2 Korinti 5:10 - Dadiya NT

¹⁰ Gwam bǝnɔ bǝ tɨ tɨ a kǝga Kiristii sǝ a maa bǝm borang, sǝ bǝ nya ywatǝm maajɨgɔ bǝ maaɨ, nǝn kwama bǝn a mʊgɔ bʊtɔ nɨɨ, kɛna na a nyaɨ, kɛna ke bɔ a nyaɨ.

2 Korinti 5:10 交叉引用

Matta 16:27

Bʊla Nǝlɨ bɛ bɛ nǝn dʊʊlǝn Tɛtɛ gɨɨ jǝbɔ bɛtɔ twama gǝnɔ. Ywa ywa nǝbɔ win win a jʊ ja maaɨ.

Dʊgam Nyangnyang 22:12

“N wɔ, mǝ bɛ lɛ mɨsɔ kʊta lɛ! Lǝma mǝndɨ gǝ na a daa mǝ woi. Mǝ nǝ nǝ nǝbɔ pʌd a yɔ dǝngdǝng jǝbɔ jʊ ja maaɨ.

Afisa 6:8

Jǝ́ nyǝm Tɛlalɔ nǝ nǝ bwili a nʊ nɨ pʌd a maa jǝ nyaɨ, na gǝ bwɛɨ, na gǝ bwɛ jwaalɛɨ.

1 Korinti 4:5

A dul kɛl nɨɨ, ka jǝ́ biyo lɛ kaa borang kwama gǝnɔ a lǝga bɔ a la. Ka jǝ́ biyo lɛ borang sǝla Tɛlalɔ a bɛ, nʊ nɨ wʊ kanjǝl nɨ lɛ ja yʊ yʊɨ a mʊgɔ duddugi, sǝ a nʊng jʊ nǝlɔ swɨ lɛɨ. Nǝn kwama gɨɨ, Kwaama maa maa bǝlátǝm jinɔ gwam dǝngdǝng.

1 Bitrus 4:5

Jǝ kiyo kiyo jʊtǝb nɨ ja maaɨ a kǝga Tɛlalɔɨ, wʊnɨ a fɛka fɛkaɨ sǝ a maa nǝbɔ gǝm nǝn kʊlɨɨ jǝbɔ nǝb nɨ a bʊlalaɨ gǝm borangɨ.

Maajɨ Bɛtɔ Twamagɨɨ 17:31

A ya kum nɨ ba gǝ maam yooligɔ gǝm borang bɨlǝngkɛl lɛɨ, a daagɔ nʊ nɨ ga jǝgǝmɨ. Kwaama a nʊng nǝbɔ gwam jʊ nɨ a daagɔ nʊ nɨ a gung a bwaaɨ.”

Maajɨ Bɛtɔ Twamagɨɨ 10:42

Nǝngɔ a nǝ nǝn diil sǝ nǝn kiyo nǝbɔ gǝm kɛl Kwaamaɨ. A nǝ nǝn diil tag sǝ nǝn sʊwa nǝn gɔ Kwaama a jǝgǝm gǝn sǝ a maa nǝb nɨ kʊlɨgǝnɨ, jǝbɔ nǝbɔ a bʊla bʊlaɨ gǝm borangɨ.

Dʊgam Nyangnyang 2:23

Mǝ jʌbo jʌbo bɛtɔ lɔ gɨɨ, dɨsɔ daatɨn mʊrkalɨ nǝb bwangtǝm Kwaamaɨ ja nyǝm gɔ, nǝmǝ mǝ sǝb nǝlɔ lɛɨ jǝbɔ bʊʊlalɨ jini. Mǝ ywa ywa maajɨ jenɔ dǝngdǝng kanga jǝ́ maaɨ.

Roma 6:19

Mǝ sʊwa jen kɛl nǝfitʌmi, jʊ a bwɨɨ jǝ́ gɨya a bʊʊlalɨ jenɔ gǝm. Kanga galɨgǝn jǝ́ nǝ jinʌn bʊtɔ jenɔ a maatǝm jwaalɛn a maajɨ bwɨlanɨ, wʊnɨ sʊtǝn shil lɛɨ, kǝngkɔ bɛ jǝ́ nǝ jinʌn bʊtɔ jenɔ a bwangtǝm maajɨ dǝngdǝng, wʊnɨ yɔ lɛ nǝn jen jǝ́ yǝlam sagsagɨ.

2 Korinti 7:3

Mǝ sʊwa bɔ jʊ nɨ sǝ n kal jen. N kwɛl n sʊwa jen sʊwaɨ mǝʊ, nǝn ya jen a nǝl nǝn, na n bwaaɨ, na n yɨm nǝn kʊlɨɨ mɨsɔ wʊlaka bǝn nɛ.

Roma 2:16

Jʊ nɨ bwɨ nǝn kumɔ Kwaama maa nǝfitʌmɔ gǝm borang lɛ a gola Yesu Kiristii, a jʊ nɨ jǝ maa lɛ daddadɨ, kanga fulon kɛl lǝmɨ nɨ mǝ kiyo lɛɨ a sʊwaɨ.

Ibranii 9:27

Ja ya nǝfili gǝm bwaagɔ naa win swar. A gulɔ gǝmɨ n borang.