17 A gǝnɔ a ja kǝga nǝn maatǝm kanjǝlɔ, sǝ a nʊng gɔ gǝ wo. A maa jǝ nyan a gola nǝtǝm jen mwɛ kwama jǝbɔ shena nɨ dǝg bwili kʌsotǝmɔ lɛɨ. Nǝn gɔ nǝ jen jǝjalǝn nɛɨ. Nǝn gɔ dǝg jen fulotǝm nǝl lɛɨ.”
Nǝb shilo yooli nɨ kǝngkɨɨ, bɛ ń gʊ jim lɔl, ka ja gung lɛ dul, ka ja ya lɛ nǝl a shilo nɨ mɨsɔ tɨ lɛ a kʊtaɨ. Bɛ ja ya nǝl jinɔ a daa Kwaama woi, wʊnɨ nǝ bǝn kanjǝlɔ lɛ gwam na nyʊwatǝm lǝma bǝnɨ.
Jǝ́ swɨ nǝb kiim jenɔ, jǝ́ maa jim jǝ nya. Jǝ́ nǝ nǝbɔ naan ka jǝ́ bʊʊla lɛ ywatǝmɔ. Maatǝmɔ nyɨɨ jǝ́ nya nya bwili nɨ a ladaɨ a dʌbʌl. Jǝ́ yǝlam yǝlam bɛtɔ lɔ nʊ nɨ a Laa Dʊʊlǝnɨ. Nǝn gɔ maa jǝ nya lɛ a nǝb nɨ mɨ buu kang lɛɨ jǝbɔ nǝb bwɨlamɨ.
