Biblia Todo Logo
在线圣经

- 广告 -




Dʊgam Nyangnyang 1:7 - Dadiya NT

7 N wɔ bɛ lɛ a mʊgɔ lul. Nǝbɔ pʌd kuwo gǝn kuwo, gwam jǝbɔ nǝb nɨ a kul gǝn nǝn yaaɨ. Pʌd nyiyotɨn yooli nɨ tag jǝ ji ji wi a kɛl dul gǝn. Bɛ a yǝlam nyɔ! A daa nyɔ.

参见章节 复制




Dʊgam Nyangnyang 1:7
36 交叉引用  

A kwama gɔ jǝ kuwo kuwo kaa jǝ nʊngtǝm a dʌbʌl kwama, na Bʊla Nǝlɨ a nʊng dul gǝnɨ. Nǝbɔ a yooli nɨɨ ji ji wi bwaa, na ja kuwo Bʊla Nǝlɨ bɛ lɛ a mʊgɔ luli, nǝn kwaan jǝbɔ gʌleng dʊʊlǝn gǝnɔ.


Kaa mʊlalɨ kɛl Kwaamaɨ a sʊwa gɔ, “Jǝ dʌng dʌng nʊ nɨ ja kuli.”


Yesu a jǝla gɔ, “Nǝmǝ. Jǝ́ kuwo kuwo Bʊla Nǝlɨ yǝm a kang jajǝng Kwaamaɨ, Nǝ kwaan, bɛ lɛ a mʊgɔ lul a dʌbʌl kwama.”


A kwama gɔ jǝ kuwo kuwo Bʊla Nǝlɨ bɛ lɛ a mʊgɔ lul, a mʊgɔ kwaan gǝn jǝbɔ gʌleng dʊʊlǝn gǝnɔ.


A bwangtǝnɨ, bǝn nɨ a bǝla nǝn kʊlɨ a kwama gɨɨ, jǝ do bǝn do sǝ bǝ nya ji a mʊgɔ lul, sǝ bǝ tǝgaka jǝbɔ Tɛlalɔ a dʌbʌl kwama. A kwama gɔ bǝ yɨ dakini bǝnɔ Tɛlalɔ mɨ dɨltǝm wo.


Ja sʊwa kanga jǝ́ yam yǝlatǝm Bʊla gɨɨ nɨ lɛ a dʌbʌl kwamaɨ, wʊnɨ a gung a bwaaɨ, nǝn gɔ nǝn Yesu, wʊnɨ jǝg bǝn nɛ a mʊgɔ nabwɨl Kwaamaɨ nɨ bɛ lɛɨ.


“A kwama gɔ nǝfitʌmɔ kuwo kuwo Bʊla Nǝlɨ bɛ lɛ a mʊgɔ lul nǝn kwaan fɔlɔn gǝnɔ jǝbɔ dʊʊlǝn gǝnɔ.


Anuhu nǝn gɔ kal na nʌbʌlɔ a gul Adamui, a maa kuwotǝmkǝga a dul nǝb nɨɨ gɔ, “N wɔ, Tɛlalɔ bɛ lɛ jǝbɔ fʊlkʊblǝn a dul fʊlkʊblǝn a bɛtɔ twama Kwaamaɨ sagsagɨ,


Nǝngɔ Yesu a jǝla gǝn gɔ, “Ɔɔ, nǝmǝ, kanga mʊ sʊwaɨ. Mɨsɔ kʊta lɛ jǝ́ kuwo kuwo Bʊla Nǝlɨ yǝm a kang jajǝng Nǝ Kwaan nɨɨ, bɛ lɛ a dʌbʌl a mʊgɔ lul.”


Nʊ nɨ a nǝ nyiyo a dul kanjǝl nɨ, a sʊwa gɔ, “Bɨlǝngǝn, mǝ bɛ lɛ mɨsɔ kʊta lɛ.” A daa nyɔ. Bɛ, Tɛlalɔ Yesu.


Jǝ́ fatǝm nyan mǝndɨ, kǝngkɔ bǝ bɛtɔ lɔ Kwaamaɨ. Kanga bǝ yǝlam lɛ a kǝgaɨ, bǝ nyǝm bɔ dɨn. Bǝ nyǝm na a bɛɨ, bǝ yǝlam na gɔ, jʊ a bwɨɨ bǝ kuwo gǝn kuwo nyangnyang.


Nʊ nɨ a soga Bʊla Kwaamaɨ, a kal tʊʊm swatǝm yaa nɨ a dǝg gǝn ga yǝlam sagsagɨ, a tuwo Yʊwa lǝmagɨɨ, n borang bwɨla won laa jǝ maa gǝm lɛɨ.


Nǝngɔ kaa win a kʊm sʊwajaamtɨnɔ a kul Yesu nǝn yaa a gwanga baya gǝnɔ gǝmɨ, tʌgo a kang, tʊʊmɔ jǝbɔ mwɛmɔ a jel.


Jǝ kuwo kuwo kǝga gǝnɔ. Dun gǝnɔ jǝ mʊla mʊla a tɛkǝgatɨn jinɔ gǝm.


kǝngkɔ ja yǝla ja kɔ bɨlǝngkɛlɨ, mɨsɔ maa lɛ ja gʊ ji ja yǝla ja bǝla bwɨlangkɛlɔ. Jʊ a bwɨɨ a yǝlatǝm dul jinɔ gǝm, ja kʊʊ Bʊla Kwaamaɨ. Ja nǝ gǝn gunidul a kǝga nǝbɨɨ.


Bʊla Nǝlɨ bɛ bɛ nǝn dʊʊlǝn Tɛtɛ gɨɨ jǝbɔ bɛtɔ twama gǝnɔ. Ywa ywa nǝbɔ win win a jʊ ja maaɨ.


Bɨlǝngkɛl mǝ sʊwa jen nɛɨ, kaam nǝb nɨ tɨlam fǝɨ, mɨsɔ jǝ bʊla lɛ, na ja kuwo bɔ Bʊla Nǝlɨ bɛ lɛ a mʊgɔ fɔlɔn gǝnɔ gǝmɨ.”


“Nǝn kwama Bʊla Nǝlɨ bɛm lɛ a mʊgɔ dʊʊn gǝnɔ gǝm jǝbɔ bɛtɔ twama Kwaamaɨ gwamɨ, yɨ yɨ a kotere dʊʊlǝn fɔlɔn gǝnɔ gǝm.


跟着我们:

广告


广告