2 Korinti 11:9 - Dadiya NT

⁹ Nǝn kwama mǝ a daa jen woi, na jǝl a kom ii, mɨ mǝ bʌ jen nɛ. Mǝ ya jem bɔ tuulo mǝndɨ n saa jǝl a kang jen, jʊ a bwɨɨ kambɔ nɨ a bɛ a Makidoniyaɨ, nǝji jǝ nɨ ɨ jʊ nɨ lɛ a kom ii. N jʊ a bwɨ mǝ ya jem bɔ tuulo a golantɨnɔ gǝmɨ. Mɨsɔ mǝ ya jem tuulo lɛ wo.

2 Korinti 11:9 交叉引用

1 Tasalonikaɨ 2:9

Kambɔ, bɛ jǝ́ bʊʊla nǝn gaalanɔ nǝn nɔɔɨ, jǝbɔ gʌtǝmɔ nǝn gʌi kwama nǝn kiyom fulon kɛl lǝmɨ Kwaamaɨ lɛɨ, nǝn maa maajɨ lɛ kum jǝbɔ kɔkɔ, nǝn gɔ ka nǝn ya jem tuulo.

1 Tasalonikaɨ 2:6

Nǝn saa bɔ bǝlátǝm wo a daagɔ nǝbɨɨ, ke bɔ a daa jen woi jǝbɔ kaamɨ. Na na nǝn swɨ lɛɨ, na nǝn maa maajɨ nǝn fɔlɔn nǝnɔ na bɛtɔ twama Kiristii, na nǝn saa tɨkalɨ.

Ibranii 11:37

Ja jʌbo ji nǝn tɛl. Ja mwata ji yo. Ja jʌbo ji nǝn gulʌn. Jǝ bola nǝn tɛ kwamɨtɨn jǝbɔ tɛ bɨntɨn. Jǝ yɨ yɨm bʊnǝn, jǝbɔ gʌtǝm jǝbɔ nyʊwatǝm gaalan.

Filibii 2:25

N kuwo a bʊm nyɔ n yǝla n twam jem Abafaroditas, kɨla mɨ, fwalɨ maajɨ mǝndɨ, fwalɨ gʌtǝm mǝndɨ, wʊnɨ jǝ́ twam gǝn sǝ a tɨka ɨɨ.

2 Korinti 9:12

Jʊ a bwɨɨ, nǝtǝm nɨ jǝ́ maa lɛɨ, ke bɔ ywatǝm komʌm nǝb sagsagɨɨ kwaaji maa lɛɨ, gǝ sʊ buutǝm kang a daa Kwaama woi dangǝn.

2 Korinti 6:4

A kanjǝlɔ gǝm gwam nǝn maa lɛɨ, nǝn maa sǝ nǝn nʊng nǝn nǝb maajɨ Kwaamaɨ. Nǝn kʊ nǝl, nǝn nɔɔ gaalan, nǝn gʌ, nǝn nya komʌn bwɨla.

Maajɨ Bɛtɔ Twamagɨɨ 20:33

Mǝ maa bɔ wɛl kemʌn, jǝbɔ mʊn, jǝbɔ dwang nǝlɨ.

Maajɨ Bɛtɔ Twamagɨɨ 18:3

Maajɨ kang jinɔ win jǝbɔ a gǝnɔ, jǝ fɛ gushi. N kɛl dul jʊ nɨ a yɨ jǝbɔ jii. Jǝ maa maajɨgɔ lɛ dakini.

Maajɨ Bɛtɔ Twamagɨɨ 18:5

Kwama Sila jǝbɔ Timoti a jel a Makidoniya a bɛɨ, Bulus a nǝ dul gǝnɔ a kiyotǝm kɛl Kwaamaɨ. Sʊwa Yahudawagɔ lɛ gɔ Yesu nǝn gǝ nǝn Kiristii.

Roma 15:26

Nǝbɔ Makidoniyaɨ jǝbɔ nǝbɔ Akayaɨ, ja nyʊwa lǝma nǝtǝm tɨkalɨ a dul nǝb bʊnǝnɔ gǝm a mʊgɔ nǝb sagsag nɨ a Urushalimaɨ.

1 Korinti 16:17

N maa fulotǝm nǝl nǝn bɛtǝm Istifanusi, jǝbɔ Fartunatas jǝbɔ Akaikas, jʊ a bwɨɨ ja dem mɨ gaalan yɔtǝmɔ a daa jen woi.