2 Korinti 5:9 - Dadiya NT

⁹ Na nǝ na a mʊgɔ bʊtɔ nɨɨ, na nǝ wʊlaka jǝbɔ bʊtɔ nɨ, swɨtǝm nǝnɔ nǝ fulo gǝm nǝl.

2 Korinti 5:9 交叉引用

Kolosii 1:10

Nǝn kela Kwaama lɛ nyɔ sǝ jǝ́ yɨ yɨm nɨ a daa tʌgo a bwangtǝm Tɛlalɔɨ. Jǝ́ fulo gǝm nǝl lɛ a golantɨnɔ gǝm gwam. Jǝ́ maa maajɨ nyan nɛ nǝn dʌmʌn. Jǝ́ sʊ lɛ nǝn nyǝmtǝm Kwaamaɨ.

Roma 14:18

Pʌd nʊ nɨ maa Kiristi gǝm maajɨ lɛ a gola nɨɨ, n jǝ yotǝm a daagɔ Kwaama woi. N nǝ jǝlatǝm a daagɔ nǝbɔ woi tag.

2 Bitrus 3:14

A dul kɛl nɨɨ, kɛtǝlam mɨ nɨ mǝ swɨ lɛɨ, nǝn kwama jǝ́ yam kanjǝl nɨ lɛɨ, jǝ́ maa kwaan ja nya jen mɨ jen nǝn kʊlan, mɨ jen nǝn duto. Jǝ́ maa kwaan ja nya jen jǝ́ yɨ yɨm lǝma a kǝga gǝn.

1 Timoti 4:10

N dul kɛl nɨ bǝ dɔta lɛɨ, jʊ a bwɨɨ bǝ ya nǝl bǝnɔ a daagɔ Kwaama nɨ nǝn Kʊlɨɨ, wʊnɨ nǝn gɔ Nǝbʊʊlɨ nǝbɔ a yoolii gwamɨ, a ga keli a nǝb nɨ a nǝ bɨlǝngkɛlɨ.

1 Tasalonikaɨ 4:11

Jǝ́ sʊtǝn kwaan, jǝ́ yɨ yɨm kwamɨgǝn, jǝ́ fɛ jǝ́ dʌng kanjǝl nɨ a kǝga jeni, jǝ́ maa maajɨ nǝn kang jenɔ, kanga nǝn sʊwa jeni.

1 Tasalonikaɨ 4:1

A dɨltǝmɔ gǝmɨ kambɔ, nǝn kela jen nɛ, nǝn ga jem diil lɛ a kɛl Tɛlalɔ Yesui sʊwa lɛ gɔ, jǝ́ yɨ yɨm nɨ yɔ lɛ dǝngdǝng, jǝ́ fulo Kwaama gǝm nǝl, kanga jǝ́ mɛla a daa nǝn woi. Kanga jǝ́ maam lɛ kǝngkɨɨ, bɛ jǝ́ sʊtǝn maatǝmɔ nyɔ nǝn bɨlǝngǝn.

1 Korinti 15:58

Gǝ na nyɔ, kɛtǝlam mɨ nɨ mǝ swɨ lɛɨ, jǝ́ tɨ nǝn kwaan, ka kaa jǝl ya mǝg jen nɛ, kwangkwang jǝ́ maa maajɨ Tɛlalɔɨ nǝn kwaan bʊtɔ, jʊ a bwɨɨ jǝ́ nyǝm gaalan jenɔ a kɛl dul Tɛlalɔɨ, mɨsɔ yɔ lɛ nǝn kwan.

Roma 15:20

Kwangkwang mǝ swɨ lɛ n kiyo fulon kɛl lǝmɨ a daatɨn nɨ ja nyǝm bɔ Kiristi woi, kage n mɔ tʌgo a fʌlʌm kaa nǝlɨ.

Roma 14:8

Na bǝ yǝm nǝn kʊlɨɨ, n yɨm Tɛlalɔɨ bǝ maa lɛɨ. Na bǝ bʊlaɨ, bǝ bʊlam Tɛlalɔ. Na bǝ nǝn kʊlɨɨ, na bǝ bʊlaɨ, bǝ maam Tɛlalɔ.

Maajɨ Bɛtɔ Twamagɨɨ 10:35

Gǝ yo yo nǝbɔ a bǝlǝntǝmɔ gǝm gwam, nǝb nɨ nyʊwa taal gǝnɔ lɛɨ, jǝbɔ nʊ nɨ maa jʊ nɨ lɛ dǝngdǝngɨ, jǝbɔ maatǝm jʊ nɨ Kwaama swɨ lɛɨ.

Ibranii 12:28

A dul kɛl nɨ, bɛ bǝ buu kang, jʊ a bwɨɨ bǝ nya nya fɔlɔn nɨ mɨ mǝgatǝm woi. A na nyɔ tag bǝ maa Kwaama gǝm bǝlátǝm, jǝ yotǝm, nǝn taal jǝbɔ nǝtǝm dʊʊn nyan.

Ibranii 4:11

Bɛ bǝ maa kwaan dɔtǝm daa fǝbtǝm nɨ, kage kaa nǝl a gaa dɔtǝmɔ a dul bǝngɨ lɔl kanga tʊgalam bǝnɔ a maamɨ.

Kolosii 1:29

N jʊ a bwɨ mǝ maa maajɨ lɛ nǝn kwaan, mǝ dɔta lɛ nyangǝn nǝn gʌleng kwaan nɨ ga nɨ ɨɨ.

2 Korinti 5:8

Nǝn nǝn bɨtǝm nǝl. Nǝn swɨ lɛ na laa laa jǝl nǝn wʊlaka nǝn bʊtɔ nɨɨ, nǝn yɨ a daagɔ Tɛlalɔ woi.

2 Korinti 5:6

Gǝ na nyɔ kwangkwang nǝn nǝn kwamǝn nǝl. Nǝ nyǝm na nǝn nǝn bʊtɔ nɨɨ, nǝn kʊtaka jǝbɔ Tɛlalɔ.

Yohana 6:27

Ka jǝ́ gaala lɛ a dul jǝjalǝn nɨ kala lɛɨ. Bɛ jǝ́ gaala a dul jǝjalǝn nɨ mɨsɔ kala lɛ woi, wʊnɨ nǝ kʊlɨ lɛ mɨ dɨtǝm woi. Wʊnɨ nǝn gɔ jǝjalǝnɔ Bʊla Nǝlɨ nǝ jen nɛɨ. A dul Bʊla Nǝlɨ Kwaama Tɛtɛ a kwɛl a gatǝn mɛl gǝnɔ tʌgoi, a jǝla nǝnɨ.”

Afisa 1:6

A maa nyɔ sǝ bǝ bǝlá dʊʊlǝn lǝma gǝnɔ wʊnɨ a nǝ bǝn nǝn kwan a shu kwaan a mʊgɔ bʊla gǝ nɨ gǝ swɨ lɛɨ.