Maajɨ Bɛtɔ Twamagɨɨ 23:35 - Dadiya NT

³⁵ nǝngɔ a sʊwa gɔ, “Mǝ nyʊwa nyʊwa kɛl mʊnɔ, na nǝb katǝm kɛl mʊnɔ a bɛɨ.” Nǝngɔ gwamna a dǝg gɔ ja kubʌl gǝn a lɔ fɔlɔ Hiridusi.

Maajɨ Bɛtɔ Twamagɨɨ 23:35 交叉引用

Maajɨ Bɛtɔ Twamagɨɨ 23:30

Ja sʊwa ɨ gɔ kaa bwɨlang fɛkalɨ wo wʊnɨ ja maa a dul gǝnɨ, tʌgo a kang mǝ tʊng gǝn a daa mɔ woi, sǝ nǝb katǝm kɛl gǝnɔ ya sʊwa bwɨlangkɛl gǝnɔ a kǝga mʊn, jʊ nɨ ja kuwo a maaɨ.

Maajɨ Bɛtɔ Twamagɨɨ 25:16

“Nǝngɔ mǝ gar jim mǝʊ n ke bɔ jǝfʊlǝn nǝbɔ Romaɨ nǝn maa nǝ bwɨlangkɛl gǝm borang nyɔ. A bʊm nyɔ ja bɛ nǝn gɔ a kǝga nǝbɔ a ka kɛl gǝnɔ kǝga jǝbɔ kǝgaɨ. Jǝ nǝ gǝn nǝ talɨ, sǝ ga jǝg dul gǝnɔ a katǝm kɛl nɨ ja maa gǝmɨ.

Matta 27:27

Nǝngɔ sʊwajaamtɨn nɨ tɔɔ gwamnagɔ lɛɨ, ja yɔ nǝn Yesu a mʊgɔ lɔ fɔlɔn gwamnagɨɨ, nǝngɔ ja mʊr sʊwajaamtɨnɔ a dul gǝnɨ.

Maajɨ Bɛtɔ Twamagɨɨ 24:22

Filikus gwamnagɔ a nyǝm kanjǝlɔ a gǝlala a gola Yesui, nǝngɔ a tɨ nǝn ji gɔ, “Bǝ yam Lisiyas dalɨ dʊʊ sʊwajaamɔ a bɛ dɨn sǝ n biyo jem borangɔ.”

Maajɨ Bɛtɔ Twamagɨɨ 24:19

Kaam Yahudawa nɨ ja jel a tǝm Asiyaɨ na jǝ fǝɨ, nǝji na jǝ bɛ lɛ a kǝga mʊn nǝn katǝm kɛl mǝndɨ, na ji nǝn komtǝm a dul mɨɨ.

Maajɨ Bɛtɔ Twamagɨɨ 24:10

Gwamnagɔ a nǝ Bulus gola gɔ a sʊwa kɛlɨ, nǝngɔ Bulus a jǝla gɔ, “Mǝ jǝg dul mɨ lɛ nǝn fulotǝm nǝl. N nyǝm ń maa joltɨnɔ a lada mʊ maa borang nǝb nɨ lɛ.

Maajɨ Bɛtɔ Twamagɨɨ 24:1

Kumɔ nʊ a shui, nǝngɔ dalɨ nǝkǝlagɔ, Hananiya, a bɛ dakini jǝbɔ kaam nǝb dʊʊm jǝbɔ kaa nǝ nyǝmtǝm borang, dunɔ nǝn Tartulus, sǝ ja ka kɛl Bulusi a daagɔ gwamnaɨ.

Yohana 18:28

Nǝngɔ Yahudawagɔ a jel nǝn Yesu a daa Kayafa woi, nǝngɔ ja yɔ nǝn gɔ a lɔ gwamna Romagɨɨ, nǝn kumsʌl butʌb. Ji nǝn kang ji ja dɔ bɔ lɔ gwamnagɨɨ, kage a dǝg ji mɨ jǝ sagsag, ja la bɔ ja ja Dikulom Yabtǝmɔ.

Matta 2:16

Nǝn kwama Hiridus a nyǝm gɔ nǝb nyǝmtǝm nɨ a swag gǝn swagɨ, nǝngɔ a maa nabwɨlɨ. Nǝngɔ a sʊwa gɔ ja jʌ bɛtɔ batǝnɔ gwam a Baitalamii jǝbɔ daatɨn nɨ a kɔtʌgo gwamɨ, ja jʌbo bɛtɔ batǝn nɨ a shu bɔ jolɔ yoi. A yɔ dǝngdǝng jǝbɔ kwamagɔ a nyʊwam bʌtʌm bwɛ balɨ nɨ a nyiyo nǝb nyǝmtǝm nɨɨ.

Matta 2:3

Kwama Hiridus fɔlɔgɔ a nyʊwam kɛl nɨɨ, nǝl gǝnɔ a kala jǝbɔ nǝb nɨ a Urushalimaɨ gwam.

Matta 2:1

Nǝn kwama ja bʌm Yesu a Baitalami a Yahudiyaɨ, Hiridus nǝn gɔ fɔlɔ a kwama gɨɨ. Nǝngɔ kaam dʊʊm nǝb nyǝmtǝm a bɛ a twal a Urushalimaɨ,

Maajɨ Bɛtɔ Twamagɨɨ 24:23

Filikus a nǝ dʊʊ sʊwajaamɔ diil gɔ tɔɔ Bulus, ka ga sɨna gǝm lɛ maatǝm kanjǝl, ka ga kaa lɛ fatǝlam gǝnɔ bɛtǝm a daa gǝ woi, sǝ ja tɨka gǝn.