Maajɨ Bɛtɔ Twamagɨɨ 21:24 - Dadiya NT

²⁴ Bɛ ń yɔ jǝbɔ ji a Kan Kwaaman, ya ń saal dul mʊnɔ jǝbɔ a jinɔ gwam. Bɛ ń ywa kemʌn sǝ ja bʊtɨ jim dulɔ. A gola maatǝm nyɔ nǝbɔ gwam nyǝm nyǝm gɔ gwam jʊ nɨ ja sʊwa a dul mʊnɨ n gabakɛl. Jǝ kuwo kuwo mʊ kɨla diilɔ lɛ.

Maajɨ Bɛtɔ Twamagɨɨ 21:24 交叉引用

Maajɨ Bɛtɔ Twamagɨɨ 21:26

Nǝn tǝmsɛlɨ Bulus a do nǝb nɨɨ, nǝngɔ a saal dul gǝnɔ jǝbɔ a jini, nǝngɔ a dɔ Kan Kwaamanɔ sǝ a sʊwa kum yiitǝm saaltǝm jinɔ jǝbɔ kum tǝlatǝm twamagɔ a kɛl dul jin win wini.

Maajɨ Bɛtɔ Twamagɨɨ 24:18

Mǝ a mʊgɔ maatǝm nyɔ, nǝngɔ ba ja nya ɨ a mʊgɔ Kan Kwaamanɨ. N kwɛl n saalǝm saalǝmɨ dul mɨ, mɨ mǝ a mʊrkalɨ nǝbɨɨ, mǝ gung bɔ nǝl nǝbɨɨ.

Maajɨ Bɛtɔ Twamagɨɨ 18:18

A gul jʊ nɨ, nǝngɔ Bulus a sʊ kumtɨnɔ a lada a Korintii. Nǝngɔ a bǝla nǝb bwangtǝmɨ. A dɔ tɨyamwɛngɔ dakini jǝbɔ Bilkisu jǝbɔ Akila ja ta gola ja shu a Suriyaɨ. Ya jǝ gun nɛɨ, nǝngɔ Bulus a bʊtɨm dul gǝnɔ a Kankiriyaɨ, jʊ a bwɨɨ a do wɛɛlɨ.

1 Korinti 9:20

A daagɔ Yahudawagɔ woi, n yǝlam na bwɛ Yahuda, sǝ n gʊ Yahudawagɔ a daa Kiristi woi. A daagɔ nǝb nɨ a mʊgɔ diili, n yǝlam na nʊ nɨ a mʊgɔ diili, sǝ n gʊ nǝb nɨ a mʊgɔ diili a daa Kiristi woi. (Mǝ dul mɨ, mɨ mǝ a mʊgɔ diil.)

Galatiya 2:12

Nǝn tɨkǝga gǝ ja jǝjalǝnɔ dakini jǝbɔ Bʌtʌbɔ. Nǝngɔ Yakubu a twam kaam nǝb a Antakiyaɨ, nǝngɔ Bitrus a gun a jǝgǝm dul gǝnɨ. A maa nyɔ jʊ a bwɨɨ nyʊwa taal nǝb nɨ lɛ swɨ lɛ ja biyo Bʌtʌbɔ gǝm mwɛnɨ.

Yohana 11:55

Dikulom Yabtǝm Yahudawagɨɨ a dwamaɨ, nǝbɔ a lada nyɔ a bɛl tuulɔtɨn ja gwi ja shu a Urushalimaɨ, sǝ ya ja saalǝm dul jinɔ, sǝla dikulomɔ a bɛ.

Yohana 3:25

Nǝngɔ bɛtɔ mɛlalɨ Yohanaɨ ja dɔ bǝngkatǝm kɛl jǝbɔ kaa bwɛ Yahudaɨ a dul jǝfʊlǝn saaltǝm bʊtɔ wʊnɨ gǝ dǝg nǝl lɛ a yǝlam sagsagɨ.