18 A gul jʊ nɨ, nǝngɔ Bulus a sʊ kumtɨnɔ a lada a Korintii. Nǝngɔ a bǝla nǝb bwangtǝmɨ. A dɔ tɨyamwɛngɔ dakini jǝbɔ Bilkisu jǝbɔ Akila ja ta gola ja shu a Suriyaɨ. Ya jǝ gun nɛɨ, nǝngɔ Bulus a bʊtɨm dul gǝnɔ a Kankiriyaɨ, jʊ a bwɨɨ a do wɛɛlɨ.
Bɛ ń yɔ jǝbɔ ji a Kan Kwaaman, ya ń saal dul mʊnɔ jǝbɔ a jinɔ gwam. Bɛ ń ywa kemʌn sǝ ja bʊtɨ jim dulɔ. A gola maatǝm nyɔ nǝbɔ gwam nyǝm nyǝm gɔ gwam jʊ nɨ ja sʊwa a dul mʊnɨ n gabakɛl. Jǝ kuwo kuwo mʊ kɨla diilɔ lɛ.
A daagɔ Yahudawagɔ woi, n yǝlam na bwɛ Yahuda, sǝ n gʊ Yahudawagɔ a daa Kiristi woi. A daagɔ nǝb nɨ a mʊgɔ diili, n yǝlam na nʊ nɨ a mʊgɔ diili, sǝ n gʊ nǝb nɨ a mʊgɔ diili a daa Kiristi woi. (Mǝ dul mɨ, mɨ mǝ a mʊgɔ diil.)
N daa nɨ a nya kaa bwɛ Yahuda woi, wʊnɨ jǝ jo lɛ gɔ Akilaɨ, n bwɛ tǝm Fantasɨ. Akila jǝbɔ nwala gɔ Bilkisu ja jel a tǝm Italiya, jʊ a bwɨɨ Kalaudiyas a ga diil gɔ Yahudawagɔ gwam ja bǝla Romagɔ. Nǝngɔ Bulus a yɔ a daa ji woi.
Ja nǝ ji langǝn bwangǝn wʊnɨ sʊwa lɛ gɔ, A daagɔ kɛtǝlam jenɔ bɛtɔ twamagɔ, jǝbɔ dʊʊm nǝb bwangtǝmɔ, a yɔ nǝn a daagɔ Bʌtʌbɔ woi, nǝb bwangtǝmɔ, wʊnɨ a Antakiya jǝbɔ tǝm Suriya jǝbɔ Kilikiyaɨ. Nǝ yal jen nɛ.
Kanga nǝn mal nugɔ nǝn kuwo Sayifurus lɛɨ, tǝm nɨ a tɨbǝl wɨmaɨ, nǝn ya gǝn nǝn kang fɔlɔng. Nǝngɔ nǝn ja kǝga nǝn yɔmɨ, nǝn yɔ a tǝm Suriyaɨ. Nǝngɔ nǝn gǝla a Tayaɨ. N daagɔ tɨyamwɛngɔ shigʌm kanjǝl gǝnɔ lɛ a doi.
Nǝngɔ a tǝl sʊwatǝm kɛl Kwaamaɨ nǝn kwaan gǝnɔ a kan mɛlalɨɨ. Bilkisu jǝbɔ Akila ja nyʊwa kɛl gǝnɨ, nǝngɔ ja gʊ gǝn a kelii. Nǝngɔ ja sʊ gǝm nyǝmtǝmɔ a gola Kwaamaɨ dangǝnɨ.
Nǝn kwama Afolos swɨ lɛ ya dʌng tǝm Akayagɨɨ, nǝb bwangtǝmɔ a tɨka gǝn. Ja mʊla nǝb bwangtǝmɔ gǝm a Akayaɨ sǝ ja yo gǝn kangɔ yo. A la fʌleni, a yǝlam gʌleng nǝ tɨkalɨ a daagɔ nǝb bwangtǝmɔ woi, nǝb nɨ a gola lǝmaɨ, ja nǝ bɨlǝngkɛlɨ.
