2 Korinti 3:6 - Dadiya NT

⁶ Nǝn gɔ a nǝ nǝn kwaan nǝn yǝlam nǝb maajɨ swatǝm yaa fɨgɨɨ, wʊnɨ a bɛ a daagɔ Yʊwa Kwaamaɨ woi, ke bɔ a mʊlalɨ diil. Jʊ a bwɨɨ mʊlalɨ diilɔ gǝ bɛ nǝn jʌtǝm. Yʊwagɔ gǝ bɛ nǝn kʊlɨ.

2 Korinti 3:6 交叉引用

Yohana 6:63

Yʊwa Kwaamaɨ nǝn gɔ nǝ kʊlɨ lɛɨ, bʊtɔgɔ mɨ nǝn kaa kwaan wo. Kɛltɨn nɨ mǝ sʊwa jeni, n Yʊwa jǝbɔ kʊlɨ.

Roma 7:6

N wɔ kǝngkɔ bǝ nya yɨm dul. Bǝ bʊla bʊlaɨ a diil nɨ galɨgǝn a bwa bǝnɨ. A kǝngkɔ bǝ dwal bǝ maa maajɨ Kwaamaɨ lɛ nǝn yɨm fɨ a gola Yʊwa Kwaamaɨ. Ke bɔ a mʊgɔ mʊlalɨ diiltɨn galɨ.

Roma 8:2

Diil Yʊwa Kwaamaɨ nɨ nǝ kʊlɨ lɛ a mʊgɔ Kiristi Yesui, a jǝg ɨ a maajɨ bwɨlangkɛl jǝbɔ bwaa.

Ibranii 12:24

Jǝ́ la daagɔ Yesu woi, nʊ nɨ a tɨbǝl swatǝm yaa fɨɨ. Jǝ́ la daa tǝlatǝm tʊʊm nɨ sʊwa kɛl bʊmǝn nɛɨ, wʊnɨ a laa tʊʊm Habilaɨ.

Ibranii 7:22

N gola wɛɛlɨ nɨ Yesu a do tuulo swatǝm yaa nyan nɨ a tɨbǝl bǝn jǝbɔ Kwaamaɨ.

2 Korinti 3:14

Bʊʊlalɨ jinɔ a nʊng ji bɔ. A bɛ nǝn a kǝngkɨɨ, na jǝ kiyo kɛl swatǝm yaa galɨgɔ lɛɨ mɨ jǝ wumʌm dwang kwabtǝm nɨ lɛ, jʊ a bwɨɨ mɨsɔ jǝ wumʌm dwang kwabtǝm nɨ lɛ, na ke bɔ a gola Kiristii.

1 Korinti 15:45

A mʊla mʊlaɨ nyɔ gɔ, “Nǝ tɨkǝgagɔ nǝn Adamu a yǝlam nǝn kʊlɨɨ.” Adamu gulɔ n yʊwa nɨ nǝ kʊlɨ lɛɨ.

Roma 3:20

Mɨ nʊ nɨ wo yǝlam lɛ dǝngdǝng a kǝga Kwaamaɨ a gola kɨlatǝm diili, n gola diil bǝ kuwo bwɨlangkɛl bǝnɔ lɛɨ.

Ibranii 13:20

Bɛ Kwaama nɨ nǝ yɨm kwamɨgǝn nɛɨ, wʊnɨ a gung Tɛlalɔ bǝn Yesu a bwaaɨ, gʌleng nǝ tɔɔtǝm kwamɨ nɨ a gola tʊʊm nɨ nʊng swatǝm yaa nɨ lɛ mɨ dɨtǝm woi,

Luka 22:20

A gul jatǝm jǝjalǝnɔ gǝm, nǝngɔ a do kʌshigɔ a sʊwa gɔ, “N swatǝm yaa tʊʊm mǝndɨ wʊnɨ ja tǝla a kɛl dul jeni.

1 Korinti 11:25

A gul jǝjalǝnɔ gǝmɨ, nǝngɔ a do kʌshigɔ a sʊwa gɔ, “Kʌshi nɨ n swatǝm yaa fɨ, a wʊnɨ ja swa nǝn tʊʊm mɨɨ. Kwama nɨ gwam jǝ́ nɔɔm lɛ a kʌshi nɨɨ, bɛ jǝ́ nɔɔ sǝ jǝ́ bʊʊla nǝn mǝ.”

Matta 13:52

Nǝngɔ a sʊwa ji gɔ, “Gwam nǝ mɛlalɨ diil nɨ a yǝlam bwɛ mɛlalɨ a fɔlɔn lɔ Kwaamaɨ, gǝ na na tɛlalɔ nɨ a jǝg shilo fɨ jǝbɔ shilo galɨ a daa yatǝm jini.”

1 Bitrus 3:18

A Kiristii a bʊla naa win swar, mɨ sʊtǝm wo, sǝ a tʊngǝm bwɨlangkɛltɨn bǝnɔ. Nǝ dǝngdǝngɔ a bʊla a kɛl dul nǝb nɨ ke bɔ nǝb dǝngdǝngɨ, sǝ a yɔ nǝn bǝn a daagɔ Kwaama woi. Ja jʌ gǝn a bʊtɔ, a gung gǝn a Yʊwa.

1 Timoti 4:6

Na mʊ mɛla kambɔ gǝm kanjǝl nɨ lɛɨ, mʊ yǝlam yǝlam nǝ maajɨ nya a Kiristi Yesui, nʊ nɨ a dʊʊl a mʊgɔ kɛl nǝtǝm bɨlǝngkɛlɨ, jǝbɔ mɛlalɨ nyan nɨ mʊ bwangtǝn nɛ ba la nǝn dwiyeni.

Afisa 3:7

N yǝlam bwɛ jwaalɛ a maajɨ kiyotǝm fulon kɛl lǝmɨ nɨ, a dul lǝma nɨ Kwaama a nɨ ɨɨ, a gola kwaan gǝnɨ, kwaan gǝnɔ nɨ maa maajɨ lɛ a bʊtɔ mɨɨ.

Galatiya 3:21

Diilɔ maa kii lɛ jǝbɔ swatǝm yaa Kwaamaɨ ka? Ɔ ɔ, mɨ nyɔ. Na na ja bɛ nǝn kaa diil wʊnɨ dǝg lɛ bǝ bʊʊɨ, na bǝ nya nya dǝngdǝng Kwaamaɨ, na bǝ bwangtǝn diili.

2 Korinti 3:7

Ja mʊla diil Musaɨ a tɛl, wʊnɨ dɨltǝm gǝnɔ n bwaaɨ. Dʊʊlǝn Kwaamaɨ a nʊng kwama jǝ nǝm gǝn nɛɨ, nǝbɔ Israilaɨ a mwɨ bɔ a dʌng kǝga Musaɨ a betatǝm gǝnɔ gǝm, n wɔ n nʊ nɨ dumo lɛɨ.

1 Korinti 12:28

A mʊgɔ mʊrkalɨ nǝb bwangtǝm Kwaamaɨ, Kwaama a dǝg kaamɨ a yǝlam, na win, bɛtɔ twama, na yo, nǝbkuwotǝmkǝga, na taal, nǝb mɛlalɨ. Kaamɨ a nǝ ji lǝma na maatǝm jǝ laatǝm kang, kaamɨ a nǝ ji gungtǝm nǝb bɔɔlam, kaamɨ n nǝb tɨkalɨ, kaamɨ n nǝb nɨ yɔ lɛ nǝn mʊrkalɨ nǝb bwangtǝm Kwaamaɨ, kaamɨ n nǝbɔ sʊwa kɛl lɛ nǝn nyiyogɔ nǝn dʌmʌni.

1 Korinti 3:5

Nuwo nyɨ nǝn Afolosi? Nuwo nyɨ nǝn Bulus tagɨ? Jǝ ke bɔ jwaalɛb Kwaamaɨ ka? N nǝb nɨ jǝ́ nǝ bɨlǝngkɛl a gola jini, pʌd jinɔ jǝ nǝngǝn nǝn maajɨ nɨ Tɛlalɔ a nǝ ji dǝngdǝngɨ.

Roma 4:15

Jʊ a bwɨɨ, diilɔ gǝ gʊ gʊ nabwɨl Kwaamaɨ. Daa nɨ mɨ diil woi, mɨ kǝltǝm diil wo.

Yohana 5:21

Kanga Tɛ bwɛ gǝ gung bʌlʌnɔ lɛ nǝn kʊlɨɨ, gǝ na nyɔ Bwɛ nǝ nǝ kʊlɨ a nʊ nɨ gwam a swɨɨ.

Markus 14:24

Nǝngɔ a sʊwa ji gɔ, “Wʊnɨ nǝn gɔ tʊʊm swatǝm yaa mǝndɨ, wʊnɨ mǝ tǝla lɛ a kɛl dul nǝbɨɨ a ladaɨ.

Matta 26:28

Wʊnɨ n tʊʊm swatǝm yaa mǝndɨ, wʊnɨ ja tǝla nǝbɔ gǝm lɛ a lada a kɛl kǝlǝmtǝm bwɨlangkɛl jini.

2 Korinti 3:9

Na maajɨ swatǝm yaa galɨ nɨ a bɛ nǝn mwɛlɨ n jǝ dʊʊlǝnɨ, maajɨ swatǝm yaa fɨ nɨ bɛ lɛ nǝn dǝngdǝng Kwaamaɨ a laa dʊʊlǝn dangǝn!

Roma 4:17

Kanga a mʊla mʊlaɨ gɔ, “N dǝg ń ń yǝlam tɛ a bǝlǝntǝmɔ gǝm a lada.” Nǝn gɔ nǝn tɛtɛ bǝn a kǝga Kwaamaɨ, wʊnɨ ga nǝ bɨlǝngkɛl a daa gǝ woi. Nǝn gɔ nǝ kʊlɨ lɛ a bʌlʌntɨnɨ. Nǝn gɔ nǝn kwaan jotǝm jʊtǝb nɨ mɨ woi a yǝlam woi.

Roma 1:5

N daa gǝ woi bǝ yo lǝma, bǝ yǝlam bɛtɔ twama gǝnɨ, dɨsɔ bǝlǝntǝmɔ gwam a nǝ bɨlǝngkɛl nǝn shigtǝm dul, a kɛl dʊʊlǝn dun gǝn.

1 Yohana 1:1

Gǝ nɨ wo a tǝltǝmɨ, nʊ nɨ bǝ nyʊwa gǝnɨ, bǝ kuwo gǝn nǝn nu bǝnɨ, bǝ dʌng, kang bǝnɔ a ke tagɨ, n kɛl kʊlɨ nɨɨ nǝn sʊwa jen nɛɨ.

2 Timoti 1:11

N kɛl dul fulon kɛl lǝmɨ nɨ Kwaama a dǝg ɨ mǝ yǝlam nǝ kiyotǝm kɛl Kwaamaɨ, jǝbɔ bwɛ twama, jǝbɔ nǝ mɛlalɨɨ.

Afisa 2:5

A kwama nɨ bǝ bʌlʌntɨn a mʊgɔ bwɨlangkɛl bǝnɔ gǝmɨ, nǝn gɔ a nǝ bǝn kʊlɨ jǝbɔ Kiristii. (N gola lǝma Kwaamaɨ a bʊʊ nǝn bǝnɨ!)

1 Korinti 3:10

A dul lǝma nɨ Kwaama a nɨ ɨɨ, n swa fʌlʌm mɔtǝmɔ maa na nʊ nɨ a nyǝm mɔtǝmɨ. Kaa a sʊtǝn mɔtǝmɔ a dul gǝn. Bɛ nǝl a nyǝm mɔtǝm nɨ gǝ sʊtǝn nɛ a dul gǝnɨ.

Afisa 2:1

Galɨgǝn, jǝ́ bʌlʌntɨn a kɛl dul bwɨlantɨn jenɔ jǝbɔ bwɨlangkɛltɨn jenɔ.

2 Korinti 3:3

Jen, jǝ́ nʊng jǝ́ langǝn bwangǝnɔ a jel a daa Kiristi woi a gola maajɨ nǝn. Langǝn bwangǝn nɨ ke bɔ mʊlatǝm mwɛ. Ja mʊla nǝn Yʊwa Kwaama kʊlɨɨ. Ja mʊla bɔ a jǝ mʊlalɨ tɛl. Ja mʊla a mʊgɔ nǝl nǝbɨɨ.

2 Korinti 11:23

Na jǝ bɛtɔ jwaalɛn Kiristii, n laa ji tag. Mǝ sʊwa kɛlɔ na nǝ wabɨ! N laa ji maatǝm maajɨ dangǝn. A bwatǝmɔ ja bwa ɨɨ, mɨ kiyotǝm wo. Ja bʊg ɨ dangǝn. Mǝ na a nyiyo bwaa kwangkwang.

Ibranii 8:13

Nǝn kwama a sʊwa kɛl a dul swatǝm yaa fɨɨ, a nʊng na tɨkǝgagɔ a yǝlam a galɨ dangǝn, jʊ nɨ gʌlo lɛɨ, sʊ gʌlonɔ lɛ. Ya la dɨltǝm lɛ dangǝn.