Maajɨ Bɛtɔ Twamagɨɨ 24:14 - Dadiya NT

¹⁴ “Jʊ win mǝ jǝla nǝnɨ, nǝn gɔ mǝ bwangtǝn Kwaama tʊgalam nǝnɨ lɛ a gola Kiristii wʊnɨ nǝb nɨ sʊwa lɛ gɔ ke bɔ bɨlǝngkɛlɨ. N nǝ bɨlǝngkɛl a gwam jʊ nɨ ja mʊla a diilɔ gǝmɨ jǝbɔ langǝn bwangǝn nǝbkuwotǝmkǝgagɨɨ.

Maajɨ Bɛtɔ Twamagɨɨ 24:14 交叉引用

Maajɨ Bɛtɔ Twamagɨɨ 9:2

a kela gǝn gɔ a nǝ gǝn langǝn bwangǝntɨnɔ gǝ yɔ nǝn a kantɨn mɛlalɨ a Dimaska, na gǝ nya nǝb nɨ bwangtǝn gola Tɛlalɔɨ lɛɨ, batǝm jǝbɔ nɔɔtǝm sǝ gǝ bwaba ji gǝ bɛ nǝn a Urushalima.

Roma 3:21

Kǝngkǝnɨ, kaa gola nyatǝm dǝngdǝng Kwaamaɨ wo, ke bɔ a gola diil, wʊnɨ langǝn bwangǝntɨn Musaɨ jǝbɔ a nǝbkuwotǝmkǝgagɨɨ a nǝ nyiyo a dul gǝnɨ.

Maajɨ Bɛtɔ Twamagɨɨ 28:23

Ja ya kumɔ ba jǝ mʊrkam lɛɨ, nǝngɔ ja bɛ a daa nɨ ga shigʌmi, ja bɛ a lada dangǝn. Jʊ a ta a kumsʌl a yɔ nǝn a kwaamɨɨ, fɛta ji kɛlɔ lɛ a dul fɔlɔn lɔ Kwaamaɨ, swɨ lɛ a gʊ ji a daa Yesu woi a gola diil Musaɨ jǝbɔ a langǝn bwangǝn nǝbkuwotǝmkǝgagɨɨ.

Maajɨ Bɛtɔ Twamagɨɨ 3:13

Kwaama Ibrahimi, jǝbɔ Ishakui, jǝbɔ Yakubui, Kwaama tʊgalam bǝnɨ, nǝn gɔ a gung dun Bwɛ jwaalɛ gǝnɔ Yesui. Jǝ́ miyo gǝn sǝ ja jʌ gǝn, jǝ́ kɔ gǝn a kǝga Bilatusi, Bilatus nǝn tɨkǝga, a maa sǝ gǝ dem gǝm kang.

Maajɨ Bɛtɔ Twamagɨɨ 26:22

Kwaama a tɨka ɨ a ba la nǝn dwiyeni, n jʊ a bwɨ mǝ fɔ mǝ sʊwa dʊʊmɔ lɛ jǝbɔ bɛtɨɨ. Ke bɔ kaa jǝl nǝn kwan mǝ sʊwa lɛɨ. N jʊ nǝbkuwotǝmkǝgagɔ jǝbɔ Musa ja sʊwa gɔ bwɨ bwɨɨ.

Maajɨ Bɛtɔ Twamagɨɨ 24:5

“Nǝn nya balɨ nɨ n nǝ kutʌm, bɛ lɛ nǝn kutʌmɔ a lada a kʊm Yahudawagɨɨ a yooligɔ gǝm gwam. Nǝn gɔ dʊʊ nǝb nɨ bwangtǝn balɨ nɨ lɛ a jel a Nazaratɨ.

2 Timoti 1:3

N buu Kwaama gǝm kang, nʊ nɨ mǝ maa gǝm maajɨ lɛ a mʊgɔ nǝl nɨ mɨ komtǝm woi, kanga tʊgam tʊgalam mǝndɨ a maaɨ. N buu Kwaama gǝm kang, kwama nɨ gwam mǝ bʊʊla lɛ nǝn mɔ a mʊgɔ kelii, kum jǝbɔ kɔkɔ.

Maajɨ Bɛtɔ Twamagɨɨ 26:27

Fɔlɔgɔ, ń nǝ bɨlǝngkɛl nǝn nǝbkuwotǝmkǝgagɔ ka? N nyǝm ń nǝ bɨlǝngkɛl.”

Dʊgam Nyangnyang 19:10

Nyʊwatǝm jʊ nɨɨ, nǝngɔ mǝ jʊng a tǝm sǝ n maa gǝm bǝlátǝmɨ. Nǝngɔ a sʊwa ɨ gɔ, “Ka ń maa lɛ nyɔ! Mǝ bwɛ jwaalɛ na jen, jǝbɔ kɛtǝlam mʊnɔ, nǝb nɨ nǝ nyiyo lɛ a kɛl Yesui. Jǝ́ bǝlá Kwaamagɔ! Jʊ a bwɨɨ bɨlǝngkɛlɔ Yesu a nʊngɨ, nǝn gɔ a nǝ kwaan maatǝm maajɨ kuwotǝmkǝgagɨɨ.”

1 Bitrus 1:11

Jǝ fɨɨ lɛ kɛna n di wɛ, jǝbɔ kɔkɔ won tag jʊ nɨ bwɨm lɛɨ. Nǝn gɔ kwamagɔ Yʊwa Kiristi Yesui a nǝl jin sʊwa lɛɨ, nǝn kwamagɔ a sʊwa gaalanɔ Kiristi nɔɔ lɛɨ, jǝbɔ dʊʊlǝnɔ bwangtǝn nɛɨ.

Titus 3:10

Nʊ nɨ dǝg wʊlakatǝm lɛɨ, na a kɔ gʊtǝm lɔl naa win jǝbɔ naa yoi, bɛ ń jelʌm a gola gǝnɔ gǝm.

Galatiya 5:20

jǝbɔ bwangtǝm shom, jǝbɔ wontǝm swan, jǝbɔ kii, jǝbɔ gʊbkan, jǝbɔ nungon, jǝbɔ nabwɨl, jǝbɔ swɨtǝm dul, jǝbɔ kʊkkan, jǝbɔ wʊlakatǝm,

1 Korinti 11:19

Mɨ nyǝmatǝm wo, jǝ́ nya nya gʊbkatǝm a kʊm jen, sǝ jǝ́ nyǝm nǝb nɨ Kwaama a jǝla nǝn ji a kʊm jeni.

Maajɨ Bɛtɔ Twamagɨɨ 26:6

Kǝngkɔ mǝ tɨm a kǝga jen sǝ jǝ́ maa mɨ borang a yatǝm nǝl mǝndɨ a swatǝm yaa nɨ Kwaama a maa tʊgalam bǝnɔ gǝmɨ.

Maajɨ Bɛtɔ Twamagɨɨ 24:22

Filikus gwamnagɔ a nyǝm kanjǝlɔ a gǝlala a gola Yesui, nǝngɔ a tɨ nǝn ji gɔ, “Bǝ yam Lisiyas dalɨ dʊʊ sʊwajaamɔ a bɛ dɨn sǝ n biyo jem borangɔ.”

Maajɨ Bɛtɔ Twamagɨɨ 22:14

“Nǝngɔ a sʊwa ɨ gɔ, ‘N Kwaama tʊgalam bǝnɨ a jǝg ń sǝ ń nyǝm jʊ swɨ lɛɨ, sǝ ń kuwo Nǝ Dǝngdǝng nɨ, sǝ ń nyʊwa kɛl gǝnɔ.

Maajɨ Bɛtɔ Twamagɨɨ 19:9

A kaamɨ a nʊng kwamǝn dul, ja kɔ nǝtǝm bɨlǝngkɛl. Jǝ sʊwala kɛl bwɨlantɨn nɛ a kǝga nǝbɨɨ a dul Gola Tɛlalɔɨ. N dul kɛl nɨ Bulus a bǝla jii, a shu jǝbɔ nǝb bwangtǝmɨ, maa mɛlalɨ lɛ kum jǝbɔ kum a gǝlalantal Tiranusi.

Maajɨ Bɛtɔ Twamagɨɨ 13:15

Nǝn kwama ja dɨm kiyotǝm diil Musaɨ jǝbɔ langǝn bwangǝn nǝbkuwotǝmkǝgagɨɨ, nǝb dʊʊm kan mɛlalɨgɔ a sʊwa ji gɔ, “Kɛtǝlam bǝn, na jen nǝn kɛl gʊtǝm lɔl jǝ́ sʊwa nǝbɔ lɛɨ, jǝ́ sʊwa ji.”

Maajɨ Bɛtɔ Twamagɨɨ 10:43

Nǝbkuwotǝmkǝgagɔ gwam ja sʊwa kɛl a dul gǝn, gɔ a mʊgɔ dun gǝn nʊ nɨ gwam a nǝ bɨlǝngkɛlɨ, nya nya kǝlǝmtǝm bwɨlangkɛltɨn.”

Maajɨ Bɛtɔ Twamagɨɨ 7:32

‘Nǝmǝ mǝ Kwaama tʊgalam mʊnɨ, jǝbɔ Kwaama Ibrahimi, jǝbɔ a Ishakui, jǝbɔ a Yakubui.’ Nǝngɔ bʊtɔ Musaɨ sʊwa mam lɛɨ, a mwɨ bɔ a dʌng.

Maajɨ Bɛtɔ Twamagɨɨ 5:30

Kwaama tʊgalam bǝnɨ a gung Yesu, wʊnɨ jǝ́ jʌ gǝn a dʌbʌl tɨya kʊʊtǝmɨ.

Yohana 1:45

Filibus a nya Nataniyel nǝngɔ a sʊwa gǝn gɔ, “Nǝ nya nʊ nɨ jǝ mʊla fulon kɛl gǝnɔ a diil Musaɨ jǝbɔ langǝn bwangǝn nǝbkuwotǝmkǝgagɨɨ, gɔ, nǝn Yesu bwɛ Nazarat, bʊla Yusufui.”

Luka 24:44

Nǝngɔ a sʊwa ji gɔ, “Jʊ nɨ n jʊ mǝ sʊwa jen kwama nɨ bǝ dakinii, jǝ yii yii kɛl nɨ ja sʊwa a dul mɨɨ a mʊgɔ diil Musaɨ, jǝbɔ a nǝbkuwotǝmkǝgagɨɨ, jǝbɔ nafɨ Zaburaɨ.”

Luka 24:27

Nǝngɔ a nʊng ji jʊ ja sʊwa a mʊgɔ mʊlalɨ kɛl Kwaamaɨ gǝm a dul gǝnɨ, jʊ a tǝl a mɛlalɨ Musaɨ a yɔ nǝn a nǝbkuwotǝmkǝgagɔ gwamɨ.

Luka 16:29

“Nǝngɔ Ibrahim a jǝla gǝn gɔ, ‘Ji nǝn langǝn bwangǝn Musaɨ jǝbɔ a nǝbkuwotǝmkǝgagɔ. Bɛ ja nyʊwa jʊ nǝb nɨ a sʊwa jii.’

Luka 16:16

“Nǝbɔ a bwangtǝn diil Musaɨ jǝbɔ a nǝbkuwotǝmkǝgagɨɨ, ba la nǝn a kwama Yohanaɨ, nǝ yʊtǝm mwɛ sagsag. Kǝngkɔ bǝ kiyo fulon kɛl lǝmɨ fɔlɔn lɔ Kwaamaɨ lɛ, kwama gɔ, nǝbɔ maa kwaan nɛ jǝ dɔ mʊgɔ gǝnɔ.

Luka 1:70

(Kanga Kwaama a sʊwa a nyiyo nǝbkuwotǝmkǝga gǝnɔ sagsag galɨgǝnɨ).

Matta 22:40

Gwam diilɔ jǝbɔ mɛlalɨ nǝbkuwotǝmkǝgagɨɨ, gǝ na a mʊgɔ diil nɨ yoi.”

Matta 10:32

“Gwam nʊ nɨ a jǝla gɔ gǝ na a mɨɨ a kǝga nǝbɨɨ, mǝ tǝmɨ mǝ jǝla jǝla mǝʊ gǝ na a mɨ a kǝga Tɨya mɨɨ nɨ a dʌbʌli.

Matta 7:12

Kwangkwang jǝ́ maa nǝbɔ gǝm kanga jǝ́ swɨ lɛ ja maa jemi. Wʊnɨ nǝn gɔ mɛlalɨ diil Musaɨ jǝbɔ a nǝbkuwotǝmkǝgagɨɨ.

Maajɨ Bɛtɔ Twamagɨɨ 19:23

A kwama gɔ ja maa gʌleng kutʌm a dul Gola nɨ gǝm.

Maajɨ Bɛtɔ Twamagɨɨ 15:5

Nǝngɔ kaam nǝb bwangtǝmɔ, nǝbɔ Farisaɨ, ja gun jǝ tɨlam tɨlamɨ jǝ sʊwa lɛ gɔ, “A yǝlam nyɔ Bʌtʌbɔ a biyo mwɛn. A yǝlam nyɔ ja bwangtǝn diil Musaɨ.”

Maajɨ Bɛtɔ Twamagɨɨ 25:8

Nǝngɔ Bulus a kʌshi dul gǝnɔ gɔ, “A mǝndɨ mǝ maa bɔ diil Yahudawagɨɨ gǝm bwɨlangkɛl. Mǝ maa bɔ Kan Kwaamanɔ jǝbɔ Kaisar gǝm bwɨlangkɛl wo dǝm nɨ.”

Maajɨ Bɛtɔ Twamagɨɨ 26:4

“Yahudawagɔ gwam a nyǝm yɨm nɨ mǝ yɨɨ, a tǝl nǝn kwama mǝ a lɔ bwɛsǝnɨ, a tǝm mǝndɨ jǝbɔ Urushalima a bɛ nǝn a kǝngkɨɨ.

Maajɨ Bɛtɔ Twamagɨɨ 28:22

Nǝn swɨ lɛ nǝn nyʊwa a nyiyo mʊn jǝbɔ jʊ mʊ kuwoi. Jʊ nǝn nyǝmɨ nǝn gɔ, n kaam mʊrkalɨ nǝb bwangtǝm fɨ nɨ nǝbɔ gwam sʊwala kɛl bwɨlan nɛ a dul gǝnɨ.”

Roma 1:9

Kwaama nɨ mǝ maa gǝm maajɨ lɛ nǝn nǝl mɨ gwam a dul kiyotǝm fulon kɛl lǝmɨ Bʊla gɨɨ, n nǝ nǝtǝm nyiyo a dul mɨ kanga kwangkwang mǝ bʊʊla lɛ nǝn jen a mʊgɔ keli mǝndɨ gǝmɨ.