang 1:9

Nǝmǝ mǝ Yohana kɨla jen, fwalɨ yɨm jǝbɔ jen a mʊgɔ gaalan jǝbɔ fɔlɔn jǝbɔ kʊtǝm nǝl, a mʊgɔ Yesui. Mǝ na fʌlen a tɨbǝl tǝm nɨ a mʊgɔ wɨma nɨ jǝ jo lɛ gɔ Batamusaɨ. Mǝ na fʌlen a dul kɛl Kwaamaɨ jǝbɔ nǝtǝm nyiyo a kɛl dul Yesui.

Dʊgam Nyangnyang 2:13

N nyǝm daagɔ mʊ yǝm woi, n daagɔ Mammɔ maam fɔlɔn nɛɨ sul, ń nǝ bɨlǝngkɛl a dun mɨ gǝm. Mʊ bǝla bɔ nǝtǝm bɨlǝngkɛl a daa mɨ woi, a joltɨn Antibasɨ nǝ tatǝm swatǝm yaa, nǝ nǝtǝm nyiyo a kɛl dul mɨ. Wʊnɨ ja jʌ a kʊm jeni, a daagɔ Mammɔ yǝm woi.

Dʊgam Nyangnyang 2:24

“A dul tangǝn jeni, jen nɨ a Tayatiraɨ, mɨ jǝ́ bwangtǝn mɛlalɨ Yezebeli lɛɨ. Jǝ́ maa bɔ mɛlalɨ nǝn jʊ kaamɨ a jo gɔ kanjǝl nɨ a bwa bwaɨ a Mammɨ. Mǝ sʊwa jen nɛ, mɨsɔ mǝ ya jem kaa jǝ tuulo lɛ a dul jen.