2 Korinti 6:1 - Dadiya NT

¹ Kanga nɨ nǝn maa maajɨ lɛ nǝbɔ Kwaamaɨ, nǝn kela jen nɛ ka jǝ́ yo lɛ lǝma Kwaamaɨ nǝn kwan.

2 Korinti 6:1 交叉引用

Ibranii 12:15

Bɛ jǝ́ fɛ jǝ́ dʌng, mɨ nʊ nɨ wo lɛ nyatǝm lǝma Kwaamaɨ lɛɨ, kage kaa nǝ nʌl tuuli a na a kʊm jen, a bɛ nǝn kutʌm jǝbɔ kaltǝm nǝbɨɨ a lada.

1 Korinti 3:9

Nǝn nǝ fatǝm maajɨ Kwaamaɨ. Jen jǝ́ tɔtwam Kwaamaɨ, mɔtǝm Kwaamaɨ tag.

1 Bitrus 4:10

Kwaama a nǝ jen nǝtǝm win win. Bɛ ya jǝ́ tɨkaka lɛ nǝn, jǝ́ ta swatǝm yaa nɨ Kwaama a nǝ jen a mʊgɔ lǝma gǝnɨ.

Galatiya 2:21

Mǝ kɔ bɔ lǝma Kwaamaɨ. Na na gola bwangtǝm diil nǝbɔ yǝlam nǝb dǝngdǝng lɛ a kǝga Kwaamaɨ, na Kiristi a bʊla nǝn kwan.

Ibranii 12:25

Jǝ́ fɛ jǝ́ dʌng kage jǝ́ kɔ Kwaama nɨ sʊwa kɛl nɨ lɛɨ. Na nǝb nɨ a kɔ nyʊwatǝm nʊ nɨ gʊ jim lɔl lɛ a yooli nɨɨ ja bʊʊ bɨɨ, la maa nyǝn bǝ bʊʊ lɛɨ, na bǝ kɔ nʊ nɨ gʊ lɔl bǝnɔ lɛ a dʌbʌl kwamaɨ?

Roma 12:1

A dul kɛl nɨ kambɔ, mǝ kela jen nɛ a dul bʊnatǝm Kwaamaɨ, jǝ́ nǝ bʊtɔ jenɔ jǝ twɨtǝm yulʌn wʊnɨ nǝn kʊlɨɨ, wʊnɨ sagsagɨ, wʊnɨ fulo Kwaama gǝm nǝl lɛɨ. Wʊnɨ nǝn gɔ bǝlátǝmɔ nyangǝnɨ.

Galatiya 3:4

Gaalan nɨ jǝ́ nɔɔ a golantɨnɔ a gǝlala nyɨɨ, a kala nǝn kwan ka? N mɨ nǝn kaa jǝl.

Maajɨ Bɛtɔ Twamagɨɨ 14:3

A dul kɛl nɨ Bulus jǝbɔ Barnaba ja yɨ wo a kʊta dangǝn. Jǝ kiyo kɛl Tɛlalɔɨ lɛ nǝn kwaan. Kwaama a nʊng gɔ kɛl nɨ ja sʊwa a kɛl dul lǝma gǝnɨ n bɨlǝngkɛl a gola nǝtǝm ji kwaan nʊngtǝm kanjǝl jǝbɔ maatǝm kanjǝl laatǝm kang.

Titus 2:11

Mɛla jim nyɔ jʊ a bwɨɨ, lǝma Kwaamaɨ a bɛ sǝ a bʊʊ nǝn nǝbɔ gwam.

Matta 23:37

“A laa dɨsɔ jǝ́ nǝbɔ Urushalimaɨ, jǝ́ nǝbɔ Urushalimaɨ nɨ jǝ́ jʌbo nǝbkuwotǝmkǝgagɨɨ, jǝ́ mala nǝb nɨ ja twam ji a daa jen woi nǝn tɛl ja bʊlalaɨ! Naa nyǝn mǝ swɨ lɛ n dǝg jen a mʊgɔ gaamɨ mǝndɨ gǝmɨ, kanga jangagɔ gǝ dǝgam bɛlɨ gǝnɔ lɛ a mʊgɔ bɨlǝn gǝnɨ, jǝ́ kɔɨ!

2 Korinti 10:1

Mǝ Bulus nǝn kang mɨ mǝ kel jen nɛ nǝn shigtǝm dul jǝbɔ nǝl yʌbi a Kiristii. Nǝbɔ sʊwala lɛ gɔ mǝ nǝ taal na mǝ a kʊm jeni. Mǝ nǝ sʊwatǝm kɛl nǝn kwaan na n bǝla jeni.

Maajɨ Bɛtɔ Twamagɨɨ 11:23

Bɛtǝm gǝnɔ, nǝngɔ a kuwo lǝma Kwaamaɨ a maa jimi, a maa fulotǝm nǝl. Nǝngɔ a kʊʊ jim nǝl gɔ ja tɨ nǝn bɨlǝngkɛl a bwangtǝm Tɛlalɔɨ nǝn nǝl jinɔ gwam.

1 Tasalonikaɨ 3:5

A dul kɛl nɨɨ, mǝ mwɨ bɔ n bwa nǝl a kʊtaɨ, nǝngɔ mǝ twam dɨsɔ n nyʊwa fulon nǝtǝm bɨlǝngkɛl jeni. Mǝ sa lɛ mǝʊ kage nǝ tɛltǝm nɨ a tɛl jen, gaalan maajɨ nǝnɔ a yɔ mwɛ nǝn kwan.

Ibranii 4:1

Kanga nɨ swatǝm yaa dɔtǝm daa fǝbtǝm gǝnɔ woi, bɛ bǝ maa dʌngtǝm dangǝn, kage kaa a kʊm jen a gaa dɔtǝmɔ.