2 Korinti 9:2 - Dadiya NT

² Jʊ a bwɨɨ, n nyǝm jǝ́ nǝn a nǝl jen jǝ́ maa tɨkalɨ. Mǝ maa lɨyal lɛ nǝn jen a dul jʊ nɨ a daa nǝbɔ Makidoniyaɨ woi. Mǝ sʊwa ji lɛ mǝʊ mʊrkalɨ nǝb bwangtǝm Kwaamaɨ nɨ a tǝm Akayaɨ ja maa fɛkalɨ jol nɨ a shui. Jʊ jǝ́ swɨ maatǝmɔ lɛɨ, a gung kɔrɔ jinɔ gǝm nǝl nǝtǝm.

2 Korinti 9:2 交叉引用

2 Korinti 8:10

A dul kɛl nɨ gǝmɨ, sʊtǝm yʊlan mǝndɨ n wɔ. A laa jem jǝl kǝngkɔ jǝ́ tagǝm maatǝm jʊ nɨ jǝ́ tǝl maatǝmɔ kɛlǝnɨ, wʊnɨ jǝ́ maa nǝn jǝlatǝm jeni.

2 Korinti 8:8

N ke bɔ diil mǝ ga jem lɛɨ. Mǝ tɛl swɨkan nyan jenɔ sǝ n mʊrka jǝbɔ nǝtǝm dul kaam nǝbɨɨ, sǝ n nyǝm swɨtǝm jenɔ n dǝngdǝng.

2 Korinti 8:24

Gǝ na nyɔ bɛ jǝ́ nʊng nǝb nɨ swɨtǝm jenɔ. Bɛ jǝ́ nʊng lɨyal nɨ nǝ maa lɛ nǝn jeni n bɨlǝngkɛl, sǝ mʊrkalɨtɨn nǝb bwangtǝm Kwaamaɨ a kuwo.

Ibranii 10:24

Bɛ ya bǝ dʌngko lɛ sǝ bǝ kʊʊka nǝl, bǝ swɨka lɛ jǝbɔ maatǝm jǝ nyan.

1 Korinti 16:15

Kambɔ, jǝ́ nyǝm nyɔ nǝbɔ lɔ Istifanusi nǝji ja nǝ bɨlǝngkɛl nǝn tɨkǝga a tǝm Akayaɨ, ja dǝg dul jinɔ dangǝn a maatǝm tɨkalɨ nǝb sagsagɨɨ. Mǝ kela jen nɛ kambɔ,

1 Tasalonikaɨ 1:7

N jʊ a bwɨ jǝ́ yǝlam jǝ mɛlalɨ a nǝb nǝtǝm bɨlǝngkɛl nɨ gwam a tǝm Makidoniyaɨ jǝbɔ Akayaɨ.

2 Korinti 8:19

A sʊtǝnɨ, mʊrkalɨtɨn nǝb bwangtǝm Kwaamaɨ a jǝgǝm gǝn ya yɔ lɛ dakini jǝbɔ nǝnɨ, kanga nǝ do kemʌn nɨ ja nǝɨ. Nǝ maa maajɨ nɨ sǝ a gung dʊʊlǝn Tɛlalɔɨ, sǝ a nʊng tɨkalɨgɔ nǝn swɨ lɛ nǝn maaɨ.

2 Korinti 7:4

N jǝla nǝn jen dangǝn. Mǝ maa lɨyal lɛ nǝn jen dangǝn. Jǝ́ kʊʊ mɨ nǝl lɛ dangǝn. A mʊgɔ gaalan nǝnɔ gǝm gwam, mǝ maa fulotǝm nǝl lɛ dangǝn.

2 Korinti 1:1

Nǝmǝ mǝ Bulus, bwɛ twama Kiristi Yesui nǝn jǝlatǝm Kwaamaɨ, nǝbɔ kɨla bǝn Timoti. Nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Korintii, jǝbɔ nǝb sagsag nɨ pʌd a tǝm Akayaɨ.

Maajɨ Bɛtɔ Twamagɨɨ 18:12

Kwama nɨ Galiyo maam fɔlɔn tǝm Akaya lɛɨ, Yahudawagɔ a mʊrkam nyiyo ja gun tʌgo a Bulus gǝm. Nǝngɔ ja yɔ nǝn gɔ a kǝga nǝb borangɨɨ.

Maajɨ Bɛtɔ Twamagɨɨ 24:17

“Mǝ maa joltɨnɔ a gǝlalaɨ, nǝngɔ mǝ yǝla mǝ bɛ a Urushalima sǝ ba n maa tɨkalɨ nǝn kemʌn a daa nǝbam nǝnɔ nɨ nǝn komtǝmɨ, sǝ n tǝla Kwaama gǝm twama.

Roma 15:26

Nǝbɔ Makidoniyaɨ jǝbɔ nǝbɔ Akayaɨ, ja nyʊwa lǝma nǝtǝm tɨkalɨ a dul nǝb bʊnǝnɔ gǝm a mʊgɔ nǝb sagsag nɨ a Urushalimaɨ.

2 Korinti 7:14

N sʊwa gǝn mǝʊ mǝ maa lɨyal lɛ nǝn jen. Mǝ nyʊwa bɔ gunidul. Kanga kanjǝl nɨ nǝ sʊwa jen gwamɨ n bɨlǝngkɛlɨ, maatǝm lɨyal nǝnɔ nǝn jen a nu Titusi a nʊng n bɨlǝngkɛl tǝgǝn.

2 Korinti 8:11

Kǝngkɔ jǝ́ tagǝm maajɨ nɨ jǝ́ tǝl nǝnɨ, sǝ a nʊng jǝ́ swɨ maatǝm gǝnɔ lɛ. Jǝ́ nǝ a kwaan nyatǝm jenɔ gǝm.