Maajɨ Bɛtɔ Twamagɨɨ 4:2 - Dadiya NT

² Ja mɔ nabwɨl, jʊ a bwɨɨ, jǝ mɛla nǝbɔ gǝm lɛ gɔ nǝb nɨ a bʊlaɨ guntǝm wo nǝn kʊlɨ kanga Yesu a gunʌmi.

Maajɨ Bɛtɔ Twamagɨɨ 4:2 交叉引用

Maajɨ Bɛtɔ Twamagɨɨ 17:18

Nǝb nyǝmtǝm nɨ a bel gol lɔngɔ yoi, n nǝbɔ Abikuriyaɨ jǝbɔ nǝbɔ Sitokiyaɨ. Nǝb nyǝmtǝm nɨ a maa gʊbkatǝm jǝbɔ gɔ. Kaamɨ gɔ, “N wɛ nǝ kɛlɨ kɛlɨ nɨ sʊwa lɛɨ?” Kaamɨ gɔ, “Gǝ sʊwa kɛl a dul shomtɨn wʊnɨ ke bɔ a daa nɨɨ.” Ja sʊwa nyɔ jʊ a bwɨɨ gǝ sʊwa fulon kɛl lǝmɨ Yesui jǝbɔ guntǝm gǝnɔ a bwaaɨ.

Roma 8:11

Na Yʊwa nɨ a gung Yesu a bwaaɨ yǝm a nǝl jeni, nʊ nɨ a gung Kiristi Yesu a bwaaɨ fulo fulo nǝn bʊtɔ jenɔ nɨ n bwaaɨ, a gola Yʊwa gǝnɔ nɨ yǝm a nǝl jeni.

Maajɨ Bɛtɔ Twamagɨɨ 13:45

Kwama nǝb dʊʊm Yahudawagɔ a kuwo mʊrkalɨ nǝbɨɨ a lada nyɨɨ, nǝngɔ ja ta maatǝm nungonɔ dangǝnɨ. Jǝ buwo kɛltɨn nɨ lɛ Bulus a sʊwaɨ. Jǝ tuwola gǝn nɛ tag.

1 Korinti 15:23

Gwam bǝnɔ Kwaama gung bǝn gung win win. Kiristi nǝn gɔ tɨkǝga guntǝmɨ, na a yǝla a bɛɨ, nǝbam gǝnɔ gwam gun gun.

Maajɨ Bɛtɔ Twamagɨɨ 26:23

Jǝ sʊwa lɛ gɔ Kiristi nɔɔ nɔɔ gaalan, yǝlam nǝ tɨkǝga a guntǝm a bwaa. N gola guntǝm gǝnɔ a bwaaɨ, bɛ lɛ nǝn nyalǝm a Yahudawagɔ gǝm jǝbɔ Bʌtʌbɔ gwamɨ.”

Maajɨ Bɛtɔ Twamagɨɨ 26:8

N wɛ a bwɨ jǝ́ jǝla bɔ n bɨlǝngkɛl Kwaama gung gung nǝbɔ a bwaaɨ?

Maajɨ Bɛtɔ Twamagɨɨ 24:21

Na jǝ tuwo i tuwo i a dul jʊ win mǝ sʊwa nǝn kwama mǝ tɨm a kǝga jini mǝ gung diilɔ mǝʊ, ‘N kɛl dul guntǝm a bwaa jǝ maa mɨ borang lɛ a kǝga jen dwiyeni.’ ”

Maajɨ Bɛtɔ Twamagɨɨ 19:23

A kwama gɔ ja maa gʌleng kutʌm a dul Gola nɨ gǝm.

Maajɨ Bɛtɔ Twamagɨɨ 5:17

Nǝngɔ dalɨ nǝkǝlagɔ jǝbɔ nǝb nɨ gwam jǝ dakinii, nǝb nya nǝbɔ Sadukiyaɨ, ja maa nungon jǝbɔ bɛtɔ twama nɨ dangǝn.

Maajɨ Bɛtɔ Twamagɨɨ 3:15

Nǝngɔ jǝ́ jʌ nʊ nɨ nǝn gɔ jʌng kʊlɨgɨɨ. Kwaama a gung gǝn a bwaagɔ gǝm. Nǝn nǝ yǝlam nǝb nɨ a kuwo kanjǝl nɨɨ.