2 Korinti 5:11 - Dadiya NT

¹¹ Kanga nǝ nyǝm nǝn nyʊwa taal Tɛlalɔɨ lɛɨ, n jʊ a bwɨ nǝn gʊ nǝbɔ lɛ a daagɔ Kwaama woi. Kwaama a nyǝm nǝn, nǝn ya nǝl lɛ jen tʌjen gǝ na nyɔ a nǝl jen.

2 Korinti 5:11 交叉引用

Yahuza 1:23

Jǝ́ bʊʊ nǝn kaam nǝbɔ, maamɔ jǝ́ gʊm ji a kǝla. Tangǝn jinɔ jǝ́ ji bʊnǝn jinɔ nǝn nyʊwatǝm taal jʊ ja maaɨ a mʊgɔ nǝl jen, ka jǝ́ maa lɛ jʊ ja maaɨ. Jǝ́ sama kang a bɛllɛtɨn jinɔ gǝm wʊnɨ ja kal nǝn bwɨlang nǝl na yɨm nǝfilii.

Ibranii 10:31

N jǝ taal na nǝl a yal a nabwɨl Kwaama kʊlɨɨ.

Dʊgam Nyangnyang 20:15

Nʊ nɨ ja mʊla bɔ dun gǝnɔ a mʊgɔ langǝn bwangǝn kʊlɨɨ, jǝ mam gǝn fʌlen a mʊgɔ gʌto kǝla.

2 Korinti 6:1

Kanga nɨ nǝn maa maajɨ lɛ nǝbɔ Kwaamaɨ, nǝn kela jen nɛ ka jǝ́ yo lɛ lǝma Kwaamaɨ nǝn kwan.

2 Korinti 5:20

Gǝ na nyɔ, nǝn do nyiyo Kiristii, Kwaama gǝ jo nǝbɔ a gola nǝn. Nǝn kela jen nɛ a dul kɛl Kiristii, jǝ́ maa fɛkalɨ jǝbɔ Kwaama.

Maajɨ Bɛtɔ Twamagɨɨ 18:13

Nǝngɔ ja sʊwa gɔ, “Balɨ nɨ swɨ lɛ a dǝg nǝbɔ a bǝlá Kwaama a gola nɨ diilɔ a sʊwa gɔ ka ja maa lɛɨ.”

Luka 12:5

Mǝ sʊwa jen sʊwa nʊ nɨ jǝ́ nyʊwa taal gǝnɔ lɛɨ. Jǝ́ nyʊwa taal nʊ nɨ na a jʌ bʊtɔgɨɨ, nǝn kwaan a mal dʊʊmɨgɔ a mʊgɔ lɔ kǝlaɨ. Bɨlǝngkɛl mǝ sʊwa jen nɛɨ, nǝn gɔ nʊ jǝ́ nyʊwa taal gǝnɔ lɛɨ.

Galatiya 1:10

Jǝ́ kuwo lɛ mǝ swɨ lɛ n fulo nǝbɔ gǝm nǝl ka? Ke bɔ a Kwaamaɨ ka? Jǝ́ nyǝma lɛ jengɔ mǝ maa sǝ n fulo nǝbɔ gǝm nǝl ka? Mɨ nyɔ. Na na mǝ fulo nǝbɔ gǝm nǝlɨ, na mǝ yǝlam bɔ bwɛ jwaalɛ Kiristii.

2 Korinti 2:17

Jʊ a bwɨɨ nǝn na bɔ na nǝb nɨ a ladaɨ, nǝbɔ kiyo kɛl Kwaamaɨ lɛ sǝ ja nyam kemʌni. A nǝnɔ nǝn sʊwa bɨlǝngkɛl kanga Kwaama a gul nǝm bwiyeli, nǝn sʊwa nyɔ a kǝga Kwaamaɨ, na bɛtɔ jwaalɛn Kiristii.

Maajɨ Bɛtɔ Twamagɨɨ 28:23

Ja ya kumɔ ba jǝ mʊrkam lɛɨ, nǝngɔ ja bɛ a daa nɨ ga shigʌmi, ja bɛ a lada dangǝn. Jʊ a ta a kumsʌl a yɔ nǝn a kwaamɨɨ, fɛta ji kɛlɔ lɛ a dul fɔlɔn lɔ Kwaamaɨ, swɨ lɛ a gʊ ji a daa Yesu woi a gola diil Musaɨ jǝbɔ a langǝn bwangǝn nǝbkuwotǝmkǝgagɨɨ.

Maajɨ Bɛtɔ Twamagɨɨ 26:26

Fɔlɔgɔ a nyǝm katɨ nɨ. Mǝ sʊwa gǝn kɛlɔ mɨ taal wo. N nǝ bɨlǝngkɛl a nyʊwa jʊtǝb nɨ gwam, jʊ a bwɨɨ ke bɔ daddad ja maaɨ.

Maajɨ Bɛtɔ Twamagɨɨ 19:26

Jǝ́ nyʊwa lɛ, jǝ́ kuwo lɛ, ke bɔ fɔ a Afisa kwaagɔ, nyɔ a tǝm Asiya tǝgǝn, Bulus nɨ a nɔɔ dul nǝbɨɨ a lada. A yǝla nǝn ji sʊwa ji lɛ gɔ kwaamatɨn nɨ ja fɛ nǝn kangɨ, ke bɔ kwaamatɨn.

Maajɨ Bɛtɔ Twamagɨɨ 18:4

Nǝn Kum Fǝbtǝmɔ gwam Bulus gǝ gʊbka gʊbka jǝbɔ ji a kan mɛlalɨ. Swɨ lɛ a gʊ Yahudawagɔ jǝbɔ Bʌtʌbɔ sǝ ja nǝ bɨlǝngkɛl.

Maajɨ Bɛtɔ Twamagɨɨ 13:43

Kwama nǝbɔ a kwɨyam a kan mɛlalɨɨ, Yahudawagɔ a lada jǝbɔ Bʌtʌbɔ, nǝb nɨ bwangtǝn jǝfʊlǝn Yahudawagɨɨ lɛɨ, nǝngɔ ja bwang Bulus gǝm jǝbɔ Barnabaɨ. Ji tʌji ja sʊwa ji kɛl, ja gʊ lɔl jinɔ gɔ ja ja kǝga nǝn yɨm a mʊgɔ lǝma Kwaamaɨ.

Luka 16:31

“Nǝngɔ Ibrahim a sʊwa gǝn gɔ, ‘Na ja nyʊwa bɔ kɛl Musaɨ jǝbɔ a nǝbkuwotǝmkǝgagɨɨ, mɨsɔ jǝ jǝla lɛ, na nǝl a gun a bwaa a yɔ a daa ji woi.’ ”

Matta 25:46

Jǝ yɔ nǝn ji a daa mwɛtǝm nɨ mɨsɔ dɨ lɛ woi. Nǝb dǝngdǝngɔ jǝ yɔ nǝn ji a daa kʊlɨ nɨ mɨ dɨtǝm woi.”

Matta 10:28

Ka jǝ́ nyʊwa lɛ taal nǝb nɨ jʌ bʊtɔgɔ lɛ, mɨ ji nǝn kwaan nɨ jǝ jʌ dʊʊmɨgɔ lɛɨ. Jǝ́ nyʊwa taal nʊ nɨ nǝn kwaan jʌtǝm bʊtɔgɔ jǝbɔ dʊʊmɨgɔ a mʊgɔ lɔ kǝlaɨ.

Afisa 5:21

Bɛ jǝ́ nǝbka dul jenɔ a kɛl dul nǝtǝm Kiristii dʊʊn.

Ibranii 12:29

Jʊ a bwɨɨ, “Kwaama bǝnɔ n kǝla nɨ twɨm kanjǝlɔ lɛ gwamɨ.”