Ja do nǝn nǝ fʌm fʌmi a kɛl dul Kiristii, jen jǝ́ yǝlam nǝb yʊlan a mʊgɔ Kiristii! Nǝn nǝ gɨya, jen jǝ́ kwama! Jǝ nǝ jen dʊʊn nɛ, nǝn nǝ mɨ a nyiyo jǝl!
Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.
a fɛka jen a kanjǝl nyanɔ gǝm gwam, sǝ jǝ́ maa maajɨ nɨ swɨ lɛɨ, sǝ a maa maajɨ a mʊgɔ bǝn, sǝ a yǝlam jǝ bǝlátǝm a daa gǝ woi a gola Yesu Kiristii. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.
Jǝ́ la mʊrkalɨ nǝb bwangtǝm Kwaamaɨ nɨ a jo nǝn tɨkǝgaɨ, nǝb nɨ ja mʊla dun jinɔ a dʌbʌl kwamaɨ. Jǝ́ bɛ a daagɔ Kwaama woi, wʊnɨ nǝn gɔ maa nǝfitʌmɔ gǝm borang lɛ gwamɨ. Jǝ́ bɛ a daagɔ dʊʊmɨ nǝfitʌm nɨ dǝngdǝngɨ, nǝb nɨ Kwaama a dǝg ji mɨ nǝn dutoi.
A dul kɛl nɨ, bɛ bǝ sʊtǝn nyǝmtǝmɔ a shu kanjǝl nɨ ja mɛla bǝm nǝn tɨkǝga a dul Kiristii, a yɔ nǝn a dʊʊlǝn nyǝmtǝm. Ka bǝ yǝla lɛ bǝ swa fʌlʌm kanjǝl nɨ bǝ bǝla a guli. Jʊtǝb nɨ nǝn gɔ, n yǝlatǝm bǝlatǝm bwɨlangkɛl nɨ yɔ lɛ nǝn bǝn a bwaaɨ, jǝbɔ nǝtǝm bɨlǝngkɛl a daagɔ Kwaama woi,
N kɛl dul gǝn nǝn sʊwa nǝbɔ kɛlɔ lɛɨ, nǝn gʊ jim lɔl lɛ, nǝn mɛla jim lɛ a nyǝmtǝm nɨ Kwaama a nǝ nǝnɨ, dɨsɔ nǝn nʊng ji a kǝga Kwaamaɨ jǝ dǝngdǝng a mʊgɔ Kiristii.
Jǝ́ nǝbɔ mǝ swɨ lɛɨ, Kwaama a kwɛl a maa bǝm swatǝm yaatɨn. Na gǝ na nyɨɨ, bɛ bǝ saalǝm dul bǝnɔ a kanjǝl nɨ dǝg bʊtɔ bǝnɔ lɛ jǝbɔ nǝl bǝnɔ a dutoi. Bɛ bǝ yɨ yɨm sagsag dangǝn a gola nǝtǝm Kwaamaɨ dʊʊn.
N kela jen kɛtǝlam mɨ, a mʊgɔ dun Yesu Kiristi Tɛlalɔ bǝnɨ, pʌd jenɔ bɛ nyiyo jenɔ a yǝlam win. Ka beltǝm ya dɔ lɛ kʊm jen. Bɛ jǝ́ mʊrka dul, bʊʊlalɨgɔ win, maajɨgɔ win.
