12 Nǝb nɨ nǝn nǝ ji diil lɛ, nǝn kel ji lɛ a mʊgɔ dun Tɛlalɔ Yesu Kiristii, bɛ ja ta dul a maatǝm maajɨ dangǝn, ya ja ja lɛ nǝn dul jinɔ.
Jǝ́ sʊtǝn kwaan, jǝ́ yɨ yɨm kwamɨgǝn, jǝ́ fɛ jǝ́ dʌng kanjǝl nɨ a kǝga jeni, jǝ́ maa maajɨ nǝn kang jenɔ, kanga nǝn sʊwa jeni.
Nʊ nɨ kuu kuul lɛɨ, ka ga ja lɛ kǝga nǝn kuulɔ. Na bʊm bʊm ga yǝla ga maa maajɨ nyan nǝn kang gǝn, sǝ ga nya jʊ nɨ gǝ nǝ nǝb bʊnǝnɔ lɛɨ.
Nǝn ja bɔ jǝjalǝn jenɔ nǝn kwan. Nǝn nɔɔ gaalan jǝbɔ gʌtǝm. Nǝn maa maajɨ lɛ kum jǝbɔ kɔkɔ kage nǝn ya jem tuulo.
A dɨltǝmɔ gǝmɨ kambɔ, nǝn kela jen nɛ, nǝn ga jem diil lɛ a kɛl Tɛlalɔ Yesui sʊwa lɛ gɔ, jǝ́ yɨ yɨm nɨ yɔ lɛ dǝngdǝng, jǝ́ fulo Kwaama gǝm nǝl, kanga jǝ́ mɛla a daa nǝn woi. Kanga jǝ́ maam lɛ kǝngkɨɨ, bɛ jǝ́ sʊtǝn maatǝmɔ nyɔ nǝn bɨlǝngǝn.
Nǝ bǝn jǝjalǝn dwiyenɔ jǝbɔ a tangǝn kumtɨnɔ.
Jǝ́ maa fɔlɔlɔmɔ gǝm keli jǝbɔ nǝb dʊʊmɔ, sǝ bǝ nya yɨm lǝma kʊlɨgɔ kwamɨgǝn, yɨm nɨ a daa tʌgo a kɛl Kwaamaɨ jǝbɔ yɨm sagsag.
