2 Korinti 10:7 - Dadiya NT

⁷ Jǝ́ dʌng jʊ nɨ a talɨ! Na nǝl a jǝla gɔ gǝ na a Kiristii, bɛ ga nyǝm gɔ nǝn tǝnǝn nǝ na nyɔ.

2 Korinti 10:7 交叉引用

2 Korinti 5:12

N ke bɔ gungtǝm dul nǝ nʊng lɛ a daa jen woi. Nǝn nʊng jen gola nɨ jǝ́ maa lɨyal lɛ nǝn nǝnɨ, sǝ jǝ́ nyǝm kanga jǝ́ gar kɛl nǝbɨɨ maa lɨyal lɛ nǝn jʊ jǝ kuwo lɛɨ, ke bɔ jǝbɔ jʊ a nǝl jini.

1 Korinti 14:37

Na kaa nǝl do dul gǝnɔ lɛ gɔ gǝ nǝkuwotǝmkǝgaɨ, na gǝ na nǝn nǝtǝm lǝma Yʊwaɨ, bɛ ga nyǝm, jʊ nɨ mǝ mʊla jem lɛɨ n diil a daagɔ Tɛlalɔ woi.

2 Korinti 11:23

Na jǝ bɛtɔ jwaalɛn Kiristii, n laa ji tag. Mǝ sʊwa kɛlɔ na nǝ wabɨ! N laa ji maatǝm maajɨ dangǝn. A bwatǝmɔ ja bwa ɨɨ, mɨ kiyotǝm wo. Ja bʊg ɨ dangǝn. Mǝ na a nyiyo bwaa kwangkwang.

Yohana 7:24

Ka jǝ́ maa lɛ borang a dul kanjǝl kuwotǝm nu. Bɛ jǝ́ maa borang nǝn jʊ nɨ n dǝngdǝngɨ.”

1 Yohana 4:6

A bǝnɔ bǝ na a Kwaamaɨ. Nʊ nɨ a nyǝm Kwaamaɨ, gǝ nyʊwa bǝn nyʊwa. Nʊ nɨ ke bɔ a Kwaamaɨ, mɨ gǝ nyʊwa bǝn nɛ. Bǝ nyǝm nǝ Yʊwa bɨlǝngkɛlɔ nyɔ jǝbɔ nǝ yʊwa gabakɛlɔ.

1 Korinti 9:1

Mɨ mǝ nǝn nyatǝm dul ka? Mǝ ke bɔ bwɛ twama ka? Mǝ kuwo bɔ Yesu Tɛlalɔ bǝn ka? Jǝ́ ke bɔ maajɨ mɨ a mʊgɔ Tɛlalɔɨ ka?

1 Korinti 3:23

Jen jǝ́ na a Kiristii. Kiristi na a Kwaamaɨ.

Galatiya 3:29

Na jǝ́ na a Kiristii, jǝ́ dʊʊm Ibrahimi. Jǝ́ yo yo kʊla nɨ Kwaama a maa swatǝm yaa gǝnɨ.

2 Korinti 10:1

Mǝ Bulus nǝn kang mɨ mǝ kel jen nɛ nǝn shigtǝm dul jǝbɔ nǝl yʌbi a Kiristii. Nǝbɔ sʊwala lɛ gɔ mǝ nǝ taal na mǝ a kʊm jeni. Mǝ nǝ sʊwatǝm kɛl nǝn kwaan na n bǝla jeni.

1 Korinti 1:12

Jʊ mǝ swɨ lɛ n sʊwaɨ, nǝn gɔ, pʌd jenɔ jǝ́ sʊwala katɨgɔ lɛ nǝn dʌmʌn jengɔ, “Mǝ nǝ bwangtǝm Bulusi,” kaa gɔ, “Mǝ nǝ bwangtǝm Afolosi,” kaa gɔ, “Mǝ nǝ bwangtǝm Kefasɨ,” kaa tag gɔ, “Mǝ nǝ bwangtǝm Kiristii.”

2 Korinti 13:3

Na jǝ́ swɨ lɛ jǝ́ nyǝm jengɔ n kwaan Kiristii mǝ sʊwa kɛl nɨ lɛ nǝnɨ, bɨlǝngkɛlɔ n wɔ. Kiristi a gɨya bɔ gɨyaɨ a daagɔ jen woi, a nʊng kwaan gǝnɔ a mʊgɔ jen.

2 Korinti 12:11

N maa jǝ fʌmʌn. Nǝjen jǝ́ sɨna mɨɨ. A yǝlam nyɔ nǝjen na jǝ́ buu mɨ kang lɛɨ, jʊ a bwɨɨ mɨ daa nɨ wo mǝ dwal a kʊm daltɔ bɛtɔ twamagɨɨ, mǝ ke bɔ kaa jǝl sul.

2 Korinti 11:18

Kanga nǝbɔ a lada maa lɨyal lɛ nǝn kanjǝl yooli nɨɨ, mǝ tǝmɨ mǝ maa maa lɨyal.

2 Korinti 11:4

Na kaa nǝl a bɛ ba kiyo jem kɛl lɛ a dul kaa Yesu wʊnɨ ke bɔ nʊ nǝn kiyo jemi, na jǝ́ nya kaa yʊwa tag wʊnɨ ke bɔ Yʊwagɔ jǝ́ nyaɨ, na jǝ́ yo kaa fulon kɛl lǝmɨ ke bɔ a wʊnɨ nǝ sʊwa jeni, jǝ́ jǝla nǝn nǝb gǝmɔ dǝbǝr dǝbǝr!

1 Korinti 15:23

Gwam bǝnɔ Kwaama gung bǝn gung win win. Kiristi nǝn gɔ tɨkǝga guntǝmɨ, na a yǝla a bɛɨ, nǝbam gǝnɔ gwam gun gun.

Luka 16:15

Yesu a sʊwa ji gɔ, “Nǝjen jǝ́ nʊng nya jenɔ lɛ a nu nǝbɨɨ, Kwaama a kwɛl a nyǝm nyǝmɨ nǝl jenɔ. Jʊ nɨ a bʊm a nu nǝbɨɨ, n kanjǝlɔ Kwaama kɔ lɛɨ.

Matta 23:5

“Kanjǝl nɨ jǝ maa lɛɨ, jǝ maa sǝ nǝbɔ a kuwo. Jǝ bwa tafɨyatɨn nɨ ja mʊla kɛl Kwaamaɨ woi a tɛkǝga jinɔ gǝm. Dwang malǝng jinɔ a som nyɔ gǝla kwaala lɛ a tǝm.