2 Korinti 8:10 - Dadiya NT

¹⁰ A dul kɛl nɨ gǝmɨ, sʊtǝm yʊlan mǝndɨ n wɔ. A laa jem jǝl kǝngkɔ jǝ́ tagǝm maatǝm jʊ nɨ jǝ́ tǝl maatǝmɔ kɛlǝnɨ, wʊnɨ jǝ́ maa nǝn jǝlatǝm jeni.

2 Korinti 8:10 交叉引用

Ibranii 13:16

Ka jǝ́ bǝla lɛ maatǝm jǝ nyan jǝbɔ tǝgatǝm kanjǝlɔ jǝbɔ ji. Jʊtǝb nɨ a maa na tǝlatǝm twama wʊnɨ fulo Kwaama gǝm nǝl lɛɨ.

2 Korinti 9:2

Jʊ a bwɨɨ, n nyǝm jǝ́ nǝn a nǝl jen jǝ́ maa tɨkalɨ. Mǝ maa lɨyal lɛ nǝn jen a dul jʊ nɨ a daa nǝbɔ Makidoniyaɨ woi. Mǝ sʊwa ji lɛ mǝʊ mʊrkalɨ nǝb bwangtǝm Kwaamaɨ nɨ a tǝm Akayaɨ ja maa fɛkalɨ jol nɨ a shui. Jʊ jǝ́ swɨ maatǝmɔ lɛɨ, a gung kɔrɔ jinɔ gǝm nǝl nǝtǝm.

1 Korinti 7:40

A kuwotǝm mɨ, nɔɔlɨ nɨ nyʊwa nyʊwa lǝma, na ga yɨ nyɨɨ. A kuwotǝm mɨ, mǝ nǝngǝn nǝn Yʊwa Kwaamaɨ.

1 Korinti 7:25

A dul nɔɔtǝm nɨ a naa bɔ batǝm woi, mɨ mǝ nǝn jʊ nɨ Tɛlalɔ a sʊwa ɨɨ. Mǝ sʊwa jen kɛl nɨ a kuwotǝm mǝndɨ mǝ nʊ nɨ ja jǝla nǝn mǝ a lǝma Tɛlalɔɨ.

Filibii 4:17

Mǝ sʊwa bɔ mǝʊ mǝ saa lǝma a daa jen woi. Mɨ nyɔ. Mǝ swɨ lɛ jǝ́ nya jʊ nɨ sʊ jem bwili lɛ a nǝtǝmɔ jǝ́ maa lɛɨ.

2 Korinti 8:8

N ke bɔ diil mǝ ga jem lɛɨ. Mǝ tɛl swɨkan nyan jenɔ sǝ n mʊrka jǝbɔ nǝtǝm dul kaam nǝbɨɨ, sǝ n nyǝm swɨtǝm jenɔ n dǝngdǝng.

1 Korinti 16:2

Na nǝn dibɨlɨɨ, bɛ gwam jenɔ jǝ́ saa kemʌn ya jǝ́ ya lɛ dǝngdǝng nyatǝm jenɔ. Ka jǝ́ yam lɛ na n bɛɨ, sǝla jǝ́ mʊr tɨkalɨ jenɔ.

2 Korinti 12:1

Jǝ́ sɨna mɨ gɔ n maa lɨyal. Lɨyal nɨ a sʊ mɨ bɔ kaa jǝl. Mǝ ja ja kǝga nǝn dʊgam nyangnyang jǝbɔ kanjǝlɔ Tɛlalɔ a nʊng ɨɨ.

Yohana 11:50

Jǝ́ kuwo bɔ ka? A laa jǝl nǝl win a bʊla a dul nǝbɨɨ, na bǝlǝntǝmɔ gwam kala kalaɨ.”

Matta 10:42

Nʊ nɨ a nǝ win a kʊm bɛtɔ twama nɨ mwɛ yʌbʌm nǝn bɛ kʌshii, jʊ a bwɨɨ n bwɛ mɛlalɨ mɨɨ, n bɨlǝngǝn mǝ sʊwa jen nɛɨ, mɨsɔ lɛ lǝma gǝnɔ lɛ wo.”

1 Korinti 10:23

“Kanjǝlɔ gwam n jǝ jǝlatǝm.” Ke bɔ kanjǝlɔ gwam n jǝ nyaɨ. “Kanjǝlɔ gwam n jǝ jǝlatǝm.” Ke bɔ kanjǝlɔ gwam bɛ lɛ nǝn mɔtǝmɨ.

1 Korinti 6:12

Kaam jenɔ gɔ, “Kanjǝlɔ gwam ja jǝla mɨ maatǝmɔ.” Nǝngɔ mǝ sʊwa mǝʊ, “Ke bɔ kanjǝlɔ gwam n jǝ nyaɨ.” Kaam jenɔ gɔ, “Kanjǝlɔ gwam ja jǝla mɨ maatǝmɔ.” Nǝngɔ mǝ sʊwa mǝʊ, “Mɨsɔ mǝ yǝlam bwɛ jwaalɛ kanjǝl lɛ.

Yohana 18:14

Kayafa nǝn gɔ a sʊ Yahudawagɔ gǝm yʊlan gɔ laa jim laa jǝl nǝl win a bʊla a dul nǝbɨɨ a lada.

Yohana 16:7

Mǝ sʊwa jen bɨlǝngkɛlɔ lɛ, mǝ shu sǝ ya n maa jʊ nɨ a bʊm jemi, jʊ a bwɨɨ na mǝ shu bɨɨ, Nǝ tɨkalɨgɔ mɨsɔ bɛ lɛ. Na n yǝla shui, dɨsɔ la n twam jem gɔ.

2 Korinti 8:6

Nǝn kuwo nyɨɨ, nǝngɔ nǝn kel Titusi, jʊ a bwɨɨ nǝn gɔ a tǝl maajɨ nǝtǝmɔ a kʊm jeni, nǝn gɔ tagǝm lɛɨ.