Maajɨ Bɛtɔ Twamagɨɨ 9:31 - Dadiya NT

³¹ Nǝngɔ la mʊrkalɨ nǝb bwangtǝm Kwaamaɨ nɨ a Yahudiyaɨ, jǝbɔ Galilii, jǝbɔ Samariyaɨ, ja nya lǝma yɨmɔ, ja nya kwaan ja ja kǝga dangǝn, jǝ yɔ lɛ nǝn maajɨ jinɔ jǝ dʊʊl Tɛlalɔ lɛ, Yʊwa Kwaamaɨ tɨka ji lɛ, jǝ bwi lɛ.

Maajɨ Bɛtɔ Twamagɨɨ 9:31 交叉引用

Roma 5:5

Yatǝm nǝlɔ mɨ gǝ bɛ lɛ nǝn gunidul, jʊ a bwɨɨ Kwaama a kwɛl a tal swɨtǝm gǝnɔ a nǝl bǝnɔ gǝm, a gola Yʊwa Kwaamaɨ nɨ ga nǝ bǝnɨ.

Roma 15:13

Bɛ Kwaama nɨ gǝ bɛ lɛ nǝn yatǝm nǝlɨ, a yii nǝl jenɔ nǝn fulotǝm nǝl gwam jǝbɔ yɨm kwamɨgǝn a kɛl dul bɨlǝngkɛl jenɔ gǝm, sǝ jǝ́ yii nǝn yatǝm nǝl a kwaan Yʊwa Kwaamaɨ.

Maajɨ Bɛtɔ Twamagɨɨ 8:1

Shawulu a jǝla nǝn jʌtǝmɔ ja maa Istifanus gǝmɨ. Nǝn kum gɔ, gʌleng gaalanɔ a gun a mʊrkalɨ nǝb bwangtǝm Kwaamaɨ nɨ gǝm a Urushalimaɨ. Nǝb bwangtǝmɔ a kwɨya nǝn kwan a Yahudiya jǝbɔ Samariya. A bǝlam ka bɛtɔ twama a Urushalima.

Afisa 4:12

A maa nyɔ sǝ a fɛka nǝb bwangtǝm Kwaamaɨ a maatǝm maajɨ gǝn, sǝ bʊtɔ Kiristii a sʊtǝn dʊʊltǝmɔ.

2 Korinti 13:10

N jʊ a bwɨ mǝ mʊla jem jʊ nɨ nǝn kwama mɨ mǝ dakini nǝbɔ jeni, dɨsɔ na n yǝla n bɛɨ, kage a yǝlam nyɔ n nǝ jen gaalan a dul nʊngtǝm fɔlɔn nɨ Tɛlalɔ a nɨ ɨɨ. Tɛlalɔ a nɨ ɨ fɔlɔn nɨ sǝ n mɔ jen, ke bɔ kʌbtǝm jen.

2 Korinti 10:8

Na mǝ maa maa lɨyal a gǝlala a kwaan fɔlɔn nǝnɔ nɨɨ, wʊnɨ Tɛlalɔ a nǝ nǝn sǝ a dǝg jen jǝ́ dʊʊl a maajɨ gǝnɔ gǝmɨ, na ke bɔ jʊ nɨ kʌb jen nɛɨ, mɨsɔ mǝ nyʊwa gunidul lɛ.

2 Korinti 7:1

Jǝ́ nǝbɔ mǝ swɨ lɛɨ, Kwaama a kwɛl a maa bǝm swatǝm yaatɨn. Na gǝ na nyɨɨ, bɛ bǝ saalǝm dul bǝnɔ a kanjǝl nɨ dǝg bʊtɔ bǝnɔ lɛ jǝbɔ nǝl bǝnɔ a dutoi. Bɛ bǝ yɨ yɨm sagsag dangǝn a gola nǝtǝm Kwaamaɨ dʊʊn.

Maajɨ Bɛtɔ Twamagɨɨ 16:5

A dul kɛl nɨɨ, mʊrkalɨ nǝb bwangtǝm Kwaamaɨ ja sʊtǝn kwaan a mʊgɔ nǝtǝm bɨlǝngkɛl, jǝ sʊ ladatǝmɔ lɛ kum jǝbɔ kum.

Maajɨ Bɛtɔ Twamagɨɨ 12:24

Kɛl Kwaamaɨ a sʊtǝn jatǝm kǝga. Nǝb bwangtǝmɔ sʊtǝn nɛ.

Maajɨ Bɛtɔ Twamagɨɨ 6:7

Kɛl Kwaamaɨ ja kǝga lɛ. Nǝb bwangtǝmɔ a mʊgɔ Urushalimaɨ jǝ sʊ lɛ nǝn bɨlǝngǝn. Nǝbkǝlam Yahudawagɨɨ a lada a yǝlam nǝb nǝtǝm bɨlǝngkɛl.

Yahuza 1:20

Jǝ́ fatǝm nyan mǝndɨ, bɛ jǝ́ sʊtǝn mɔtǝm dul jenɔ a nǝtǝm bɨlǝngkɛl jenɔ gǝm wʊnɨ sagsagɨɨ. Ya jǝ́ maa keli lɛ nǝn tɨkalɨ Yʊwa Kwaamaɨ.

Ibranii 4:9

N dul kɛl nɨ a nʊng gɔ kǝngkɔ kaa tangǝn Kum Fǝbtǝm nǝb Kwaamaɨ wo, kanga Kwaama a fǝb a kum na nʌbʌli.

1 Timoti 1:4

Ka ja kal lɛ kwama jinɔ nǝn kwan a shinitɨn jǝbɔ kiyotǝm dun tʊgalam jinɔ nɨ a laa kwaanɨ. Kanjǝl nɨ gǝ bɛ nǝn gʊbkatǝm, mɨ gǝ bɛ lɛ nǝn dʊʊlǝn a fɛkalɨ Kwaamaɨ, wʊnɨ jǝ nyǝm lɛ a gola nǝtǝm bɨlǝngkɛlɨ.

1 Tasalonikaɨ 5:11

A dul kɛl nɨ bɛ ya jǝ́ kʊʊka nǝl lɛ, ya jǝ́ tɨkaka lɛ, kanga jǝ́ maam lɛ kǝngkɨɨ.

Kolosii 1:10

Nǝn kela Kwaama lɛ nyɔ sǝ jǝ́ yɨ yɨm nɨ a daa tʌgo a bwangtǝm Tɛlalɔɨ. Jǝ́ fulo gǝm nǝl lɛ a golantɨnɔ gǝm gwam. Jǝ́ maa maajɨ nyan nɛ nǝn dʌmʌn. Jǝ́ sʊ lɛ nǝn nyǝmtǝm Kwaamaɨ.

Filibii 2:1

Kiristi a kʊʊ jem nǝl. Swɨtǝm gǝnɔ a yʌb jem nǝl. Yʊwa Kwaamaɨ a mʊrka jen. Jǝ́ nʊngka bʊnatǝm jǝbɔ swɨkan.

Afisa 5:21

Bɛ jǝ́ nǝbka dul jenɔ a kɛl dul nǝtǝm Kiristii dʊʊn.

Afisa 4:29

Ka kaa kɛl bwɨlan ya jel lɛ a nyiyo jen, na ke bɔ kɛl nyan nɨ kwam jim nǝl lɛ a jʊ nɨ bʊm jim lɛɨ, sǝ a bɛ nǝn lǝma a nǝb nɨ a nyʊwa gǝnɨ.

Afisa 4:16

N daa gǝ woi pʌd bʊtɔgɔ a mʊrkamɨ, kanga jinʌnɔ gǝ mʊrka bʊtɔ nǝlɨ lɛɨ. Na jinʌn bʊtɔgɔ gwam maa maajɨ jinɔ lɛɨ, bʊtɔgɔ pʌd dʊʊl lɛ, nya kwaan nɛ, swɨ tangǝn jinʌnɔ lɛ.

2 Korinti 12:19

Jǝ́ maa bʊʊlalɨ jengɔ nǝn bɛ nǝn kɛl sǝ nǝn kʌshi dul nǝnɔ ka? Mɨ nyɔ! A kǝga Kwaamaɨ nǝ sʊwa kɛlɔ lɛɨ, nǝn na a Kiristii. Gwam jʊ nɨ nǝ maa sǝ nǝ sʊ jem kwaan, jǝ́ nǝbɔ nǝ swɨ lɛɨ.

1 Korinti 14:26

Kambɔ bǝ maa jʊ nɨ nyǝn? Kwama jǝ́ mʊrka dakinii, kaa gǝ ma nafɨ bǝlátǝm Kwaamaɨ, kaa gǝ maa mɛlalɨ kɛl Kwaamaɨ, kaa gǝ sʊwa jʊ Kwaama a nʊng gǝnɨ, kaa gǝ sʊwa kɛl nǝn kaa nyiyo, kaa fɛtatǝm nyiyo. Bɛ jǝ́ maa kanjǝlɔ gwam sǝ a fɛ mʊrkalɨ nǝb bwangtǝm Kwaamaɨ.

1 Korinti 14:12

Gǝ na nyɔ a daa jen woi. Na nɨ jǝ́ saa nǝtǝm lǝma Yʊwagɨɨ, jǝ́ ya kwaan a fɛkalɨ mʊrkalɨ nǝb bwangtǝm Kwaamaɨ.

Roma 14:19

Bɛ bǝ sʊtǝn kwaan sǝ bǝ maa jʊ nɨ bɛ lɛ nǝn yɨm kwamɨgǝn jǝbɔ sʊbkatǝm kwaanɨ.

Roma 14:17

Fɔlɔn lɔ Kwaamaɨ n ke bɔ jatǝm jǝbɔ nɔɔtǝm. N kɛl yɨm dǝngdǝng, jǝbɔ yɨm kwamɨgǝn, jǝbɔ fulotǝm nǝl a mʊgɔ Yʊwa Kwaamaɨ.

Maajɨ Bɛtɔ Twamagɨɨ 2:47

jǝbɔ bǝlátǝm Kwaamaɨ, nǝbɔ a jǝla nǝn ji dangǝn gwam. Kum jǝbɔ kum Tɛlalɔ sʊ jim nǝbɔ lɛ nya bʊʊtǝm lɛɨ.

Maajɨ Bɛtɔ Twamagɨɨ 5:11

Gʌleng taalɔ a ta mʊrkalɨ nǝb bwangtǝm Kwaamaɨ gwam, jǝbɔ nǝb nɨ gwam a nyʊwa fulon kanjǝl nɨɨ.

Maajɨ Bɛtɔ Twamagɨɨ 20:32

“Kǝngkɔ n ya jen a kang Kwaamaɨ jǝbɔ kɛl lǝma gǝnɔ, wʊnɨ nǝn gɔ dwal lɛ a gung jeni, sǝ a nǝ jen kʊla jǝbɔ nǝb sagsagɔ gwam.