2 Timoti 2:21 - Dadiya NT

²¹ Nʊ nɨ a saalǝm dul gǝnɔ a kanjǝl nɨ kal gǝn nɛɨ, yǝlam yǝlam nǝ maajɨ nyan, nǝ sagsag, nʊ nɨ Tɛlalɔ maa maajɨ lɛ nǝn gɨɨ, a fɛka sǝ a maa maajɨ nyan gwamɨ.

2 Timoti 2:21 交叉引用

2 Timoti 3:17

sǝ bwɛ jwaalɛ Kwaamaɨ a yii dǝngdǝng nǝn fɛkalɨ dangǝn a maajɨ nyan gwam.

Afisa 2:10

Bǝn bǝ kanjǝl maajɨ Kwaamaɨ. A fwal bǝn a mʊgɔ Kiristi Yesui, sǝ bǝ maa maajɨ nyantɨn nɨ Kwaama a fɛka nǝn tɨkǝga gɔ bǝ maaɨ.

2 Korinti 7:1

Jǝ́ nǝbɔ mǝ swɨ lɛɨ, Kwaama a kwɛl a maa bǝm swatǝm yaatɨn. Na gǝ na nyɨɨ, bɛ bǝ saalǝm dul bǝnɔ a kanjǝl nɨ dǝg bʊtɔ bǝnɔ lɛ jǝbɔ nǝl bǝnɔ a dutoi. Bɛ bǝ yɨ yɨm sagsag dangǝn a gola nǝtǝm Kwaamaɨ dʊʊn.

1 Bitrus 1:22

Jǝ́ saalǝm dul jenɔ, a gola nǝtǝm bɨlǝngkɛl. N jʊ a bwɨ kǝngkǝnɨ jǝ́ nʊng swɨkan nyan nɛ a kɛtǝlam jenɔ gǝm nǝlɔ wini. A kɛl dul jʊ nɨɨ, bɛ jǝ́ ja kǝga nǝn swɨkan nɨ a kʊm jen nǝn sʊtǝm kwaan.

1 Yohana 3:3

Gwam nʊ nɨ a ya nǝl a daa gǝ woi, a saalǝm dul gǝnɔ a yǝlam sagsag, kanga gǝ sagsagɨ.

2 Timoti 2:20

A mʊgɔ lɔng dʊʊn, kanjǝl maatǝm maajɨgɔ ke bɔ a mʊn jǝbɔ a maalʊ kwaaji woi, a tɨyagɔ jǝbɔ a boligɔ wo. Kaamɨ na maatǝm maajɨ nyan. Kaamɨ ke bɔ na maatǝm maajɨ nyan.

Titus 3:8

Kɛl nɨ n bɨlǝngǝn. Mǝ swɨ lɛ ń tɨ kwaan kanjǝl nɨ dangǝn, sǝ nǝb nɨ a nǝ bɨlǝngkɛl a daa Kwaama woi ja nǝ dul jinɔ a maatǝm maajɨ nyantɨn. Kanjǝl nɨ na a nyan. Nǝn gɔ kanjǝl tɨkalɨ a daagɔ nǝbɔ woi.

Maajɨ Bɛtɔ Twamagɨɨ 9:15

Nǝngɔ Tɛlalɔ a sʊwa gǝn gɔ, “Mɔ, yɔ! N nʊ nɨ mǝ jǝgǝm jǝgǝmɨ sǝ a maa maajɨ mǝndɨ, sǝ a sʊwa fulon dun mǝndɨ a daagɔ Bʌtʌbɔ woi, jǝbɔ fɔlɔlɔm jini, jǝbɔ nǝbɔ Israilaɨ.

1 Bitrus 1:7

Gaalantɨn nɨ a bɛ sǝ a nʊng nǝtǝm bɨlǝngkɛl jenɔ n dǝngdǝng. (Nǝtǝm bɨlǝngkɛl nɨ a laa mʊnɔ kemʌni, mʊnɔ dɨ dɨ, jǝ tɛl gǝn tɛl nǝn kǝla). N kɛl dul nǝtǝm bɨlǝngkɛl jenɔ, Kwaama nǝ jen bǝlátǝm lɛɨ jǝbɔ dʊʊn jǝbɔ gungtǝm nǝn kwama Yesu Kiristi bɛm lɛɨ.

1 Korinti 5:7

Bɛ jǝ́ jǝgǝm yisti galɨ nɨ, sǝ jǝ́ yǝlam bʊtɔ fɨ, maamɔ n bɨlǝngǝn jǝ́ na nyɔ. Jʊ a bwɨɨ ja kwɛl ja biyo Bɛ Gal bǝnɔ a Dikulom Yabtǝm, wʊnɨ nǝn Kiristii.

Titus 3:14

Bɛ nǝbam bǝnɔ a mɛla kwaan maatǝm maajɨ nya a tɨkalɨ komtǝm nǝbɨɨ, kage ja yɨ bwɨlang yɨm nǝn kwan.

Titus 3:1

Bɛ ń bʊʊla nǝbam mʊnɔ gǝm ya ja nǝ nǝb maatǝm borangɔ jǝbɔ nǝb fɔlɔnɔ dʊʊn nɛ. Ya ja bwangtǝn kɛl jinɔ lɛ. Ja yɨ nǝn fɛkalɨ maatǝm maajɨ nyan.

2 Korinti 9:8

Kwaama nǝn kwaan a nǝ jen a laa jʊ jǝ́ saa lɛɨ, dɨsɔ jǝ́ yǝlam nǝb nyatǝm kwangkwang nǝn kanjǝlɔ a golantɨnɔ gǝm gwam, sǝ jǝ́ dem kang a nǝtǝm jenɔ gǝm a maajɨ nya gwam.

1 Timoti 6:11

Mɔ bwɛ jwaalɛ Kwaamaɨ, bɛ ń mwal bwɨlang kanjǝl nɨ. Bɛ ń dǝg dul mʊnɔ a maajɨ nɨ dǝngdǝngɨ, jǝbɔ bwangtǝm Kwaamaɨ, jǝbɔ nǝtǝm bɨlǝngkɛl, jǝbɔ swɨkan, jǝbɔ kʊtǝm nǝl, jǝbɔ yʌbtǝm dul.

2 Timoti 2:16

Bɛ ń tɨ a kʊta kʊtaɨ a sʊwalatǝm kɛl nɨ bɛ lɛ nǝn kaltǝm kɛl Kwaamaɨ. Gǝ dǝg dǝg nǝbɔ a sʊtǝn maatǝm kanjǝl nɨ mɨ dʊʊl Kwaama lɛɨ.

2 Timoti 4:11

Nǝn Luka kwaagɔ win jǝbɔ mǝɨ. Bɛ ń do Markus jǝ́ bɛ dakini, jʊ a bwɨɨ tɨka ɨ tɨka ɨ a mʊgɔ maajɨ mǝndɨ gǝm.