2 Korinti 13:5 - Dadiya NT

⁵ Jǝ́ tɛl dul jenɔ jǝ́ kuwo, kɛna jǝ́ nǝngǝn nǝn nǝtǝm bɨlǝngkɛlɨ. Ya jǝ́ tɛl dul jenɔ lɛ. Jǝ́ nyǝm bɔ Yesu Kiristi gǝ na a mʊgɔ jeni ka? Na Yesu Kiristi mɨ a mʊgɔ jeni, jǝ́ yal tɛltǝmɔ.

2 Korinti 13:5 交叉引用

1 Korinti 11:28

Bɛ ga fɛ ga fɨɨ dul gǝnɔ sǝla ga ja kʊkkʊmɔ, ga nɔɔ a kʌshigɔ gǝm.

1 Korinti 9:27

Jʊ mǝ maa lɛɨ, mǝ nǝ bʊtɔ mǝndɨ gaalan. N ya bʊtɔ mǝndɨ a jwaalɛn, kage na kwama mǝ dɨ kiyotǝm kaamɨ gǝm fulon kɛl lǝmɨ nɨɨ, ja mǝla ɨ fʌlen.

Dʊgam Nyangnyang 2:5

Bɛ ń fɛ ń bʊʊla nǝn dʊʊn mʊnɔ nǝn tɨkǝgaɨ, jǝbɔ yǝlatǝm nɨ nǝn gul mʊ maaɨ. Yǝla bǝla bwɨlangkɛl mʊnɔ. Yǝla maa maajɨ nɨ mʊ maa nǝn tɨkǝgaɨ. Na mʊ yǝla bɔ ń bǝla bwɨlangkɛl mʊnɨ, mǝ bɛ bɛ a daa mɔ woi sǝ n yem daa swatǝm fitilagɔ a daa mʊ woi.

Galatiya 6:4

Bɛ jǝ́ tɛl maajɨ jenɔ win win gwam jenɔ. Na a bʊmɨ, sǝla jǝ́ maa lɨyal jǝbɔ jʊ nɨ mʊ maa nǝn dul mʊnɨ, mɨsɔ mʊ nʊng dul mʊnɔ lɛ jǝbɔ kaa nǝl.

Ibranii 12:15

Bɛ jǝ́ fɛ jǝ́ dʌng, mɨ nʊ nɨ wo lɛ nyatǝm lǝma Kwaamaɨ lɛɨ, kage kaa nǝ nʌl tuuli a na a kʊm jen, a bɛ nǝn kutʌm jǝbɔ kaltǝm nǝbɨɨ a lada.

1 Korinti 11:31

Na bǝ fɨɨ dul bǝnɨ, mɨsɔ jǝ maa bǝm borang lɛ.

Titus 1:16

Jǝ sʊwa nǝn nyiyo gɔ jǝ nyǝm Kwaama, a gola maajɨ jinɔ gǝm, ja kana nyǝmtǝm gǝnɔ. Ja yǝlam jǝ yǝlatǝm nǝl. Mɨ jǝ bwangtǝn Kwaama lɛ. Mɨ ji nǝn bʊmǝn wo dǝm a gola maajɨ nyan.

Galatiya 2:20

Ja kʊʊ ɨ dakini nǝbɔ Kiristi. Kǝngkɔ ke bɔ mǝ nǝn kʊlɨɨ, n kʊlɨ Kiristii a mʊgɔ mɨɨ. Kʊlɨ nɨ mǝ nǝn a mʊgɔ bʊtɔɨ, n kʊlɨ a gola nǝtǝm bɨlǝngkɛl a daa bʊla Kwaamaɨ woi, wʊnɨ a swɨ ɨ, a bʊla a kɛl dul mɨɨ.

Yohana 14:23

Nǝngɔ Yesu a jǝla gǝn gɔ, “Gwam nʊ nɨ swɨ ɨ lɛɨ, kɨla kɨla kɛl mǝndɨ. Tɛtɛ mɨ tǝgǝn swɨ gǝn swɨ. Mǝ nǝbɔ Tɛtɛ mɨ nǝn bɛ bɛ a daa gǝ woi, sǝ nǝn yɨ dakini nǝbɔ gɔ.

Roma 8:10

Na Kiristi a nǝl jeni, bʊtɔgɔ a bʊlam bʊlamɨ a dul maatǝm bwɨlangkɛl sul, Yʊwa Kwaamaɨ nǝ jen kʊlɨ, jʊ a bwɨɨ Kwaama a dǝg jen jǝ́ yǝlam dǝngdǝng.

Ibranii 4:1

Kanga nɨ swatǝm yaa dɔtǝm daa fǝbtǝm gǝnɔ woi, bɛ bǝ maa dʌngtǝm dangǝn, kage kaa a kʊm jen a gaa dɔtǝmɔ.

1 Korinti 9:24

Jǝ́ nyǝm bɔ a gaan sʊtǝm sʊgɔl, nǝb sʊtǝm sʊgɔlɔ jǝ maa laakatǝm, nʊ win na gǝ nya lǝmagɔ lɛɨ ka? Bɛ ya jǝ́ mwal sʊgɔlɔ lɛ nyɔ sǝ jǝ́ ku jelʌn.

1 Korinti 3:16

Jǝ́ nyǝm bɔ, jǝ́ Kan Kwaaman Kwaamaɨ ka? Jǝ́ nyǝm bɔ Yʊwa Kwaamaɨ yǝm a mʊgɔ nǝl jen tagɨ ka?

Yohana 15:4

Bɛ jǝ́ yɨ a mʊgɔ mɨ, mǝ tǝmɨ mǝ yɨ yɨ a mʊgɔ jen. Kanga kang tɨyang fogfogi mɨ dwal lɛ a tʊʊ tʊʊl nǝn kang gǝnɨ, na a yɨ bɔ a mʊgɔ tɨya fogfogi, a na nyɔ jen tʌjen mɨsɔ jǝ́ dwal lɛ jǝ́ tʊʊ tʊʊl, na jǝ́ yɨ bɔ mʊgɔ mɨɨ.

Titus 2:2

Bɛ ń mɛla batǝm dʊʊmɔ gǝm ja yǝlam nǝb tatǝm dul, nǝbɔ a shing shingi, nǝbɔ a dǝg kang a sʊɨ, nǝbɔ a tɨ dangǝn a nǝtǝm bɨlǝngkɛl jinɔ gǝmɨ, jǝbɔ swɨtǝm nǝbɨɨ jǝbɔ bwatǝm nǝl.

Afisa 3:17

sǝ Kiristi a yɨ a mʊgɔ nǝl jen a gola nǝtǝm bɨlǝngkɛl. Mǝ maa keli lɛ tag bɛ swɨkanɔ a yǝlam jʊ nɨ jǝ́ ywɔ jʌng jenɔ woi, n daagɔ jǝ́ swa fʌlʌm jenɔ woi.

Yohana 17:26

N nʊng ji nʊngɨ mɔ, mǝ ja ja kǝga nǝn nʊngtǝm jinɔ tag, sǝ swɨtǝmɔ mʊ maa mɨ lɛɨ, a yɨ jǝbɔ ji, sǝ mǝ tǝmɨ n yɨ a kʊm jin.”

Yohana 17:23

Mǝ yɨ yɨ a mʊgɔ jin, mɔ tǝmʊn a mʊgɔ mɨ, sǝ ja yǝlam win nyangǝn, sǝ yooligɔ a nyǝm gɔ nǝmɔ mʊ twam ɨɨ, sǝ ja nyǝm mʊ swɨ ji lɛ kanga mʊ swɨ ɨ lɛɨ.

Yakubu 4:4

Jǝ́ na na nǝb bulon! Jǝ́ nyǝm bɔ yǝlamtǝm fwalɨ yooligɨɨ win jǝbɔ maatǝm kii jǝbɔ Kwaamaɨ ka? A dul kɛl nɨ, nʊ nɨ a do swɨtǝm yoolii, a do dul gǝnɔ gǝ nǝ kii Kwaamaɨ.

Kolosii 2:7

Bɛ nʌltɨn jenɔ ya dʊʊl lɛ a mʊgɔ Kiristii. Bɛ kʊlɨ jenɔ a dʊʊl a mʊgɔ gǝn. Bɛ jǝ́ tɨ nǝn kwaan a mʊgɔ nǝtǝm bɨlǝngkɛlɔ gǝm ja mɛla jemi. Bɛ jǝ́ buu gǝm kang a lada.

Kolosii 1:27

Kwaama a kuwo a bʊm gǝ sʊwa nǝbam gǝnɔ gɔ shilogɔ jǝbɔ dʊʊlǝn Kiristi Yesui na a jen jǝ́ Bʌtʌbɔ. Jǝ yʊtǝm nɨ nǝn Kiristi. Gǝ na a kʊm jen, wʊnɨ nǝn gɔ n yatǝm nǝl jeni gɔ jǝ́ nya nya dʊʊlǝn gǝnɨ.

Kolosii 1:23

Yǝlam yǝlam nyɔ na jǝ́ ja kǝga a nǝtǝm bɨlǝngkɛl jenɔ gǝmɨ, na jǝ́ tɨ nǝn kwaan a bɨlǝngkɛl nɨ gǝmɨ, na jǝ́ kʌlʌm bɔ a yatǝm nǝl jenɔ a fulon kɛl lǝmɨ nɨ jǝ́ nyʊwaɨ. Fulon kɛl lǝmɨ nɨ ja kiyo nǝbɔ gǝm gwam a yooli nɨɨ, wʊnɨ mǝ Bulus, mǝ yǝlam nǝ maajɨ gǝnɨ.

Galatiya 4:19

Jǝ́ bɛtɔ lɔ mɨɨ dwalǝnɔ, mǝ yǝla mǝ nɔɔ nɔɔ gaalan a dul jen na nɔɔlɨ nɨ bʌ bʌl lɛɨ, ba la nǝn a kwama nɨ jǝ́ yǝlam lɛ na Kiristii!

2 Korinti 6:16

N jǝlakatǝm wɛ a kʊm Kan Kwaaman Kwaamaɨ jǝbɔ kan shomi? Bǝ Kan Kwaaman Kwaama kʊlɨɨ. Kanga Kwaama a sʊwa gɔ, “Mǝ yɨ yɨ nǝbɔ ji, n bola a kʊm jin. Mǝ yǝlam yǝlam Kwaama jin, jǝ yǝlam yǝlam nǝbam mɨ.”

1 Korinti 6:19

Jǝ́ nyǝm bɔ bʊtɔ jenɔ n Kan Kwaaman Yʊwa Kwaamaɨ wʊnɨ a nǝl jeni, wʊnɨ jǝ́ nya a daagɔ Kwaama woi ka? Jen jǝ́ ke bɔ a dul jen.

1 Korinti 6:2

Jǝ́ nyǝm bɔ n nǝb sagsag maa yooli nɨ gǝm borang lɛɨ ka? Na nǝjen jǝ́ maa yooli nɨ gǝm borang lɛɨ, mɨsɔ jǝ́ dwal lɛ jǝ́ maa bɛlɨ kanjǝl nɨ ka?

Yohana 6:56

Nʊ nɨ wo nam bʊtɔ mǝndɨ lɛ, nɔɔ tʊʊm mǝndɨ lɛɨ, gǝ na jǝbɔ mǝ, mǝ tǝmɨ mǝ na jǝbɔ gɔ.

Yohana 6:6

Yesu a bʌ Filibus jʊ nɨ nyɔ sǝ tɛl gǝn, jʊ a bwɨɨ, Yesu a kwɛl a nyǝm jʊ gǝ maa lɛɨ.

1 Bitrus 5:9

Bɛ jǝ́ kɔ gǝn, jǝ́ tɨ nǝn kwaan a nǝtǝm bɨlǝngkɛl jenɔ gǝm. Jǝ́ kwɛl jǝ́ nyǝm nyǝmɨ kɛtǝlam jenɔ a yooli nɨɨ pʌd, ja kwɛl ja ya jim yaɨ nɔɔtǝm gaalanɔ.

Ibranii 6:8

Tǝm nɨ gim lɛ ka shola jǝbɔ nabǝrnabǝrɨ, mɨsɔ maa jǝ nyan nɛɨ, gǝ na a lagtǝm. Dɨltǝm gǝnɔ n twɨtǝm.

1 Korinti 6:15

Jǝ́ nyǝm bɔ bʊtɔ jenɔ n jinʌn Kiristii ka? Mǝ do do jinʌn Kiristii n dǝg a yǝlam jinʌn nɔɔlɨ kalalɨ ka? Mɨ nyɔ!

Roma 1:28

Kanga ja kɔ jǝlatǝm nyǝmtǝm Kwaamaɨ, Kwaama a bǝla ji nǝn bʊʊlalɨ bwɨla jinɔ, sǝ ja maa jǝ gunidul.

Titus 1:13

Nǝtǝm nyiyo gǝnɔ nɨ n bɨlǝngkɛl. Bɛ ń gʊ jim lɔl nǝn bɨlǝngǝn, sǝ ja yǝlam nǝb nǝtǝm bɨlǝngkɛl a mɛlalɨ bɨlǝngkɛl,

2 Timoti 3:8

Kanga Yanisu jǝbɔ Yambarisu ja gun tʌgo a Musa gǝmɨ, a na nyɔ nǝb mɛlalɨ gabakɛl nɨ a gun tʌgo a bɨlǝngkɛlɔ gǝmɨ, n nǝbɔ a lɛla a bʊʊlalɨ nyanɔ gǝmɨ, nǝtǝm bɨlǝngkɛl jinɔ n jǝl nǝn kwan.

1 Timoti 2:15

A bʌtʌm bɛtɨɨ, nɔɔtǝmɔ bʊʊ bʊʊ na ja yɨ yɨm nǝtǝm bɨlǝngkɛlɨ, jǝbɔ swɨtǝm, jǝbɔ yɨm sagsag jǝbɔ yɨm nɨ dǝngdǝngɨ.

Kolosii 2:19

A mʊrka bɔ a daa Kiristi woi wʊnɨ nǝn gɔ n duli. N daa gǝ woi bʊtɔgɔ gwam nya jǝ nyan nɛɨ, wʊnɨ a mʊrka a gola jinʌn jǝbɔ nʌl bʊtɔɨ, dʊʊl lɛ nǝn kwaan Kwaamaɨ.