2 Korinti 4:10 - Dadiya NT

¹⁰ Kwangkwang nǝn na a nyiyo bwaa kanga ja jʌm Yesui, sǝ ja nʊng kʊlɨ Yesui a bʊtɔ nǝn.

2 Korinti 4:10 交叉引用

Roma 6:5

Na bǝ win bǝnɔ gɔ a gola bwaa gǝnɔ gǝmɨ, bǝ win bǝnɔ gɔ a guntǝm gǝnɔ gǝm a bwaa.

2 Timoti 2:11

Kɛl nɨ n bɨlǝngǝn sʊwa lɛ gɔ, Na bǝ bʊla dakini jǝbɔ gɨɨ, bǝ yɨ yɨ bǝnɔ gɔ tag.

1 Bitrus 4:13

Na jǝ́ nɔɔ gaalan na Kiristii, bɛ jǝ́ maa fulotǝm nǝl, sǝ na nǝn kwama a yǝla a bɛ a mʊgɔ dʊʊlǝn gǝnɨ, jǝ́ maa maa fulotǝm nǝl tag.

Roma 6:8

Na bǝ bʊla dakini jǝbɔ Kiristii, bǝ nǝ bɨlǝngkɛl bǝ yɨ yɨ dakini bǝnɔ gɔ.

2 Korinti 13:4

Ja kʊʊ Kiristi sul na nʊ nɨ a gɨya gɨyaɨ, kǝngkɔ nǝngǝn nǝn kʊlɨ nǝn kwaan Kwaamaɨ. Nǝn tǝnǝn nǝn gɨya na gɔ sul, nǝn nǝn kʊlɨ jǝbɔ gɔ a kwaan Kwaamaɨ, dɨsɔ nǝn maa jem maajɨ.

2 Korinti 1:5

Kanga bǝ nɔɔ gaalan nɛ a ladaɨ, wʊnɨ dǝngdǝng kanga Kiristi a nɔɔɨ, jǝ yʌb bǝm nǝl nyɔ a gola Kiristii.

Roma 8:36

Kanga a mʊla mʊlaɨ gɔ, “N kɛl dul mʊn bǝn a nyiyo bwaa kwangkwangɨ, ja do bǝn na kwamɨ biyotǝm.”

Kolosii 1:24

Kambɔ mǝ nyʊwa fulotǝm nǝl lɛ nǝn gaalan nɨ mǝ nɔɔ lɛ a kɛl dul jeni. A bʊtɔ mɨ mǝ yii tangǝn jʊ nɨ lɛ a taam a gaalan Kiristii, wʊnɨ ja ya mɨ a kɛl bʊtɔ gǝnɨ, wʊnɨ n mʊrkalɨ nǝb bwangtǝm Kwaamaɨ.

2 Korinti 1:9

Bɨlǝngǝn nǝn kuwo lɛ maamɔ ja mwatɨ nǝm borang bwaa. Jʊ nɨ a bwɨ kage nǝn ya nǝl a kwaan dul nǝn, na ke bɔ a daagɔ Kwaama woi, wʊnɨ gung nǝb nɨ lɛ a bwaaɨ.

Galatiya 6:17

A kǝga nɨ ka kaa nǝl ya yǝla lɛ a kom i tag, jʊ a bwɨɨ a bʊtɔ mɨ kʊlan dɛɛltɨnɔ wo nʊng lɛ gɔ mǝ bwɛ jwaalɛ Yesui.

Yohana 14:19

Kumtɨnɔ a bǝla nǝn dǝm nyɔ, yooli nɨ mɨsɔ kuwo i lɛ wo tag. A jenɔ jǝ́ kuwo i kuwo i. Jʊ a bwɨɨ n na nǝn dʊʊmɨ, jen tʌjen jǝ́ na na nǝn dʊʊmɨ.

Dʊgam Nyangnyang 1:17

Nǝn kwama mǝ kuwo gǝnɨ, nǝngɔ mǝ yal a kǝga gǝn na bʌlʌni. Nǝngɔ a ya mɨ kang jajǝng gǝnɔ a duli, a sʊwa ɨ gɔ, “Ka ń nyʊwa lɛ taal. Nǝmǝ mǝ tǝltǝmɔ jǝbɔ dɨltǝmɨ.

2 Korinti 4:11

Na nǝn nǝn kʊlɨɨ, nǝn na a nyiyo bwaa a kɛl dul Yesui, sǝ kʊlɨ Yesui a nʊng a bʊtɔ nǝnɔ nɨ na bwaaɨ.

1 Bitrus 4:14

Na ja tuwo jen a kɛl dun Kiristii, bwiligɔ na a jen, jʊ a bwɨɨ Yʊwa dʊʊlǝnɔ, Yʊwa Kwaamaɨ, gǝ na jǝbɔ jen.